Bob a'i Fam

Popgorn yn y gwaed neu gaethwas i'r bocs bach?

Cymedrolwr: Gwahanglwyf Dros Grist

Rheolau’r seiat
Cyfle i drafod ffilmiau, rhaglenni dogfen, Teledu, Radio ayb. Pwyswch yma i ddarllen canllawiau cyffredinol maes-e.

Bob a'i Fam

Postiogan Di-Angen » Maw 24 Medi 2002 2:25 pm

A welodd unrhywun Bob a'i Fam ar nos Iau? Beth oeddech yn ei feddwl?

Roeddwn yn credu bod Bob ei hun yn tueddio i or-actio mewn rhai mannau, ond dim complaints mawr. Llawer gwell na'r mwyafrif o rhaglenni sy'n pasio am "gomedi" ar s4c.
Get out of your fucking seat and jam down to the faggot rhythm of that crackrocksteady beat
Rhithffurf defnyddiwr
Di-Angen
Defnyddiwr Arian
Defnyddiwr Arian
 
Negeseuon: 833
Ymunwyd: Sul 18 Awst 2002 4:38 pm

Postiogan Siani » Mer 25 Medi 2002 12:47 am

Welais i ddim y rhaglen - roedd y "trailers" yn ddigon i roi fi off. Roedd yr holl beth yn edrych i fi fel y rhaglenni comedi arferol yn Gymraeg - wedi eu gor-sgrifennu a gor-actio - yr holl beth dros ben llestri. Ond rwy'n fodlon rhoi cynnig arni yr wythnos nesa os yw'n welliant ar y rhaglenni comedi arferol. Pam yn ni mor ofnadwy yn cynhyrchu comedi sefyllfa?
Rhithffurf defnyddiwr
Siani
Defnyddiwr Efydd
Defnyddiwr Efydd
 
Negeseuon: 130
Ymunwyd: Sad 31 Awst 2002 9:01 pm
Lleoliad: Abertawe

Postiogan Ooo » Iau 26 Medi 2002 7:48 am

Dwi'n syrthio mewn cariad a Lowri...
Ooo
 

Postiogan Alys » Sul 29 Medi 2002 8:59 am

Dwi'n cytuno efo Siani, mae'r trailers yn dweud digon.
Dwi'n cytuno ynlgyn â Chymru a chomediau ar y teledu (efo rhai eithriadau dwi'n siwr, ond methu meddwl amdanyn nhw ar hyn o bryd!), be ti'n meddwl ydi'r achos?
Byddai'n braf cael symud Royston Vasey i Gymru, ie, dan ni'n dathlu yn ty ni, mae cyfres newydd League of Gentlemen newydd ddechrau ... Chewch chi byth adael.
Rhithffurf defnyddiwr
Alys
Defnyddiwr Arian
Defnyddiwr Arian
 
Negeseuon: 552
Ymunwyd: Maw 03 Medi 2002 3:43 pm

Postiogan dafydd » Sul 29 Medi 2002 4:48 pm

Alys a ddywedodd:Byddai'n braf cael symud Royston Vasey i Gymru, ie, dan ni'n dathlu yn ty ni, mae cyfres newydd League of Gentlemen newydd ddechrau ... Chewch chi byth adael.


Un o broblemau mawr Cymru yw nad oes lle i feithrin talent. Mae bron bob comedi llwyddiannus ar y teledu yn saesneg wedi dod o'r un llefydd:

    comediau radio
    cwmniau theatr (bach) neu grwpiau perfformio
    comedi 'sefyll lan'
    ysgrifennu dychanol (cylchgronau neu ffansin)


Yn saesneg mae digon o gynulleidfa (feirniadol) ar gael i'r uchod er mwyn sicrhau fod yna werth mewn creu sioe gomedi yn y lle cyntaf a fod y gorau yn dod i'r brig.

Dwi'n cael yr argraff fod y rhan fwyaf o gomedi cymraeg yn gael ei greu mewn gwacter a felly dyw e ddim yn cydio yn nychymyg y gynulleidfa.
Rhithffurf defnyddiwr
dafydd
Cymedrolwr
Cymedrolwr
 
Negeseuon: 2146
Ymunwyd: Llun 19 Awst 2002 12:21 pm
Lleoliad: Anfeidredd

Postiogan Siani » Sul 06 Hyd 2002 10:17 pm

Gwyliais i bennod o "Bob a'i Fam" - rhaid rhoi chwarae teg i bopeth, wedi'r cyfan, a gobeithiais i y byddai'r gyfres hon yn wahanol i'r arfer, ond gwnaeth y bennod gadarnhau fy argraffiadau cyntaf o'r "trailers", yn anffodus. Rwy'n cytuno gyda ti, Dafydd, does dim digon o gyfle i gomediwr newydd berffeithio eu crefft, ond eto i gyd, does dim yr un traddodiad, a falle taw ni, y gynulleidfa, sy'n rhannol ar fai am hynny. Rwy'n deall oddi wrth ffrind a fu'n bresennol na fu noson "sefyll lan" y comediwr yn Steddfod Sir Benfro yn llwyddiannus iawn (o ran niferoedd yn y gynulleidfa). Rhaid i mi gyfaddef nad o'n i yno - ond es i i noson y "Saith Sant" ar y nos Fercher a mwynhau'n fawr, a chwerthin llawer. Ces i fy magu ar raglenni "comedi" Cymraeg a oedd i gyd wedi eu goractio a'u gor- ysgrifennu. Rwy'n gobeithio bob dydd am rywbeth sydd, o leiaf, ddim yn embarassing.

Alys - rwy'n cytuno gyda ti'n llwyr. Nid dim ond fi oedd yn aros yn ddiamynedd (iawn!) am gyfres newydd "League of Gentlemen" felly!
Rhithffurf defnyddiwr
Siani
Defnyddiwr Efydd
Defnyddiwr Efydd
 
Negeseuon: 130
Ymunwyd: Sad 31 Awst 2002 9:01 pm
Lleoliad: Abertawe

Postiogan Alys » Llun 07 Hyd 2002 1:00 pm

Dwi'n cytuno efallai bod na ddiffyg cyfle a chynulleidfa digon eang i arbrofi gyda syniadau newydd.
Ond pwynt da hefyd ydi'r un am draddodiadau gwahanol, pob un gyda rhinweddau gwahanol. Yn wir, mae'r draddodiad comedi ar y teledu efallai yn gryfach (efo nifer helaeth o eithriadau!!) na'r un Gymraeg, ond ar y llaw arall, tria esbonio'r cysyniad a'r atyniad o noson fel y Saith Sant, neu Daith Glyndwr y llynnedd, i rywun o du allan o Gymru (barddoniaeth? Rhywbeth uchel-ael ac academaidd ...). Tybed a oes na negesfwrdd Saesneg yn rhywle ble maen nhw'n trafod "pam na allwn ni drefnu talwrn neu 'Stomp' llwyddiannus yma?"
Rhithffurf defnyddiwr
Alys
Defnyddiwr Arian
Defnyddiwr Arian
 
Negeseuon: 552
Ymunwyd: Maw 03 Medi 2002 3:43 pm

Postiogan Alys » Llun 07 Hyd 2002 1:22 pm

Nid dim ond fi oedd yn aros yn ddiamynedd (iawn!) am gyfres newydd "League of Gentlemen" felly!


Braf gweld ffan arall! Beth wyt ti'n feddwl hyd yma? Mae fwy tywyll (hyd yn oed) na'r cyfresi eraill, ond yr un mor wych. Roedd y pennod diweddara yn sôn am gomedi stand-up aflwyddiannus hefyd (Jeff yn mynd i Lundain i wneud ei ffortiwn) - cyd-ddigwyddiad neu beth?
Rhithffurf defnyddiwr
Alys
Defnyddiwr Arian
Defnyddiwr Arian
 
Negeseuon: 552
Ymunwyd: Maw 03 Medi 2002 3:43 pm

Postiogan Meinir Thomas » Maw 22 Hyd 2002 12:26 pm

'Wi'n lico'r rhaglen! Braf cael ychydig o "light relief" ar y bocs! Dwlen i weld Bob a Glesni'n mynd 'da'i gilydd. Ma'r Lowri 'na'n boen yn ti^n! Ble 'wi 'di gweld yr actores sy'n chwarae rhan Glesni o'r blaen? Mae'n edrych yn gyfarwydd.
Rhithffurf defnyddiwr
Meinir Thomas
Defnyddiwr Efydd
Defnyddiwr Efydd
 
Negeseuon: 220
Ymunwyd: Maw 24 Medi 2002 10:25 pm
Lleoliad: Caerfyrddin


Dychwelyd i Ffilmiau, Teledu a Radio

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig ac 1 gwestai

cron