Llyfrau Robin Llywelyn

[nicdafis]

Beth mae pobl y Maes yn meddwl am lyfrau <a href="http://www.llywelyn.com/">Robin Llywelyn</a>?

Ydy unrhywun wedi darllen <i>Rhwng Gwyn a Du</i>, Angharad Price, sy'n sôn am stwff R.Ll.? Dw i'n ati ar hyn o bryd, ac yn joio.

Mwynhauais i <i>Seren Wen</i> yn fawr, ond sa i wedi darllen unrhywbeth arall. Beth am y storiau byrion, neu'r ail nofel? Dw i gwybod nad yw <a href="http://morfablog.com/fforwm/viewtopic.php?p=546#546">Meinir</a> yn rhy hoff o honno, unrhyw sylw arall?

[Hogyn o Rachub]

Dydw i ddim wedi darllen dim o'i nofelau, ond fe ddarllenais y gyfres o straeon fer "Y Dwr Mawr Llwyd" cryn dipyn yn ôl. Wn i'm be ddiawl sy'n mynd drwy ben y boi, myn diân i! Serch hynny, nes i fwynhau'r gyfrol (Cartoffl oedd fy stori orau, ond baswn i'n gallu enwi ychydig eraill).

[Meinir Thomas]

Nap, 'wi ddim yn lico fe! Gorfod astudio "O'r Harbwr Gwg I'r Cefnfor Gwyn" yn coleg ar hyn o bryd. Iyffach, 'wi'n cael gwaith mynd trwyddo fe!

[Meinir Thomas]

Wps! "O'r Harbwr Gwag I'r Cefnfor Gwyn" ro'n i'n ei feddwl, nid "gwg"!

[jimkillock]

Mae yn wir bod teimladau cryf gan bobl am Robin llywelyn. Dwi'n hoff iawn o'i stwff .. gwreiddiol ac ychydig tu hwnt golwg gyfyng y rhan helaeth o 'diwylliant' Cymraeg / Cymreig. (Nid bod hyn ddim yr un fath mewn ieithoedd eraill ..ond mae hi yn broblem i'r Gymraeg weithiau .. ond mae o wedi dianc ohoni.) Os nad ydych chi'n mwynhau ei stwff, rhaid gweld hynny, o leiaf, 'swn i'n meddwl?

Gallaf weld pam mae rhai pobl yn llai frwdfrydig .. oherwydd mae ychydig allan o'r byd hwn .. ond dwi'n licio'r ffordd mae o'n eich tynnu chi i mewn i fyd afreal - gwreiddiol ac anarferol iawn.

[Siani]

O, Meinir - does dim byd yn lladd llyfr yn fwy na gorfod ei astudio! Tria eto. Prynais i "Seren Wen" pan gafodd ei chyhoeddi, ond wnes i ddim dechrau ei darllen hi am flynyddoedd - wedi clywed ei bod hi'n anodd ei deall (amhosibl, meddai rhai). Rwy'n cofio bod mewn cwrs ysgrifennu creadigol, a phwnc y sgwrs oedd pwy oedd wedi llwyddo cyrraedd ymhellach na thudalen 10! (Awduron oedd yn siarad, hefyd!). Ond am ryw reswm, yn chwilio am rywbeth newydd i'w ddarllen un diwrnod, gafaelais i yn y nofel hon - a gwirioni. A meddwl - pam wnes i aros cyhyd? Rwy'n cytuno gyda jimkillock - gwreiddiol, anarferol, afreal, ac yn herio ffiniau cyfyng diwylliant Cymraeg/Cymreig. Ond y peth pwysicaf i fi oedd - braidd y gallwn i ei roi i lawr tan y diwedd.