Llyfr Da

[Jeni Wine]

Seren Wen ar Gefndir Gwyn, Robin Llywelyn

Hi a'i dwedws hi.
Mae O'r Harbwr Gwag i'r Cefnfor Gwyn yn un da hefyd gan yr un awdur.

cytuno - clasuron

Hefyd, os am blot gafaelgar, tria Dan Gadarn Goncrit - Mihangel Morgan. Ffantabiwlys o nofal.

[Dafydd Iwanynyglaw]

Ar y pwnc o Alun Jones, mae "Pan Ddaw'r Machlud" yn dda (yn well o lawer na "Ac Yna Clywodd..") ac mae "Oed Rhyw Addewid" hefyd well ei ddarllen, ar wahan i'r ffaith ei bod hi'n gwneud i chdi isio daflu dy hun o dan y bws nesa ar ol ei darllen.

[Garreg Lwyd]

Mae Draw Dros y Tonnau Bach gan Alun Jones hefyd yn ardderchog – fy hoff un i ganddo, o bosib.

Beth am Geraint V Jones? Ei Uffern Ei Hun yn nofel ddifyr ddiweddar ganddo.

Neu beth am Eigra? Popeth rwyt ti'n chwilio amdano yn Rhannu'r Ty, nofel hanesyddol wedi ei gosod ym Methesda adeg Streic y Penrhyn.

Ac mae argraffiad newydd o Wythnos yng Nghymru Fydd ar fin cael ei gyhoeddi hefyd, mae'n debyg. Bydd hwnnw'n werth chwilio amdano ar ôl i ti orffen Fy Mrawd a Minnau!

[obi wan]

Walia Wigli (Goronwy Jones/Dafydd Huws), llyfr creadigol Cymraeg gorau'r ganrif hyd yma. Ei glust a'i sylwadaeth yn ddi-feth fel ei gilydd!

[gwyllt o'r coed]

Ew ma gen i restr faith rwan! Ddim yn siwr am yr awgrym ynglyn a'r nofel fydd yn gneud imi fod isio lladd fy hun ar ol ei gorffen chwaith! 'Box set' Alun Jones ydi'r ateb yn amlwg.

Dwi'n hoff iawn o ysgrifau THPW, oes gan rhywun awgrym am ysgrifau mwy diweddar fyddai'n debygol o apelio? Cyfleus iawn ydi pytiau bach o lenyddiaeth i rhywun sydd gan ddyn bach 10 mis oed i'w ddifyrru!

[Garreg Lwyd]

Mae Rhyfedd o Fyd gan Gruff Roberts yn gwneud y jobyn hyn yn dda iawn. Llyfr apelgar iawn sy'n trafod pethau mawr mewn ffordd ddifyr a Chymreig dros ben.

Neu beth am Byd Bethan a Mwy o Fyd Bethan – Gwanas ar ei gorau mewn ysgrifau bach hyfryd; maen nhw wedi bod yn ei cholofn yn yr Herald felly os wyt ti'n ffan selog o'r rheiny, falle byddi di'n cofio rhai ohonyn nhw. Maen nhw'n dal yn dda, cofia!

[Meg]

Dwyt ti ddim wedi sôn am hiwmor, Gwyllt o'r Coed, ond dwi'n siwr dy fod yn ei werthfawrogi. Os felly, fy awgrym i am nofel dda gyda iaith raenus a phlot difyr ydi 'Y Ddraig Goch' gan Emlyn Roberts. Adlais o stwff Raymond Chandler, pobl yn cael eu llofruddio yn y Steddfod, a'r ditectif preifat 'ma (oes, mae ganddo broblem efo'r ddiod gadarn) yn trio dod o hyd i'r llofrudd, ac o'r herwydd yn gorfod mynd i'r Steddfod - rhywle mae o'n ei gasau. Hiwmor cynnil, clyfar a chymryd y pis o'n buchod sanctaidd. Mae rhai wedi ei fwynhau'n uffernol (fel fi) ond eraill ddim wedi deall yr hiwmor am ryw reswm. Dyro gynnig arno fo ac fe fyddai'n ddifyr gweld be ydi dy farn wedyn.

[Llewelyn Richards]

Mae 'Dial yr Hanner Brawd' gan Arwel Vittle (cyhoeddwyd gan y Lolfa tua 4 blynedd nol) yn wych hefyd.

[Dafydd Pritchard]

Dwi'n hoff iawn o ysgrifau THPW, oes gan rhywun awgrym am ysgrifau mwy diweddar fyddai'n debygol o apelio? Cyfleus iawn ydi pytiau bach o lenyddiaeth i rhywun sydd gan ddyn bach 10 mis oed i'w ddifyrru![/quote]


Wel, beth am farddoniaeth felly? e.e. Chwarae Mig gan Emyr Lewis ...

[Jaff-Bach]

os tisho rwbath dipin bach yn wahanol tria Dan Gadarn Goncrit gan Mihangel Morgan.
Efo fo, dwin meddwl fyddi di unai wrth dy fodd efoi straeon unigryw/od a ol fodernaidd, neu nei di jest ddim cal gafal arnynhw o gwbwl. Nesi fwynhau on fawr, so ddudai bod hi werth rhoi go arni!
A os tin mwynhau- mae o di sgwennu llwyth o straeon byrion yr un mor unigryw/od a ol fodernaidd ...Bril!

nai hefyd eilio Cysgod y Cryman, clasur! a os nesdi ddarllan hwnna i TGAU cymraeg, tria Nol i Leifior, syn dilyn y stori ymlaen.