Ffilmiau Cymraeg

Popgorn yn y gwaed neu gaethwas i'r bocs bach?

Cymedrolwr: Gwahanglwyf Dros Grist

Rheolau’r seiat
Cyfle i drafod ffilmiau, rhaglenni dogfen, Teledu, Radio ayb. Pwyswch yma i ddarllen canllawiau cyffredinol maes-e.

Ffilmiau Cymraeg

Postiogan Siani » Mer 04 Medi 2002 9:26 pm

Beth ych chi i gyd yn meddwl am ffilimau yn y Gymraeg? A ddylai "Hedd Wyn" a "Solomon a Gaenor" fod wedi ennill Oscar? Oes hoff ffilmiau Cymraeg gyda chi? [/i]
Rhithffurf defnyddiwr
Siani
Defnyddiwr Efydd
Defnyddiwr Efydd
 
Negeseuon: 130
Ymunwyd: Sad 31 Awst 2002 9:01 pm
Lleoliad: Abertawe

Postiogan nicdafis » Mer 04 Medi 2002 11:13 pm

<a href="http://us.imdb.com/Title?0091521">Milwr Bychan</a> oedd y ffilm gyntaf Gymraeg ei hiaith welais i erioed, a wnaeth argraffiad mawr arnaf, er gwaethaf y problemau gyda rhai o'r actorion (nid Richard Lynch - oedd e yn dda iawn yn hon ac yn <a href="http://us.imdb.com/Title?0109329">Branwen</a> hefyd).

Nid ffilm Gymraeg, ond Cymreig oedd <a href="http://us.imdb.com/Title?0119322">House of America</a> ac mae <a href="http://us.imdb.com/Title?0280969">ffilm newydd</a> gan yr un cyfarwyddwr yn edrych yn ffantastic.
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms

Postiogan Siani » Mer 04 Medi 2002 11:20 pm

Heb weld "Milwr Bychan", ond rwy'n cytuno gyda ti, roedd Richard Lynch yn wych yn "Branwen", hefyd yn "Fondue, Rhyw a Deinosors", ond dylai hynny fynd yn y seiat teledu, siwr o fod - ond rwy'n falch bod S4C yn ail ddarlledu'r gyfres, yn dechrau heno!
Rhithffurf defnyddiwr
Siani
Defnyddiwr Efydd
Defnyddiwr Efydd
 
Negeseuon: 130
Ymunwyd: Sad 31 Awst 2002 9:01 pm
Lleoliad: Abertawe

Postiogan Cymrocwl » Iau 05 Medi 2002 12:53 am

Mae'r ffilm Hedd Wyn yn un dda, ynghyd a Solomon a Geinor, dylai S&G fod wedi ennill Oscar yn bendant. Rwy'n hoff o'r ffilm Hambons fy hun, er ei bod hi braidd yn cheesy ac yn tueddu delfrydu pethau, yn enwedig at y diwedd....

Roedd y ffilm a ddangoswyd adeg y mileniwm, 31:12:99 hefyd yn dda. Mae'n braf gweld ffilm yn cael ei lleoli yng Nghasnewydd, yn enwedig ffilm Gymraeg. Sioc oedd gweld ein hen stryd yn Rhisga yn ymddangos ynddi tho!
Cymrocwl
Defnyddiwr
Defnyddiwr
 
Negeseuon: 12
Ymunwyd: Sul 18 Awst 2002 10:59 pm
Lleoliad: Aberystwyth fel arfer, Coed Duon fel arall.

Postiogan Siani » Iau 05 Medi 2002 8:56 pm

Teimlais i'r un ffordd pan welais i "Twin Town", cymaint o lefydd cyfarwydd - er eu bod nhw wedi chwarae gemau gyda'r daearyddiaeth. Ro'n nhw'n troi cornel yn Abertawe, ac yn sydyn ro'n nhw ym Mhort Talbot!

Sa' i jest yn meddwl bod "Hedd Wyn" yn ffilm wych, mae prawf gyda fi ei bod hi. Ar ol gweld y ffilm dros ugain o weithiau ych chi'n gwbl ymwybodol o unrhyw wendidau. Na, dw i ddim yn ffanatig "Hedd Wyn", mae rhaid i wneud hyn fel rhan o 'ngwaith (dyfalwch beth!). Mae'r ffaith mod i'n gallu ei goddef cymaint o weithiau yn dangos pa mor dda yw hi.

Rwy'n cytuno gyda ti am 31.12.99. Da dros ben. "Solomon a Gaenor" - hefyd yn gallu cael ei gweld drosodd a throsodd. Gwelais i hi yn y sinema (fersiwn Gymraeg - gydag isdeitlau) gyda chyd-weithwraig sy'n Saesnes. Mae hi'n tueddu bod yn wrth-Gymraeg, a doedd hi ddim yn meddwl bod ffilmiau gwerth eu gweld yn y Gymraeg, ond bu raid iddi ymddiheuro y noson honno. Gwelodd ffrinidau i fi'r ffilm yn y fersiwn Saesneg - maen nhw'n Iddewon, ac ro'n nhw wedi uniaethu a'r hanes ynddi.

Mae hwnna wedi gwneud i fi feddwl - beth ych chi'n meddwl am wneud ffilmiau a rhaglenni teledu cefn wrth gefn? Arhoswch funud, dechreua i bwnc newydd nawr.
Rhithffurf defnyddiwr
Siani
Defnyddiwr Efydd
Defnyddiwr Efydd
 
Negeseuon: 130
Ymunwyd: Sad 31 Awst 2002 9:01 pm
Lleoliad: Abertawe

Postiogan Meinir Thomas » Maw 24 Medi 2002 11:03 pm

Yn sicr, dylsai "Hedd Wyn" a "Solomon a Gaenor" fod wedi ennill Oscar. Mae'r ffilmiau'n arbennig o dda. Mae'r ddau'n gwneud i mi lefain ar eu diwedd nhw hefyd!!
Rhithffurf defnyddiwr
Meinir Thomas
Defnyddiwr Efydd
Defnyddiwr Efydd
 
Negeseuon: 220
Ymunwyd: Maw 24 Medi 2002 10:25 pm
Lleoliad: Caerfyrddin

Postiogan Siani » Mer 25 Medi 2002 1:00 am

Yn gwmws, Meinir! Rwy wedi gweld Hedd Wyn tua 25 o weithiau erbyn hyn (drwy fy ngwaith fel darlithydd) a Solomon a Gaenor rhyw 10 o weithiau, ac er nad wy'n gallu llefain mwyach wrth eu gwylio, rwy'n dal i deimlo eu pwer - ac mae wastod dagrau yn llygaid rhai o 'myfyrwyr bob tro.

Gyda llaw - croeso i'r fforwm! Cyfranna'n aml!
Rhithffurf defnyddiwr
Siani
Defnyddiwr Efydd
Defnyddiwr Efydd
 
Negeseuon: 130
Ymunwyd: Sad 31 Awst 2002 9:01 pm
Lleoliad: Abertawe

Postiogan Gwestai » Mer 25 Medi 2002 9:46 pm

Diolch am y croeso! :D Rhaid dweud, mae'r fforwm yn un dda iawn! 'Nes i glywed amdano ar raglen Gang Bangor, felly 'es i'n syth i gael pip. 'Nes i astudio Hedd Wyn ar gyfer Safon Uwch Cymraeg, ond ro'n i wrth fy modd a'r ffilm ymhell cyn hynny. Wedi ei hastudio, rwy'n gallu gweld ystyron eraill mewn geiriau a golygfeydd, ac mae'n wych! Hedd Wyn yw'n ffefryn i allan o "Hedd Wyn" a "Solomon a Gaenor". Gwell gen i Geraint Roberts i Ioan Gruffydd!! :winc: Ond mae'r ddau'n arbennig o dda.
Gwestai
 

Postiogan nicdafis » Mer 25 Medi 2002 10:03 pm

[Meinir: ti ddim wedi logo i mewn. Dyna pam mae dy negeseuon yn dangos fel "Gwestai". Ond neis i weld rhywun sy mor frwdfrydig yn ei bostio ;-) Croeso mawr i ti.]
Rhithffurf defnyddiwr
nicdafis
Defnyddiwr Platinwm
Defnyddiwr Platinwm
 
Negeseuon: 7361
Ymunwyd: Sul 18 Awst 2002 3:39 pm
Lleoliad: Pentre Arms


Dychwelyd i Ffilmiau, Teledu a Radio

Pwy sydd ar-lein

Defnyddwyr sy’n pori’r seiat hon: GarLloyd ac 1 gwestai

cron