Wir Yr! - Atgofion Maldwyn Lewis

gan **Oh dear.Another welshman** » Iau 19 Hyd 2006 6:27 pm

Cafodd llyfr newydd Maldwyn Lewis - "Wir Yr!" ei gyhoeddi ar ddydd Mercher 18/10/06. Dydw i heb ei brynnu eto. Oes unrhyw un ohonoch wedi ei brynu? Sut lyfr ydy o? Ydy e'n un ddifyr fel mae'r awdur yn dweud?

Os ydych chi heb brynnu'r llyfr ydych chi'n credu bod hi'n syniad da bob Maldwyn Lewis wedi cyhoeddi'r llyfr neu beidio?

gan **obi wan** » Iau 09 Tach 2006 6:13 pm

Llyfr difyr, digrif iawn mewn mannau, a dadlennol. Dwyn y gwir i'r golau am lawer o bethau.

gan **Hen Rech Flin** » Gwe 10 Tach 2006 5:44 am

Llyfr difir, yn sicr werth ei ddarllen.

Yn amlwg yn llyfr sy'n dangos Maldwyn o'r ochr gorau.

Ond mae ochr arall i hanes Maldwyn. Mae Maldwyn yn un o gomiwnyddion y diwydiant llechi a rhoddodd droedle i'r chwith deheuol i chwalu breuddwyd annibyniaeth y Blaid trwy fagu'r syniad hurt bod sosialaeth yn bwysicach na chenedlaetholdeb

Roedd Maldwyn hefyd yn un o'r rhai a mynnodd nad oedd angen addysg Gymraeg yng Ngwynedd gan fod addysg yn naturiol Gymraeg yng ngogledd orllewin Cymru.

Dau gamgymeriad mae'r gogledd orllewin yn talu yn ddrud amdanynt hyd heddiw. Yn wleidyddol ac yn ieithyddol

gan **Positif80** » Gwe 10 Tach 2006 8:30 am

'Sgen i ddim byd negyddol i ddweud am Maldwyn Lewis, ond dwi'm yn meddwl baswn yn prynu llyfr amdano.

gan **Fflamingo gwyrdd** » Gwe 10 Tach 2006 4:17 pm

Ella mod i allan ohoni, ond pwy ydi'r dyn dan sylw?

"Who ISSSS he?!...where did you FIND him?!"

gan **Hen Rech Flin** » Sul 12 Tach 2006 3:24 am

Fflamingo gwyrdd a ddywedodd::? Ella mod i allan ohoni, ond pwy ydi'r dyn dan sylw?

"Who ISSSS he?!...where did you FIND him?!"

Pryna copi o'r llyf ac mi gei gwybod y cyfan!!!!

http://www.gwales.com/goto/biblio/cy/1845270797

Maldwyn yw un o bwysigion y Blaid yng Ngwynedd. Y grym tu nol i orseddau Dafydd Wigley, Dafydd Êl a chynghorwyr Gwynedd.

O ran ei fywyd cyhoeddus, dyn ei filltir sgwâr yw Maldwyn, ac un sydd wedi rhoi oes o wasanaeth clodwiw i'r filltir sgwâr honno. Ond mae Maldwyn hefyd yn un o ddynion dirgel y stafell gefn myglyd sy'n cael dylanwad, heb sylw, tu hwnt i'w fro. Dyna ei wir bwysigrwydd yn hanes diweddar y genedl.

gan **Fflamingo gwyrdd** » Sul 12 Tach 2006 1:43 pm

Diolch

O'n i ddim wedi bwriadu swnio'n dwp!

gan **Positif80** » Llun 13 Tach 2006 10:28 am

O diddordeb, oes unrhyw criteria ar gyfer "best seller" yn y Gymraeg? 'Swn i'n hoffi gwybod faint mae llyfrau fel hyn yn gwerthu - s'gen i ddim bywywd ti'n gweld :winc:

gan **Dafydd Iwanynyglaw** » Llun 13 Tach 2006 10:44 am

I fod at 50 Ucha'r Times wythnos yma, roedd llyfrau'n rhaid gwerthu rhwng 6,500 (rhif 50) a 39,000 (rhif 1). O gymryd poblogaeth Prydain oddeutu 60m, mae hyn yn golygu rhwng 0.01 a 0.065 y cant o'r boblogaeth.

O gymryd poblogaeth oddeutu 600,000 sydd a'r gallu i siarad Cymraeg, byddai hynny'n cyfatebu i werthu rhwng tua 60 a 400 o gopiau.

Wir Yr! - Atgofion Maldwyn Lewis

Wir Yr! - Atgofion Maldwyn Lewis

Pwy sydd ar-lein