Week in Week Out - S4C

[Hedd Gwynfor]

Welodd rhywun y rhaglen heno? http://www.bbc.co.uk/programmes/b00vjrxf Uffernol o unochrog oeddwn i'n meddwl, a ddim yn wrthrychol o gwbwl. Dwi'n meddwl gwneud cwyn i'r BBC, ond dim lot o bwynt, dyn nhw byth yn cymryd cwynion o ddifrif... Fe wnaf esbonio mwy yfory (ar ol bach o gwsg) beth wnaeth fy nghorddi i fwyaf!

[C++]

Sa' i di weld e 'to. Dylet ti cwyno os ti eisiau - achos ti'n gallu postio cofnod fel Rhys.

[C++]

Gyda llaw mae gyda BBC polisi: ar ôl derbyn x cwyn rhaid iddyn nhw ddechrau ymchwiliad swyddogol.

Dw i ddim yn cofio'r nifer x ond mae'n rhywbeth isel iawn fel tua 10. Unrhyw un?

[fatswalla]

Diolch am y linc. Wedi ei wylio fedra'i ond cytuno a bron popeth a ddwedwyd. JWJ yn fy nharo fel un sydd wedi ei orchuddio mewn grefi a ddaeth oddi ar y trên. £55,000 am faint o ddyddie'r wythnos? tra fod yr 'old timers' fel Geraint Stan yn siarad mewn termau dimplomataidd, call. Mi wn i taw rhaglen BBC oedd yma ond lle mae'r dystiolaeth ei fod yn rhaglen 'un ochrog'? Jest achos nad yw rhywyn yn hoff ô'r hyn mae'n ei weld. . . gwirionedd bob amser yn brifo.

[zorro]

'Doedd y rhaglen ddim yn unochrog. Os rhywbeth, 'roedd yn anwybyddu rhai o ddigwyddiadau llai na anrhydeddus y 5 mlynedd diwethaf !!! Os oedd yn unochrog, unochrog o BLAID S4C oedd o !!!

Ma digwyddiadau a pholisiau'r gyfundrefn ddiwethaf yn S4C yn hynod anghredadwy, a digon yw hi i ddweud fod ymateb Jeremy Hunt a'r DCMS ddim yn anghyfarwydd gan gofio'r sgandal o bolisi oedd yn bodoli.

Ar bwynt fwy personol : Os yw John Walter Jones yn eich gwylltio chi fel unigolion ac yn creu rhyw ddelwedd negatif o rheolwyr ein sianel , ydych chi'n meddwl fod hwn yn berson da i gynrychiolu S4C i'r DCMS yn yr oes yma ?????

[Rhys Llwyd]

Roedd hanner cyntaf y rhaglen yn iawn, a dweud y gwir roedd e'n dda, oherwydd er mod i'n cyfri S4C yn bwysig ac fod cadw annibyniaeth S4C yn bwysig dydw i ddim yn hapus gyda perfformiad ac arweiniad y Bwrdd dros y misoedd diwethaf.

Ond roedd y cwyn wnes i anfon mewn i'r BBC yn gwneud gyda rhan olaf y rhaglen yn unig oedd yn delio gyda polisi'r Llywodraeth o uno'r BBC ac S4C. Rhoed llais oedd o blaid ac yn amddiffyn yr uno sef Menna Richards ar ran y BBC ond ni roddwyd llais yn rhoi'r ddadl gref yn erbyn yr uno. Roedd hyn felly yn unochrog.

Jest oherwydd fod rhywbeth, ar hyn o bryd, yn crap dydy e ddim yn esgus i beidio ei amddiffyn yn erbyn gelynion y Gymraeg a Chymru. Mae fy mrawd weithiau yn ffwl ond fy mrawd i yw e ac felly yr ateb yw ei helpu fe i wella ac i'w amddiffyn nid ei gicio pan mae e ar y llawr neu fe fydda i, heb drio falle, wedi lladd fy mrawd.

Wrth weld y BBC yn traflyncu S4C rydym ni'n siarad am weld sefydliad Cymraeg a'i bencadlys yng Nghymru yn cael ei gymryd drosodd gan sefydliad Prydeinig a'i bencadlys yn Llundain. SMELL THE COFFE!

[Hedd Gwynfor]

Cytuno gyda beth ddwedodd Rhys. Y darn am y BBC yn llyncu S4C oedd y broblem, dylid bod wedi rhoi ochr arall y ddadl. Cafodd y BBC ei bortreadu fel yr achubwr yn dod i achub S4C mewn cyfnod o angen, lle mewn gwirionedd doedd gan rheolwyr y BBC yn Llundain ddim unrhyw ddiddordeb yn S4C, dim ond eisiau gwneud cytundeb a fyddai'n golygu ychydig llai o doriadau iddyn nhw.

Ro'dd lot o'r rhaglen yn dda. Fi'n cytuno bod angen newidiadau mawr ar dop S4C, a dwi ddim yn hapus gyda perfformiad y sianel dros y ddegawd ddiwethaf. Ond rhaid cadw annibyniaeth S4C a rhaid cadw cyllid digonol hefyd.

Er nad oeddwn i'n hapus gyda agweddau o'r rhaglen, mae rhaglenni fel hyn yn holl bwysig. A fyddai y BBC wedi gwneud ymchwiliad manwl o S4C pe byddai S4C yn rhan o'r gorfforaeth? Bydd S4C yn barod i ymchwilio i mewn i agweddau o'r BBC os mai'r BBC sy'n rheoli'r cyllid?

[tom.j]

Cael gwared ar John Walter Jones sydd ishe....