Cymry Rhyfel Cartref America

gan **eusebio** » Mer 07 Ion 2004 11:30 am

Nes i feddwl hynny yn y pwt agoriadol, ond dwi'n credu mai just Jerry Hunter oedd o!

gan **Gwahanglwyf Dros Grist** » Mer 07 Ion 2004 11:33 am

Clarice a ddywedodd:Oedd na rywbeth yn bod ar safon y llun?

O'n i ddim yn gallu cael unrhyw fath o reception felly fe fethes i'r rhaglen. Damo'r tai teras 'ma!

gan **Ifan Saer** » Mer 07 Ion 2004 12:06 pm

Chwip o raglen dda. Da iawn $4C am newid. A gwaith da gan Jerry Hunter.

Mae o'n un o'n darlithwyr i yn y coleg, a mae o'n codi cywilydd ar rwyn efo'i Gymraeg gwych, a'r cymaint mae'n wybod am hanes Cymru.

Ond wnai ddim son am ei 'symudiadau', rhag ofn i mi golli marciau...

Gobeithio fod y rhaglen hon yn argoeddi'n dda ar gyfer $4C yn 2004...

gan **brenin alltud** » Mer 07 Ion 2004 12:10 pm

eusebio a ddywedodd:
Tasa fo mond yn cadw ei freichiau'n llonydd pan mae o'n siarad!!

Swn i'm yn meindio bod yn'i freichiau aflonydd e am bum munud... :winc:

Oes 'na rywun 'di darllen y llyfr, Llwch Cenhedloedd?

gan **Cardi Bach** » Mer 07 Ion 2004 12:17 pm

Ai reial rhaglen dda.
O'n ine wedi sylwi ar y symudiade rhyfeddol o chwimwth odd gydag e a meddwl fod spid y camera neu rwbeth wedi newid, ond eto odd y 'lip-sinc' a'r siarad yn mynd yn berffaith, so feddylies i mai'r doctor hunter ei hun odd yn heiper-actif

Yr unig feirniadeth odd gyda fi yw, er fod Hunter o hyd yn cyfeirio at y toreth o ffynhonellau i brofi rhan y Cymry yn y rhyfel, odd yr enghreifftiau oll yn dod o dim ond tua tri ffynhonnell - e.e. odd e'n cadw gweud fod pobl yn sgwennu cerddi di-ri am y rhyfel, ond eto dim ond yr Eos boi na odd yn cael ei ddefnyddio - o hyd - fel enghraifft. Yn yr un modd y gweinidog gyda syrnam od o Bala (Benjamin Sha...rhwbeth?) a'r boi o Sir y Fflint...o ie, a unweth y boi o Aberdar. So er yr holl 'alleged' ( :winc:

) ffynhonnelle, dim ond rhai enghreifftiau o'r un bobl oedd ganddo.

Ond wy ddim yn ame fe o gwbwl, a ma'n siwr y bydd raid i fi ddarllen y llyfr cyn ei feirniadu'n llwyr.

Ond ar y cyfan rhaglen arbennig o ddiddorol.

gan **Nici_B** » Mer 07 Ion 2004 3:42 pm

Os dach chi yn y Gogledd nos Sul, mae na gyfle i chi weld yr ail bennod a mwy yn Theatr Gwynedd. Dyma'r manylion.

Mae BAFTA CYMRU yn cyflwyno
digwyddiad hanesyddol, llenyddol, llunyddol...

yn Theatr Gwynedd, Bangor
7.30 NOS SUL IONAWR 11 2004

Dangosir

CYMRY RHYFEL CARTREF AMERICA Pennod 2
Cwmni Da ar S4C

yng nghwmni

y prifardd IFOR AP GLYN Cynhyrchydd
Dr JERRY HUNTER Coleg Prifysgol Bangor
GARETH OWEN Camera

gyda theyrnged i waith Gareth Owen gan
VAUGHAN HUGHES Ffilmiau’r Bont

Ffilm - barddoniaeth - trafodaeth – lluniaeth
CROESO I BAWB

Manylion pellach gan
Ruth Morgan - ruth@bafta-cymru.org.uk

gan **Creyr y Nos** » Mer 07 Ion 2004 4:44 pm

Rhaglen wych! Un o uchafbwyntiau s4c dros y gwyliau. Mi oedd e'n broffesiynol iawn, a'n hynod o ddiddorol, yn enwedig y farddonaieth a dyddiadur y milwr a oedd yn son am y profiad o saethu ei elynion. Ges i sioc clywed bod na dri papur Cymraeg yn cael eu cyhoeddi yn America yr adeg yna, cwl ife.

Mi ges i'r bendro yn gwylio Jerry Hunter fyd! :winc:

gan **Mr Groovy** » Mer 07 Ion 2004 5:23 pm

Nici_B a ddywedodd:yng nghwmni

Dr JERRY HUNTER Coleg Prifysgol Bangor

Awe Brenin Alltud, dyma dy gyfle di!
Mond ishe i ti chwifio dy freichiau o gwmpas mewn ffordd greadigol, an' he's yours :winc:

gan **Sosij Fowr** » Iau 08 Ion 2004 11:10 am

oedd rywun arall yn cael ei atgoffa o gymeriad 'Max Headroom' Bobi Dafro wrth wrando ar Doctor Jerry?

rhaglen hynod ddiddorol. be geith y Doctor gyflwyno nesa'?

gan **Mali** » Iau 08 Ion 2004 10:51 pm

Diolch am y safle we Eusebio , hefyd am y linc gan Nic Dafis. Diddorol iawn. Ddim yn cael S4C yma , dim ond Radio Cymru!

Cymry Rhyfel Cartref America

Pwy sydd ar-lein