Seremoni Llyfr y Flwyddyn 2007

[Academi]

Bellach, wrth gwrs, mae’r Academi wedi cyhoeddi Rhestr Fer Llyfr y Flwyddyn 2007 o dair cyfrol ymhob iaith.

Y cyfrolau sydd wedi cyrraedd y Rhestr Fer eleni yw’r cofiant, Un Bywyd o Blith Nifer gan T. Robin Chapman (Gwasg Gomer); a’r ddwy nofel, Dygwyl Eneidiau gan Gwen Pritchard Jones (Gwasg Gwynedd) a Ffydd Gobaith Cariad gan Llwyd Owen (Y Lolfa).

Yr awduron ar y Rhestr Fer Saesneg yw Christine Evans gyda Growth Rings (Seren); Lloyd Jones gyda Mr Cassini (Seren); Jim Perrin gyda The Climbing Essays (The In Pinn).

Dyfernir gwobrau Llyfr y Flwyddyn 2007 i’r gyfrol orau yn y Gymraeg a’r Saesneg ym meysydd ysgrifennu creadigol a beirniadaeth lenyddol. Bydd y ddau enillydd yn derbyn £10,000 yr un, a’r pedwar a ddaw yn agos at y brig yn derbyn £1,000 yr un, mewn seremoni wobrwyo arbennig yng Ngwesty’r Hilton, Caerdydd nos Lun 9 Gorffennaf 2007.

Bydd y noson yng nghwmni Rhun ap Iorwerth a’r Athro Dai Smith gyda cherddoriaeth gan Grw^p Jazz Paul Jones. Pris tocyn yw £40 / £35 consesiynau (yn cynnwys gwydraid o siampên wrth i chi gyrraedd, pryd bwyd tri chwrs a choffi). Yn ogystal, gallwch archebu bwrdd cyfan o 10 am bris gostyngedig o £350 y bwrdd.

Fel yn y blynyddoedd diwethaf, mae galw mawr am docynnau i’r seremoni, felly archebwch eich tocynnau nawr drwy gysylltu â’r Academi: 029 2047 2266 neu post@academi.org

[krustysnaks]

Bellach, wrth gwrs, mae’r Academi wedi cyhoeddi Rhestr Fer Llyfr y Flwyddyn 2007 o dair cyfrol ymhob iaith.

ymhob iaith?! Lle mae'r wobr Esperanto, te?

[Nia78]

yn ol eich gwahoddiad, Mae Rhun ap Iorwerth yn gyflwynwriag Pryd gafodd e'r driniaeth??!

[sian]

Trafodaeth ddigon difyr yn cychwyn yn Annedd y Cynganeddwyr

afan hyn hefyd

[sian]

Ffydd, Gobaith, Cariad wedi ennill.
Nofelydd ifanc am yr ail dro mewn tair blynedd - a'r ddau yn rhannu'r un golygydd?

[Llewelyn Richards]

Mae'n haeddu fo - nofel ardderchog.

O ran y seremoni wobrwyo, fyddwn i'n talu arian mawr i beidio bod yn yr un stafell a'r Athro Dai Smith.

[Garreg Lwyd]

O ran y seremoni wobrwyo, fyddwn i'n talu arian mawr i beidio bod yn yr un stafell a'r Athro Dai Smith.

Cytuno! Wnaeth y dyn gam-ddarllen y gynulleidfa yn llwyr gyda'i dipyn anerchiad. Roedd y boi yn hollol shocking (yn y ffordd waetha posib). ‘As I told Gore...’ (Vidal, h.y, nid Al!)

Ond da iawn Llwyd a llongyfarchiadau i Robin Chapman am gael gwobr Radio Cymru hefyd.