Pili Pala - Catrin Dafydd

[Llewelyn Richards]

Wedi ei gorffen ers tua tair wythnos ac wedi cael cyfle i gnoi cil arni rywfaint. Nofel od, anarferol, ond mi wnes fwynhau. Fedrai'm honni fy mod i wedi gwerthfawrogi na deall yr holl linynnau ac is-themau drwyddi, ond mae'n werth dyfalbarhau i gyrraedd y twist anferth. A rhywsut, mae wedi aros efo fi - dwi'n cael fy hun yn meddwl am y cymeriadau o hyd. Dwi ddim yn meddwl y bydd hi at ddant pawb, ond mae'r sgwennu yn rhwydd iawn, yn aml yn ddoniol ac yn byrlymu o syniadau - yn fy atgoffa fi ychydig o Siri Hustvedt. Ar y cyfan, addawol iawn.

[Ray Diota]

yn fy atgoffa fi ychydig o Siri Hustvedt.

fydd catrin yn lico hynna...

dwi, ar y llaw arall, wedi gorfod teipo'r gont mewn i google

fyddet ti'n dod a dy gopi ar y bys bore fory, Llewelyn, i fi gal darllen e? gei di fe nol... falle allwn ni neud swapsies... ma 'da fi loads o Where's Wallies...

[Darth Sgonsan]

mae'r sgwennu yn rhwydd iawn, yn aml yn ddoniol ac yn byrlymu o syniadau

cytuno, ma'r sgwennu yn hyfryd (ddim mewn ffor' ponsi arferol genod sy'n sgwennu'n chwydlud-flodeuog) a nesh i fwynhau yn arw

yr odrwydd yn atgoffa fi o Dirgel Ddyn.

[Llewelyn Richards]

OK, Ray, deal. Gen i hefyd Roger Mellie's Profanosaurus Rex dwi'n gwybod y gwnei di fwynhau'n arw.

[Rhys Llwyd]

Dwi angen darllen hon yn fuan - dwi ddim yn un sy'n darllen nofelau ond dwi am wneud ymdrech tro yma (gan mod i yn y diolchiadau, dwi'n meddwl ) Mam yn deud fod y twist yn ddiddorol - dwin licio twists.

[trafferth mewn tafarn]

yn fy atgoffa fi ychydig o Siri Hustvedt.

fydd catrin yn lico hynna...

she combines the mind of an academic with the body of a model.

credu bo ti'n iawn ray.

mwynheues i'r nofel yn fowr. ond wi'n hollol biased!

[cwmwl_crwn]

dwi newydd ddechra ddarllen y nofel yma rŵan. ddoi nol i rhoi fy marn wedyn! neu i ofyn cymorth os fyddain styc!!!!

:lol: