Rhagom

[cap taid]

Iawn, 'gia?

Newu orffan darllan hwn tua deuddydd yn ol. Oni'n meddwl 'i fod o reit dda, de. Er hyn, mi oni'n gweld y 'prolog' a'r 'epilog' braidd yn ddi-bwrpas. Os fysa na falans gwell rhwng stori Gwilym Rhys ac un Yncl Gwilym, yna dwi'n meddwl y bysa rhein 'di gweithio, ond o gofio na 'stori Yncl Gwilym' ydi 95% o'r nofal, dwi'm yn meddwl bod angan mowr i gynnwys stori Gwilym Rhys - er hyn, mi oedd cynnwys Chwech yn y ddwy stori yn gweithio'n dda - (Ma clawr cefn y llyfr yn awgrymu ych bod chi am gal dwy stori, ond yn y bon, un da chi'n gal). Tra dwi wthi'n negyddu, mi oni'n gweld y ddeialog (un Gynarfon i fod!) drwy'r nofal yn uffernol o gaeth a 'rhy ffurfiol' gin i, ond ella mai rhywfath o wudd-drol effect ydi hyn o'r iaith lafar dwi di mopio efo hi ers darllan y Dyddiadur Dyn Dwad cynta'!

Ond o ran rhediad stori, mi odd hon yn dda. Ma raid 'i bod hi - mi eshi drwyddi mewn noson a bora! Di'r pennoda ddim rhy hir ac ma hynny yn dechneg effeithiol i neud i chi ddarllan ymlaen yn ddi-lafur.

Na, chwara teg wan, er yr holl negyddu, deud clwydda fyswn i os fyswn i'n deud bo' fi heb fwynhau'r nofal ma.

[margiad ifas]

neshi orffan darllan hwn wsos dwytha, oni'n meddwl bod hi'n nofel effeithiol iawn - nath hi wir greu argraff arna i. roedd holl waith ymchwil yr awdures wedi'i droi yn stori grefftus. Oni hefyd o'r farn bod y 2 stori wedi gweithio'n dda â'i gilydd, oedd'na wbath dirdynnol yn hanas Gwilym Rhys yn mynd â'r llun o flaen carreg bedd Yncl Gwilym.
Er mwyn anghytuno 'chydig hefo 'cap taid' oni'n ffendio'r ddeialog yn gyfoethog ac ella yn bortread effeithiol o dafodiaith Caernarfon bron i ddegawd yn ôl! Chwerthinllyd yn wir ydi cymharu tafodiaith y nofel hon a nofelau y Dyn Dwad, mae'r cyd destun yn hollol wahanol - dychan oedd bwriad Dafydd Huws.

[cap taid]

Dim cymharu defnydd y ddau awdur on i - yn hytrach deud y mod i'n meddwl na doedd 'na'm stamp Gynarfon ar y ddeialog, heblaw am amball i '..., ia' weithia gin Chwech ac un neu ddau o gymeriada erill. Mi oedd cynnwys enwa' strydoedd Gynarfon yn gret - mi oedd o'n rhoi calon i'r stori ac yn gneud i'r gollad o golli hogia'r dre deimlo'n waeth, ond diawl, trwy gynnwys y ddeialog ffurfiol, oeraidd braidd, mi oni'n meddwl bod hynny'n lleihau ryw chydig ac y cynhesrwydd hwnnw. Ond 'na fo - ella na jysd fi sy'n byw rhy agos i Gynarfon! Dwi'n cytuno efo be ti'n ddeud efo'r busnas rhoi'r llun ar y bedd - mi odd hwnna'n ddarn sensitif ac wedi ei grefftu'n dda. Hwn oedd y darn oni'n cyfeirio ato fo pan ddudish i bod cynnwys cymeriad Chwech yn y ddwy stori yn effeithiol. Ac fel ti'n deud, ma' holl ymchwil Angharad Tomos yn amlwg iawn. Allan o ddeg? Be ddudan ni? 7.5?

[margiad ifas]

ella bod y dafodiaith ddim mor 'llac' ond mae hyn yn rhoi urddas i stori sy'n gofnod o hanas. . .

Ond 'na fo - ella na jysd fi sy'n byw rhy agos i Gynarfon!

- dwi hefyd yn byw tafliad carrag o dre!

Allan o ddeg. . . ym. . . ym > 9

[Guto Morgan Jones]

Roeddwn wrth fy modd darllen y llyfr yma. Teimlais bod rhan fwyaf o ffeithiau y llyfr yn gywir gan fy mod yn un sydd a diddordeb yn y Rhyfel Mawr.

Ella doedd y prolog ddim wedi gweithio ond fe weithiodd yr epilog yn dda, o'n sfbwynt i. Mae o fatha bod y stori yn cael ei gloi yn daclus iawn efo rhyw fath o gyd-ddigwyddiad rhyfedd.

Teimlais bod Rhagom yn yr un gynghrair a llyfr Marian Eames "Y 'Stafell Ddirgel".