Llyfrau i fechgyn

[Glanyrafon]

Oes gyda unrywun awgrymiadau ar gyfer llyfrau fyddai'n addas i'm fab annwyl? Mae'n 8 oed ac yn mwynhau darllen llyfrau "ffantasi" fel rhai Narnia, "The Hobbit" a rhai "sword and sorcery" Americanaidd (rhai i blant wrth gwrs).

Dim ond yn Saesneg galla i ffeindio y math yna o lyfrau i blant. Leiciwn i iddo fe ddarllen bach mwy yn Gymraeg i ddatblygu ei eirfa tipyn ond alla i ddim ffeindio dim byd sy'n addas. Dim ots os taw cyfieithiad o'r Saesneg ydyw, ond bod hi'n ddigon gafaelgar.

Mae fe wedi darllen rhai Roald Dahl yn barod. Wedi chwilio yn "Gwales" ond dim lwc hyd yn hyn.

[Rhodri Nwdls]

Oes gyda unrywun awgrymiadau ar gyfer llyfrau fyddai'n addas i'm fab annwyl? Mae'n 8 oed ac yn mwynhau darllen llyfrau "ffantasi" fel rhai Narnia, "The Hobbit" a rhai "sword and sorcery" Americanaidd (rhai i blant wrth gwrs).

Dim ond yn Saesneg galla i ffeindio y math yna o lyfrau i blant. Leiciwn i iddo fe ddarllen bach mwy yn Gymraeg i ddatblygu ei eirfa tipyn ond alla i ddim ffeindio dim byd sy'n addas. Dim ots os taw cyfieithiad o'r Saesneg ydyw, ond bod hi'n ddigon gafaelgar.

Mae fe wedi darllen rhai Roald Dahl yn barod. Wedi chwilio yn "Gwales" ond dim lwc hyd yn hyn.

Oedd gen i lyfrau yr heriwr Dafydd ap Siencyn pan yn fach. Gwasg Carreg Gwalch oedd yn eu cyhoeddi dwi'n meddwl.

Be am lyfrau antur T Llew Jones? Ma'r rhain yn wych. http://www.gomer.co.uk/gomer/en/gomer.S ... Author/750

Trysor y Môrladron (darllenais gopi Dad o hwn drosodd a throsodd), Trysor Plasywernen, Y Ffordd Beryglus, Ysbryd Plas Nantesgob...

O'n i'n arfer mwynhau llyfrau J Selwyn Lloyd yn ofnadwy 'fyd. Ddim yn ffantasi, ond yn fwy o sdwff speis ac ati.

Sna ddim cymaint â hynny o bethau ffantasi pur i'w cael yn y Gymraeg nagoes?

Mae addasiadau Cymraeg Tintin ac Asterix yn wych, ond ella nad dyma be ti'n edrych amdanyn nhw, ac mae'n nhw allan o brint ar y cyfan.

[Gwen]

Be am y gyfres yma [heblaw am y cynta] gan Elgan Philip Davies? Dwi'n gwybod mai fel llyfrau ar gyfer yr arddegau maen nhw'n cael eu marchnata, ond dwi'm yn meddwl y bysan nhw'n rhy anodd i dy fab, ar sail yr hyn mae o wedi'i ddarllen eisoes.

Ella y gweli di rwbath arall addas yn y catalog hefyd.

[khmer hun]

Roedd yna ganmol i addasiad Grey Evans (yr actor, a thad Gwyneth Glyn) o Strombreakers, Anthony Horowitz - Tarandon.

Hefyd, addasiad Dyfrig Parri o lyfr Terry Prachett, Lleidr Amser, un o'r gyfres 'Discworld' neu 'Disgfyd'!

Ac wrth gwrs, yr anochelHarri Potter a Maen yr Athronydd wedi'i gyfieithu gan Emily Huws...

[Gwahanglwyf Dros Grist]

Oedd gen i lyfrau yr heriwr Dafydd ap Siencyn pan yn fach. Gwasg Carreg Gwalch oedd yn eu cyhoeddi dwi'n meddwl.

Blast ffrom ddy past fyna, Nwdlyn. O'n i'n arfer darllen llyfrau Cailo hefyd, sef straeon am gi defaid arwrol.

Beth oedd enw'r gyfres 'na o lyfrau antur lle roedd rhaid rholio deis etc i benderfynu i ba dudalen roeddech chi'n mynd?

[Gwen]

Cyfres Amlddewis gan Y Lolfa. Dim ond Trwy Ogof Arthur dwi'n cofio'i ddarllen, ac am brofiad rhwystredig oedd hwnnw... Dwi'm yn meddwl i mi erioed lwyddo i gyrraedd y diwedd.

Roedd Cyfres Cailo yn rhy drist gen i - lot gwell gen i'r Llewod.

[Glanyrafon]

Sawl cynnig diddorol iawn. Diolch am yr awgrymiadau