Paradwys

[jimkillock]

cael eu lluchio allan o awyrennau

dyna sut "diflanwyd" pobl gan y llywodraeth .. rhoi cyffuriau iddyn nhw, rhoi nhw mewn awyren ac wedyn lluchio nhw allan dros y môr.

[Alys]

Ia, wir, sori camddealltwriaeth, meddwl mai am stori R Ll o't ti'n sôn ...

[Alys]

Dwi wedi gorffen Paradwys rwan. Dwi'n cytuno hefo be dwedodd Chris uchod - roedd yn llyfr gwych. Haenen ar haenen o dwyll, mwy o dwyll a hunan-dwyll, ffordd ardderchog o ddangos sut oedd y bobl anfoesol hynny'n ceisio cyfiawnhau'r pethau hyll oeddan nhw'n wneud. Ac er mod i'n chael hi tipyn bach yn araf yn y dechrau (oherwydd gorfod cyflwyno'r holl gymeriadau a sefyllfaoedd cymhleth na, mae'n debyg) erbyn y diwedd roedd wedi datblygu i fod yn andros o stori dda hefyd, rôn i'n methu ei roi i lawr. Ambell i dro gwbl annisgwyl hefyd. Sut mae'n mynd hefo chdi Chris? Rhywun arall yn/wedi ei ddarllen?

[sian]

Rhywun wedi gorffen Petrograd?
Dw i wedi darllen rhyw gan tudalen ac yn cael blas mawr arni.
Catrin Beard yn canmol i'r cymylau.
Llyfr y Flwyddyn?

Dw i ddim wedi darllen y Pla ar ôl i ffrind awgrymu nad o'n i'n ddigon deallus i'w gwerthfawrogi hi.
Rhaid i mi drio.

Dw i byth wedi gorffen Paradwys - dyw e ddim yn llyfr y galli di ddarllen tudalen neu ddwy cyn cysgu - ac anaml fydda i'n cael cyfle i eistedd i lawr i ddarllen. Rhaid i mi wneud. Roedd y dechrau'n gyfoethog iawn.

Fe bwdais i â'r "Hunangofiant" am iddo ddweud rhywbeth cas am Drefor.
Ond roedd y stori am Ariannin yn iasol.

[Dwi'n gaeth i gaws]

Dwi wrthi'n darllen Petrograd (presant gan Sion Corn)... dwi tua hanner ffordd ac yn ei mwynhau'n ofnadwy. Sna'm byd gwell na nofel fawr dew...


Heb ddarllen run o'r lleill. Ella nai drio rol gorffen hon.