Gwlad Beirdd

[Manon]

Ew, 'dwi'n mwynhau'r gyfres yma. Mae o'n gwneud i fi isho prynu cyfrolau o farddoniaeth a darllen nhw i gyd o glawr i glawr, ac mae Tudur Dylan a Mererid Hopwood yn llawn angerdd hefyd. Gwych. Mwy plis!

[Llety Clyd]

A finne hefyd. Y rhaglenni gore dwi 'di gweld ers sai'n gwbod pryd. Dwi'n teimlo fel ffonio Gwifren Gwylwyr am y tro cyntaf erioed!

[Gwen]

Cytuno. Dwi wastad yn gwylio'r rhain gan edrych ymlaen at Pen Talar sydd i ddilyn, ond yn y pen draw yn mwynhau Gwlad Beirdd lot mwy. Roedd Crwys yn ddewis annisgwyl, ychydig y tu allan i'r canon, ond yn ddifyr oherwydd ein bod ni'n dysgu rwbath.

[Manon]

Ia, nes inna feddwl hynna am Crwys hefyd, Gwen. Da, gan nad ydi o'n fardd 'swn i wedi mynd ati i chwilio am ei waith o, ond 'roedd 'na farddoniaeth hyfryd o'i eiddo fo ar y rhaglen.

[Rhys]

Do'n i erioed wedi clywed am Crwys o'r blaen (wnes i ddim Lefel A Cymraeg), felly dysgais i rhywbeth newydd, ac roed dyn ddoa cael samlp o waith y rhai mwy adnabyddus. Alla i ddim credu bod Crwys ddim wedi trosglwyddo'r Gymraeg i'w blant a fyntau wedi bod yn Archdderwydd. Dw in gwybod ni'n sôn am gyfnod gwahanol iawn i heddi, ond c'mon! Mwyneiais i ei farddoniaeth o, mae'n accessible iawn.

[Gwen]

On i'n teimlo ein bod ni wedi cael darn o gosip bach jiwsi yn fanna!

[dafydd]

Do'n i erioed wedi clywed am Crwys o'r blaen (wnes i ddim Lefel A Cymraeg), felly dysgais i rhywbeth newydd, ac roed dyn ddoa cael samlp o waith y rhai mwy adnabyddus. Alla i ddim credu bod Crwys ddim wedi trosglwyddo'r Gymraeg i'w blant a fyntau wedi bod yn Archdderwydd.

Fe magwyd Dad yn Craig-cefn-parc a roedd Crwys yn prynu wye gyda Dadcu! Dyw Dad e byth yn deall pam na fagodd ei blant yn Gymraeg er ei fod wedi symud i ardal seisnig ym Mryn-mawr. Er, ni gyd yn gwybod am bobl reit bwysig yng Nghymru heddiw sy'n siarad Cymraeg ond wedi methu pasio'r iaith ymlaen.

Dwi heb weld y rhaglen yn llawn eto, ond yn mynwent Pant-y-crwys y rhes i lawr o fedd Crwys mae bedd bardd ac archdderwydd mawr arall - Dafydd Rowlands. Ac yn uwch ar y mynydd, mae tri cenhedlaeth o fy nghyn-deidiau yn gorffwys.