Morvern Callar - ffilm orau'r flwyddyn?

[nicdafis]

Welais i <a href="http://www.salon.com/ent/movies/review/2002/12/20/morvern/">Morvern Callar</a> diwrnod o'r blaen, a hyd yn hyn honno yw ffilm y flwyddyn i mi. Mae popeth ynddi hi: actorion gwych, stori diddorol, cerddoriaeth anarferol ond addas (Can? Ie, gallwch.), gwaith ffotograffeg anhygoel.

Dw i ar fy ffordd i weld Donnie Darko nawr. Gwyl Ffilm Aberteifi amdani!

[Rhodri Nwdls]

Heb ei gweld fy hun, fethis i hi'n ddiweddar ond roedd pawb yn son amdani.

Dwi dal yn credu mai City of God ydi ffilm ora'r flwyddyn i fi, jest am fod mor ffresh a sbarcio gyda syniadau a chynnwrf.

Roedd The Pianist nos Iau yn brofiad a hanner hefyd, dydi ffilm heb gael effaith mor ddofn arna fi a honna ers oes pys. Mae'r holl ffilm yn annodd iawn i'w wylio o ran ei gynnwys ond mae'n dangos ochr ddynol pobl mewn rhyfel hefyd mewn ffordd sydd ddim mor sentimental a Schindler's List ond sydd yn bwerus ofnadwy. Mae'n anghygoel faint da ni'n anghofio digwyddiadau'r ail ryfel byd a'r fath hunllef oedd hi i Iddewon a lleiafrifoedd eraill yn y ghettos, mae hwn yn eich rhoi chi yn y safle hynny ac mae'n brofiad dwys iawn. Ddim yn ffilm i fynd ar ddet cynta!