Alltud

gan **HenSerenSiwenna** » Gwe 08 Gor 2005 7:51 am

Oes unrhywun yn gwydbod, oddi ar dop ei pennau, pwy 'sgrifennodd y cerdd "Alltud" sy'n mynd "Alltud yw'r cymro sy'n siarad cymraeg yn g nghymru heddiw? :winc:

gan **seren** » Gwe 08 Gor 2005 8:54 am

guess llwyr - Dewi Emrys???

gan **Trafferth** » Sul 10 Gor 2005 1:59 pm

Dwi'n reit sicr mai W.Leslie Richards nath sgwenu hi...ond ella mod i'n anghywir!

gan **HenSerenSiwenna** » Llun 11 Gor 2005 11:26 am

Hmmm, wedi edrych trwy google am y ddau yma ond methu ffeindio dim byd....oes na wefan barddoniaeth cymraeg fysa'n rhoi atebion fel hyn?

gan **khmer hun** » Llun 11 Gor 2005 11:57 am

Tria http://www.cynghanedd.com/annedd/

gan **HenSerenSiwenna** » Llun 11 Gor 2005 2:11 pm

Wnes i seinio fynnu a pob dim, ond dyw hi ddim yn rhoid y gwybodaeth dwi'n chwylio am

Oes rhywun yn gwybod pwy sgwennodd y cerdd yma?

gan **Panom Yeerum** » Llun 11 Gor 2005 2:19 pm

Y flwyddyn 1948
Lleoliad yr Eisteddfod Pen-y-bont ar Ogwr

Y Gadair

Testun. Awdl: 'Yr Alltud'
Enillydd: Dewi Emrys
Beirniaid: T. H. Parry-Williams, Gwilym R. Jones, Simon B. Jones

Ymateb a sylwadau Alan Llwyd:

Awdl sy'n cydymdeimlo â gwerin Cymru yn ei thlodi a'i dioddefaint yw hon, ac mae hi yn yr un traddodiad ag awdl anfuddugol Eifion Wyn ym 1900, 'Y Bugail', 'Gwerin Cymru', Crwys, ac awdl foliant Gwilym R. Tilsley i'r glêwr. Difethir yr awdl gan gynganeddu cras, geirfa hynaflyd, ar brydiau, a mynegiant afrwydd.

gan **Aranwr** » Llun 11 Gor 2005 3:26 pm

Na, dwi'n credu mai am y soned yma gan W. Leslie Richards mae Seren Siwenna'n son. Mi wnes i astudio hon i TGAU. Ma'r bardd yn trafod stad y Cymry Cymraeg yn eu gwlad eu hunain.

Alltud

Alltud yw'r Cymro sy'n siarad Cymraeg yng Nghymru
Yn strydoedd a siopau Seisnigaidd, sidet y dre,
Mae bron mor henffasiwn heddiw a sucan a llymru, -
Rhyw anachronistiaeth ac odrwydd i bawb yw efe.
Erbyn hyn ychydig yn wir yw'r rhai sy'n poeni
Am dynged ei iaith, ei grefydd a'i ffordd o fyw;
Dirmygir ei etifeddiaeth, a'i wlad sy'n dihoeni,
Gwaeledd ddaeth i'w addoldai a gwelw yw ei Dduw
Mae yntau a bwndel ei iaith fel cardotyn ar grwydyr
Yn cynnes anwesu ei draddodiadau drud
Wrth symud yn syfrdan ddigalon o frwydyr i frwydyr
Gan fethu a gwadu'r pwn a gariodd gyhyd;
Ond ar dro pan gyferydd ag arall a gar yr iaith
Try'r llwyth yn llawenydd llwyr a rydd groen ar ei graith.

W. Leslie Richards

O.N. Ma' hi'n soned afreolaidd SSiwenna ac yn un weddol drosiadol, yn ol fy nodiadau TGAU be bynnag. :winc:

Gobeithio y bydd o help!

gan **HenSerenSiwenna** » Maw 12 Gor 2005 8:21 am

Aha! Diolch i chi gyd,

Yr un gan W. Leslie Richards o'n ni yn meddwl am - wnes i ei hastudio i TGAU ryw 12 mlynedd ynol (god dwi'n teimlon hen :ofn:

) ond dwi'n cofio ei hoffi ac o ni eisiau cael gafael arni. Diolch aranwr 'ma hynnan gret. Diolch hefyd i Panom Yeerum - ella dylwn i astudio rhain i gyd - oes na casgliad o cerddi ar y testyn yma (dwi'n cymryd mai i'r un 'steddfod a ysgrifennon nhw?)

Sori, dwi ddim yn cliwd up ar y pethe 'ma :wps:

gan **SerenSiwenna** » Sul 27 Gor 2008 9:00 pm

Unrhywun yn gwybod ystryr "sucan a llymru" yma?

Alltud

Alltud

Re: Alltud

Pwy sydd ar-lein