Gêm banel newydd S4C - .CYM

[osian]

Erchyll, gwirioneddol erchyll. Y pwynt gwaetha' oedd pan na'th rhywun sôn am gowbois, a na'th Tina ddeud "www, brokeback mountain". Fethish i wylio mwy na 10 munud.

[Hogyn o Rachub]

All rhywun gadarnhau a oedd cynulleidfa ai peidio - roedd o'n swnio'n uffernol o put-on i mi!

[tom.j]

[Chickenfoot]

Roedd y trailer yn ddigon i mi benderfynu osgoi'r sioe. 'Sa'n well gen i wylio marathon Glee wrth ymyl Meical o Sioe Tudur Owen na wylio'r sherbet yma.

[llew99]

Ie cytuno a Meg, fi moyn wylio mwy o .CYM, comedi eitha da. Hoffi Glyn Wise!! Mae e rili ddoniol, a fi cofio Tipit, lot waeth na .CYM.

[Catarina]

Be sy'n bod arno chi bois bach? (yn enwedig Tomj!!!)
Ma'n hen bryd i ni cal rhywbeth newydd, ffres, real ac yn fwy na lai'n fyw fel .Cym ar S4C. Ma na gap am rhywbeth fel hyn ar S4C. Ma eisie rhoi cyfle i raglen fel hon i ddatblygu. Lot o potensial yna!
Ma angen safio S4C a sai'n credu neith rhagleni fel Noson Lawen neud hynny.

So beth wyt ti Tomj yn gweld yn ddoniol? Yn hytrach na bychanu, pam sy ti'n cynnig syniadau?!

Nes i (a lot o fobl arall dwi'n nabod) chwerthin.
Gobeithio gweld fwy o .Cym yn y dyfodol.

[Hogyn o Rachub]

Dydi rhoi drag queen ar raglen ddim yn ei wneud yn gyfoes nac yn feiddgar, a dim fy mod i'n awgrymu dim wrth gwrs ond mae'n od ar y diawl bod pobl yn ymuno â Maes-e ac yn syth bin dod i'r edefyn hon i amddiffyn y shit 'ma! No wê y byddai rhywun call yn amddiffyn y rhaglen hon oni fo ganddyn nhw rheswm personol dros wneud, sori!

Dwi wedi bod yn mwynhau S4C lot yn ddiweddar ac wedi'i chlodfori, ond roedd .cym bron â gwneud i mi grio ag anobaith llwyr!

[Rhys Aneurin]

[tom.j]

[Josgin]

Ydi rhaglenni o'r fath yn y Saeneg yn cael ei sgriptio a'i golygu fwy na mae rhywun yn feddwl ? e.e. Mae tim enfawr yn gweithio ar 'Have I got news for you ' , ac mae rhywun wedyn yn cymeryd mae ffraethineb y cyfrannwyr sy'n gyfrifol am yr hiwmor. Clywais gyfaill i mi a oedd yn arfer bod yn actor , a gwyneb reit amlwg, fod 'golygu' a dweud 'na , mae hwn yn wael, gwnewch o eto ' ddim yn bodoli yn y Gymraeg. Y gwir ydi fod 'Noson Lawen' serch yn hen-ffasiwn , ac o ddim diddordeb i mi , yn fwy proffesiynol a trwyadl na rhyw sioe 'deiddgar' sydd mewn gwirionedd yn rhy amatur i'w darlledu.
Unwaith eto, mae cyfryngis S4siec yn saethu eu hunain yn eu traed. Oeddet ti'n gwylio, Angharad Mair ?