Hwerow Hweg

gan **Rhodri Nwdls** » Gwe 24 Ion 2003 5:58 pm

Nes i wylio ffilm neithiwr ar fideo oedd yn rybish llwyr o ran ei gynnwys, yr actio, y sgript, y sinematograffi...deud y gwir doedd na ddim ond un peth wnaeth neud i fi ei wylio tan y diwedd, oedd o i gyd yng Nghernyweg. Pob un gair. Sa rywun yn gwybod pa mor fyw ydi'r Gernyweg? Ydi hi'n cael ei siarad o ddydd i ddydd? Mae'n rhaid deud nad oedd yr actorion yn rhugl iawn. Beth bynnag, falla ei fod o ddiddordeb i chi...falla ddim! Hwyl. :gwyrdd:

Erthygl Newyddion Hwerow Hweg
Offisial Webseit
Rhagor o newyddion amdano

gan **Hogyn o Rachub** » Gwe 24 Ion 2003 6:28 pm

Mae gan Gernyweg o gwmpas 3000 o siaradwyr, ond tri strand wahanol o'r iaith!

Nid oes bentref Chernyweg ei hiaith naturiol, ond mae grwpiau a thafarndai yn cynnal nosweithiau sy'n rhoi'r cyfle i bobl gyfathrebu'n Gernyweg.

gan **Mihangel Macintosh** » Gwe 24 Ion 2003 7:22 pm

Rhodri Nwdls a ddywedodd:Sa rywun yn gwybod pa mor fyw ydi'r Gernyweg? Ydi hi'n cael ei siarad o ddydd i ddydd?

Nwdls, Ma na edefyn fan hyn am y Gernyweg.[/quote]

gan **pwy?** » Llun 27 Ion 2003 9:32 am

glywais bod na ysgol yn cernyw newydd cychwyn cynnig gwersi cernyweg

gan **nicdafis** » Llun 27 Ion 2003 3:36 pm

Ti'n dweud oedd yr actio ddim yn ddim: sut oedd yr actorion gyda'r iaith? Dw i'n gofyn achos nes i sylw bod Viggo Mortensson yn troi o fod yn actor weddol i fod yn ddarn o bren bob tro mae rhaid iddo fe dweud ei leins yn Elfeg yn y ffilmiau LOTR. Ai problem ail iaith yw e? Ydy e'n bosibl nad oedd yr actorion yn y ffilm yn deall ei geiriau.

Jyst gofyn ydw i, ddim yn trial amddiffyn neb. Hoffwn i weld y ffilm jyst ar ran diddordeb yn yr iaith, ond does dim lot o amynydd 'da fi gyda ffilmiau <i>worthy</i> sy ddim yn sefyll lan fel ffilmiau (lot fawr o ffilmiau Cymraeg - sgwrs arall yw hwnna, falle).

gan **Rhodri Nwdls** » Llun 27 Ion 2003 6:18 pm

Doedd yr hogan oedd yn un o'r prif rannau yn methu siarad Cernyweg cyn cychwyn ffilmio, felly nag oedd doedd hi ddim yn dallt.
Oedd na ambell un yn swnio'n fwy rhugl na'r lleill, a'r rheiny'n dueddol o fod y cymeriadau hyn. Ond eto roedd yr actio'n crap a galli di ddeud, oedd o fatha gwylio clwb ffermwyr ifanc Llanbidibidlan yn trio neud Hamlet. Poenus.

Dwi'n cymeryd dy bwynt di am ffilmiau worthy, faswn i ddim yn gwylio'r ffilm eto, oedd o fwy fel 'mission' i weld faint ohono fo o'n i'n dallt. Wedi deud hynny oes ganddo werth intrinsic fel dogfen o'r iaith a'i sefyllfa (er fod y cyd-destun yn ffuglen ac yn anghredadwy am ben hynny), gan ei fod yn gorfod bod yn un o'r ffilmiau cyntaf yn yr iaith?

gan **Cardi Bach** » Maw 28 Ion 2003 9:54 am

Odd 'na erthygl am hyn yn y Western Mail (ac un o'r papurau 'Prydeinig') rhai misoedd yn ol.

Mae yna rhai pobol wedi rhoi eu bywyd i'r Gernyweg - ma da fi ffrindie yn Liskeard, Jan a Dick Gendall - wariars - ma nhw wedi rhoi eu bywyd oll i achos Cernyw a'r iaith, a ma Dick wedi llwyddo i ysgrifennu y geiriadur llawn cynta o'r Gernyweg-Saesneg - Llafur Cariad yn fwy na dim gan fod e wedi cymryd y rhan helaethaf o'i oes. Ond ma'r ddau yn mynd mlan yn eu hoedran nawr. Chwarae teg iddyn nhw, ma nhw'n siarad Cernyweg a'u gilydd yn rhugl fel iaith gynta, ac yn cynnal gwersi Cernyweg yn yr hwyr i drigolion lleol ayb ayb.

Wariars - ishe mwy o bobl fel hyn sydd.

Ond ma nhw'n obeithiol am yr iaith - mi fydd hi'n iaith fyw unwaith eto i gymuedau gyfan, medden nhw. Os odyn nhw'n gweud, a fod pobol fel Gwenno Saunders yn parhau i roi credibiliti i'r iaith, a ffilms fel yr un odd Nwdls yn son amdano - mae yna obaith.

Tir ha Tavaz
(Cernyweg - yn llythrennol golyga 'Tir a Thafod'.)
Gwlad heb Iaith, Gwlad heb Galon

gan **Rhodri Nwdls** » Maw 28 Ion 2003 5:59 pm

Kernow Bys Vykken

Cynulliad i Gernyw...

http://www.petitiononline.com/kernow2/petition.html

gan **Geraint** » Maw 28 Ion 2003 6:32 pm

Cernyw am byth! (ges i fy ngeni yna! :winc:

)

Onen hag Oll

Hwerow Hweg

Hwerow Hweg

Re: Hwerow Hweg

Pwy sydd ar-lein