Cwrs Dechrau Ysgrifennu 28-30 Medi

gan **Olwen Dafydd** » Mer 22 Awst 2007 10:09 am

Helo Bawb!
Beth am ddod i Dy Newydd am benwythnos braf a hwyliog?

Oes gennych chi syniad am stori, rhyw ychydig linellau o gerdd, dechreuad sgript neu sgets, neu dim mwy nag ysfa weithiau i afael mewn beiro a phapur?
Dewch ar gwrs 'Dechrau Ysgrifennu' gydag Iwan Llwyd ac Eleri Llywelyn Morris.

Cwrs i ddechreuwyr o bob oed, ym mhob maes, yw hwn.

Byddai'r cwrs hwn yn addas i ddysgwyr profiadol.

Y pris am stafell sengl yw £225 (£205 os yn rhannu stafell).

Cofiwch fod modd gwneud cais am fwrseri os ydych ar incwm isel.

Ffoniwch ni, neu gyrrwch ebost, i drafod ymhellach.
01766 522811 neu post@tynewydd.org

http://www.tynewydd.org

gan **SerenSiwenna** » Mer 22 Awst 2007 10:50 am

Allaf argymell y cyrsiau yma yn Ty Newydd cyd-faeswyr, es i ar un Magu Hyder chydig ynol a wnaeth o fyd o les i mi. Mae Ty Newydd yn lle lyfli ar mae'r bwyd yn ffantastig. Mae e mor dawel ene a wnes i ysgrifennu rhan fwyaf o braslun nofel tra o ni ene, ac yna ei hanfon am y gystadlaeth Emyr Feddwg yn y 'steddfod...y tro cyntaf i mi gwneud hynny!

Os ellch fforddio mynd byddwch ddim yn difaru :winc:

gan **Olwen Dafydd** » Iau 23 Awst 2007 3:18 pm

Seren - diolch iti am dy sylwadau cefnogol.

Ia, dewch mlaen chwi sgwenwyr swil. Mae'r Tŷ Newydd Experience yn werth chweil. Ewch oddi yno wedi mwynhau'n fawr, wedi gwneud ffrindiau newydd ac wedi'ch ysbrydoli i sgwennu go iawn.

A nadw, dw i ddim yn cael fy nhalu'n dda am ddeud y petha ma! Dw i'n eu deud hi fel ma hi, ac o fy mhrofiad i fy hun!

Ella bo chi'n gweld y pris yn ddrud, ond cofiwch da chi fod modd cael ychydig nawdd tuag at y gost - gallwn yrru ffurflen 'cais am fwrsari' atoch mond i chi ofyn. Mae'n ffurflen syml iawn, ac nid yw'n bysnesu faint o bres sy gynno chi chwaith!

Cysylltwch i holi mwy olwen@tynewydd.org

gan **canol llonydd distaw** » Iau 20 Medi 2007 10:02 am

Oes yna le ar ol ar y cwrs yma?

gan **Olwen Dafydd** » Iau 27 Medi 2007 11:33 am

canol llonydd distaw a ddywedodd:Oes yna le ar ol ar y cwrs yma?

Ddrwg iawn gen i am yr oedi, rwan dw i'n gweld dy gwestiwn di Canol Llonydd Distaw.

Oes, mae lle dal ar ol os ti dal awydd dod draw - tydi ddim yn rhy hwyr i drefnu petha ochor yma.

Cysyllta efo fi ar olwen@tynewydd.org neu ffonia fi ar 01766 522811 i drefnu.

gan **Sian Northey** » Iau 27 Medi 2007 6:14 pm

Neu os am wneud penderfyniad munud olaf bora fory 'sa'n well ffonio 01766 522 811 gan na fydd Olwen yn ei gwaith (mae hi'n haeddu diwrnod o ryddid yn achlysurol tydi)

Cwrs Dechrau Ysgrifennu 28-30 Medi

Cwrs Dechrau Ysgrifennu 28-30 Medi

Pwy sydd ar-lein