S4C yn hen ffasiwn ??

[Josgin]

Efallai mai'r gymhareb gorau y gall rhywun wneud ynglyn ac S4siec (a'r sliwod barus di-dalent fu'n byw yn fras arno ers blynyddoedd) yw mab afradlon.
Buont yn afrad, yn falch ac yn wastraffus, ond maent yn bwysig i ni , ac yn ran annatod o'n bywyd. Mae'n rhaid i ni eu hamddiffyn, oherwydd ni ellir atgyfodi S4C
petai'n diflannu . Mae'n edrych yn bach yn eironig, i raddau, fod Angharad Mair yn siarad, ond dyma rhywun sydd wedi tyfu'n lais gwleidyddol cryf (ac annisgwyl, rhaid cyfaddef - pwy nesaf - Amanda Protheroe -Thomas ? ) a deallus yn ystod y blynyddoedd diwethaf . Oes , wrth gwrs fod budd ganddi yn y sianel, ond credaf mai argyhoeddiad sy'n gymhelliad iddi yn hytrach na hunanoldeb .
Mae S4C wedi anwybyddu'r beirniadaeth gan ei ffrindiau am ddegawd. Yn awr mae'r beirniadaeth yn dod o du y gelynion, at pwy mae troi am gefnogaeth ?
Mae John Walter Jones , Meirion Davies ( dyna un sydd wedi disgyn yn bell wrth godi'n uchel) ayb yn gnafon diegwyddor, ond , i aralleirio( gan nad wyf yn hoff o regi'n electronig) , ein cnafon ni ydynt.

[Duw]

Hen ffasiwn?
Dim ffasiwn.

Fel sy wedi'i ddatgan gan sawl un eisioes, gwendid S4C yn taw un sianel ydyw. Mae'n amhosib y dyddie 'ma i ddarlledu rhywbeth ma pawb ishe gweld. Er bydde'n neis i weld rhywbeth mae o leia un person ishe gweld. Dwi'n profi'r rhestr rhaglenni yn ddyddiol, ond does dim byd yn i'm blas. Dwi heb wylio'r sianel am flynyddoedd, heb law rygbi a rhaglenni plant (i'm plant!).

Yn yr oes digidol, na fydde modd bo'n fwy creadigol? Na alle sawl rhaglen cael un darlledu ar yr un pryd, e.e. 'pwyso'r botwm coch', ac yna ailadrodd y rhaglenni hynny sawl gwaith yr wythnos? Yna bydde 'primetime' i bron pob carfan.

Does dim amddiffyn methiant S4C i ennill cynulleidfa ffyddlon. Er gwaetha'r bŵm mewn agweddau cyfrwng, na ddyle'r sianel fod wedi llithro mor bell tu ol. Mae camreolaeth wedi gosod dyfydol y sianel yn y fantol.

[Ar Mada]

Dwi'm yn mynd yno i floeddio ar ran cyfryngis ar unrhyw gyfrif

Paid ta...... fyswn i ddim yn mynd i rali Nyrsus chwiath.... wel, dibynnu os na merched dy nhw.... a be ma nhw'n wisgo!

Rhaid cofio bod S4C cyflogi pobl sy'n gweithio yn y diwydiant creadigol yng Nghymru (technegol, cynhyrchu, perfformio...) beth bynnag dy swydd. A tybiwn bod lot o fobl yn y diwydiant yn mynd i'r rali... dyna, yn bennaf pam dwi mynd. Ond.. fel udodd y ddynes yn 'Blazing Sadles' wrth y cowboy.... "If you're not in show business, get your feet off the god damn stage!" Ond eto... mae show business angen cynulleidfa!

Oes, mae angen gwella'r sianel.... ond tybiwn na'r broblem ydi bod Cymru yn wlad rhy fach i gadw pawb yn hapus ar un sianel..... da ni gneud dim ond cwyno efo chips ar ein sgwyddau am rywbeth neu gilydd. I feddwl bod Cymru yn wlad sydd efo llwyth o bwyllgorau etc... rhyfedd bod lot ohonom methu uno ar adegau fel hyn.

Diolch bo na sianel uda i..... iawn mae angen gwella rhai agweddau.... ond ffor ffycs secs, unwch! Dim ffacin pledu'n gilydd efo'r holl jips ma ar ein sgwyddau!

Cadwch ych ffycin chips! Ac unwch! A diolch i Gymdeithas yr Iaith am drefnu ... unwaith eto!

[Hedd Gwynfor]

Fideo effeithiol gan Gai Toms:

[pen-wy]

Deffrwch!

[Llety Clyd]

Wel, mae dangos rhaglen am Miss World yn hen ffasiwn, ta beth. O'n i'n meddwl ein bod ni 'di symud mla'n o fan'na!

[Petroc]

Mae rhaglenni BBC Alba yn iawn, a'r gyllideb yn fach o gymharu. ac y y bylchau enfawr rhwng rhaglenni maen nhw'n chwarae BBC Radio nan Gael. Felly beth am GADW y 100 miliwn a chreu ail sianel BBC cymru gyda 20 miliwn o'r arian i gystadlu yn y Gymraeg yn erbyn S4C - felly dewis o raglenni. A phob rhaglen ar gael ar CLIC neu BBC watch it again drwy'r byd ac am ddim. (Pam blocio yr ychydig sy'n gwylio tramor rhagwylio rhaglenni yn y Gymraeg, dan ni angen bob Cymro ble bynnag y bont.) Mae'r iaith dan warchae, nid mater o 'gyllun busnes' yw hi ond o oroesiad ein cenedl , a theledu yn graidd yn yr oes sydd ohoni.

[tom.j]

Diddorol oedd gwylio Y BYD AR BEDWAR neithiwr. Diddorol i ddechrau oedd sylweddoli unwaith eto gymaint o goc oen yw John Walter Jones. Diddorol hefyd oedd ystadegau'r arolwg oedd yn dangos taw dim ond 19% o Gymry Cymraeg sy'n gwylio S4C a doedd 19% o Gymry Cymraeg byth yn gwylio S4C. Pam felly bo'r sianel yn colli'r gwylwyr hynny rhwng dwedwch 16 a 40? Dyma pam........CEFN GWLAD, FFERMIO, FFERM FFACTOR, RALIO+, DECHRAU CANU DECHRAU CANMOL, 4 WAL, 3 LLE, CARTREFI CEFN GWLAD CYMRU,NOSON LAWEN,GWLAD BEIRDD,PETHE.....Dweud y cwbl eh?

[Josgin]

Dim byd yn bod ar y rhaglenni yna. Maent yn raglenni pwrpaso, gyda fersiynau Saesneg cyfateboll. OND ! - mi ddylai fod yna sianel arall, boblogaidd, yn darlledu yn y Gymraeg . Efallai mai 'Sianel Gymraeg arall yn awr ' yw'r 'unig ateb' cyfoes.

[tom.j]

Dim byd yn bod ar y rhaglenni yna. Maent yn raglenni pwrpaso, gyda fersiynau Saesneg cyfateboll. OND ! - mi ddylai fod yna sianel arall, boblogaidd, yn darlledu yn y Gymraeg . Efallai mai 'Sianel Gymraeg arall yn awr ' yw'r 'unig ateb' cyfoes.

Dim byd yn bod??? Mae pob Cefn Gwlad gwmws run peth ers ugain mlynedd....pa sianel arall ar y blaned byse'n dangos Ffermio ar yr oriau brig.....Dechrau Canu Dechrau Canmol - ma'r capeli i gyd yn wag felly pam oes ishe fe ar y teledu? Cartrefi Cefn Gwlad Cymru.....pwy sy'n becso dam? Pam na gawn ni Gwylio Paent Yn Sychu Ar Wal Yng Nghefn Gwlad Cymru? Gwlad Beirdd...cyfres i'r lleiafrif o'r lleiafrif.
Os oes yna fersiynau Saesneg cyfatebol - ma' nhw'n cael eu dangos yn ystod y dydd ac nid ar yr oriau brig. Fel soniodd un teulu ar Y Byd Ar Bedwar....dyma pam nad y'n nhw byth yn gwylio S4C - a phwy all eu beio.Un sianel yw S4C ie..ond un sianel hefyd yw BBC1 ac ITV 1 ac ma digon o amrywiaeth ar y sianeli hynny. I fynd nol at y gosodiad - ydy mae S4C yn hen ffasiwn.