Meddwl y Gynghanedd - Bobi Jones

gan **Gorwel Roberts** » Iau 10 Ion 2008 8:42 pm

Rywun wedi darllen hwn? Dwi'n dal ar y rhagymadrodd. braidd yn drwm ond meddylgar iawn, yn trio meddwl be sy tu ol i'r gynghanedd yn ddwfn yn y meddwl, ac yn ceisio theori llenyddol newydd yn ei sgil yn hytrach nag englynion digri (neu'n ogystal a nhw siwr o fod). Tasa fo ond yn gwrando ar Paul Dooley byddai'n gallu cymharu cerdd dafod a cherdd dant, dos amdani Bobi

gan **Rhys Llwyd** » Iau 10 Ion 2008 9:17 pm

Mae unrhyw un sy'n mentro darllen stwff theori Bobi Jones yn haeddu medal. Maen stwff cymhleth tu hwnt ond yn hynod gyfoethog a thraeddgar unwaith ewch chi mewn i'r zone fel petae. Diddorol dy fod yn holi beth mae Bobi yn meddwl am Dooley - di'n cofio Bobi yn dweud wrthai unwaith ei fod en meddwl fod celf a cherdd yn gelfyddydau is na iaith, wnes i ddim cweit deall pam ond rwy'n tybied ei fod e rhywbeth i neud a fod iaith yn norm cwbwl greiddiol ac anghenrheidiol i fodolaeth ond bod celf a cherdd ddim? Mae abseliwts yn bwysig i Bobi felly efallai fod y ffaith ei fod hi'n haws dod at absoliwts trwy iaith ("wele Fuwch, buwch yw hwnna etc...") nag ydym hi trwy gelf a cherdd rhywbeth i wneud a'r peth. Hefyd mae Bobi wrth gwrs yn theoriydd Calfinaidd-Gristnogol ac mae'r "gair" wrth gwrs yn greiddiol bwysig i Gristnogaeth, trwy air soniodd Dduw am Y Gair ayyb...

gan **Gorwel Roberts** » Gwe 11 Ion 2008 12:17 pm

Rhys Llwyd a ddywedodd:Mae unrhyw un sy'n mentro darllen stwff theori Bobi Jones yn haeddu medal. Maen stwff cymhleth tu hwnt ond yn hynod gyfoethog a thraeddgar unwaith ewch chi mewn i'r zone fel petae. Diddorol dy fod yn holi beth mae Bobi yn meddwl am Dooley - di'n cofio Bobi yn dweud wrthai unwaith ei fod en meddwl fod celf a cherdd yn gelfyddydau is na iaith, wnes i ddim cweit deall pam ond rwy'n tybied ei fod e rhywbeth i neud a fod iaith yn norm cwbwl greiddiol ac anghenrheidiol i fodolaeth ond bod celf a cherdd ddim? Mae abseliwts yn bwysig i Bobi felly efallai fod y ffaith ei fod hi'n haws dod at absoliwts trwy iaith ("wele Fuwch, buwch yw hwnna etc...") nag ydym hi trwy gelf a cherdd rhywbeth i wneud a'r peth. Hefyd mae Bobi wrth gwrs yn theoriydd Calfinaidd-Gristnogol ac mae'r "gair" wrth gwrs yn greiddiol bwysig i Gristnogaeth, trwy air soniodd Dduw am Y Gair ayyb...

Rhaid i fi ddweud fy mod i'n colli diddordeb pan fydd rhywun yn trio fy nghonfyrtio a dod â Duw a Chalfin i mewn i'r potas - Bob Jones dwi'n ei feddwl, nid Rhys (er wrth gwrs bod rhydd i bawb ei farn - it's not for me) ond y pwynt am Dooley yw fod yr hen gerddoriaeth yn ffurf gaeth yn union fel cerdd dafod a ddatblygodd yn yr un cyfnod ac mae pethau ynddi sy'n cyfateb i'r hyn y mae'r gynghanedd yn ei wneud - nodau'n cynganeddu yn lle cytseiniaid.

Ond esgob, mae'n anodd ei ddarllen. Fy mai i yw hyn siwr o fod ond os oes syniadau gwerth chweil ynddo, byddai'n dda gallu eu didoli a'u cyflwyno mewn ffordd haws.

gan **Dafydd Iwanynyglaw** » Gwe 11 Ion 2008 12:22 pm

Un o fy nghwynion am y llyfr (ac er hynny, ciwdos mawr i'r boi am greu thiori lenyddol yn y Gymraeg bron iawn ar ben ei hun) yw nad yw'n dangos ystyr ei bwyntiau drwy ddyfynnu esiamplau concrit o farddoniaeth. E.e. mae na ddarn yn trafod rwbath neu'i gilydd am sut mae rhyddmau 3+2 a 2+2 acen yn cyfuno, ond dydio ddim yn rhoi esiamplau a fyddai'n gwneud hyn yn glir - mae o fel trafod barddoniaeth mewn algebra.

gan **Prysor** » Gwe 11 Ion 2008 1:57 pm

Rhys Llwyd a ddywedodd:ac mae'r "gair" wrth gwrs yn greiddiol bwysig i Gristnogaeth, trwy air soniodd Dduw am Y Gair ayyb...

Engraifft berffaith o sut y mabwysiadodd Cristnogaeth un o gredoau canolog yr athroniaeth Derwyddol. Yr unig wahaniaeth ydi iddynt roi'r gair 'Duw' i mewn yn lle 'Gwir'.

I dderwyddiaeth, drwy'r Gair y dywedir, ac y clywir, y Gwir. Yr un gair oedd 'gair' a 'gwir' yn wreiddiol, ac mae'r ddau yn gyfystyr â'i gilydd.

Ond yn ôl at Bobi... Heb weld y llyfr fy hun, ond mae'n braf gweld ymdrech i weld beth yw rôl ysbrydol/seicolegol y gynghanedd, a sut mae'n effeithio ar y ffisegol.

Dwi wastad wedi meddwl fod defnydd ysbrydol i rythmau'r gynghanedd erstalwm (gyrru gwybodaeth yjn ddwfn i'r isymwybod fel na ellir ei anghofio, a hefyd weindio'r rhyfelwyr i fyny i ffrensi bloodlust cyn brwydr, etc) a bod colli cyfeiliant rythmig y pastwn a'r delyn wedi bod yn drychineb - fel colli rhyw hen gôd oedd yn angenrheidiol i wneud i'r peth weithio i'w lawn botensial. Gallwn ddiolch i ffwndamentalaeth Methodistiaidd y 18ed a 19ed ganrif am y fandaliaeth diwylliannol yma. Eironig (ond da o beth serch hynny), felly, mai Calfinwr sydd yn ceisio ailddarganfod yr hen ffordd.

gan **Gorwel Roberts** » Gwe 11 Ion 2008 1:57 pm

Dafydd Iwanynyglaw a ddywedodd:Un o fy nghwynion am y llyfr (ac er hynny, ciwdos mawr i'r boi am greu thiori lenyddol yn y Gymraeg bron iawn ar ben ei hun) yw nad yw'n dangos ystyr ei bwyntiau drwy ddyfynnu esiamplau concrit o farddoniaeth. E.e. mae na ddarn yn trafod rwbath neu'i gilydd am sut mae rhyddmau 3+2 a 2+2 acen yn cyfuno, ond dydio ddim yn rhoi esiamplau a fyddai'n gwneud hyn yn glir - mae o fel trafod barddoniaeth mewn algebra.

ia, dyna'n union oeddwn i'n ei deimlo, byddai esiamplau wedi helpu, hebddynt dwi ar goll. tydi o ddim yn ewastad yn gwneud synnwyr i rywun sydd heb wybodaeth drylwyr drylwyr o'r canu caeth

gan **Dafydd Iwanynyglaw** » Gwe 11 Ion 2008 2:22 pm

Prysor a ddywedodd:Engraifft berffaith o sut y mabwysiadodd Cristnogaeth un o gredoau canolog yr athroniaeth Derwyddol. Yr unig wahaniaeth ydi iddynt roi'r gair 'Duw' i mewn yn lle 'Gwir'.

Dwi'm yn meddwl, rywsut - datblygiad o syniadau Hebreaidd a Groegaidd o'r categori "gair" yw hyn yng Nghristnogaeth. Ond edefyn arall ydi honno.

Prysor a ddywedodd:Ond yn ôl at Bobi... Heb weld y llyfr fy hun, ond mae'n braf gweld ymdrech i weld beth yw rôl ysbrydol/seicolegol y gynghanedd, a sut mae'n effeithio ar y ffisegol.

Dwi wastad wedi meddwl fod defnydd ysbrydol i rythmau'r gynghanedd erstalwm (gyrru gwybodaeth yjn ddwfn i'r isymwybod fel na ellir ei anghofio, a hefyd weindio'r rhyfelwyr i fyny i ffrensi bloodlust cyn brwydr, etc) a bod colli cyfeiliant rythmig y pastwn a'r delyn wedi bod yn drychineb - fel colli rhyw hen gôd oedd yn angenrheidiol i wneud i'r peth weithio i'w lawn botensial.

....yn anffodus, dydi'r llyfr ddim mor egsaiting a hynny.

Mae'r ddadl (o'r hyn dwi'n ddeallt ac yn ei gofio) yn ymwneud efo ymgais bron yn is-ymwybodol gan feirdd i greu strwythurau sydd yn adlewyrchu'r Absoliwt.*

Un cwestiwn gododd yn fy meddwl i tra'n darllen y darn ar waith Einon Offeiriad o drefnu a dyfeisio mesurau oedd a fyddai'r gynghanedd wedi parhau i ddatblygu a bod o'r un pwysigrwydd petai'r dywysogaeth wedi parhau tu fas i system lywodraethol coron Lloegr?

* NB - does gen i ddim ffecing cliw os ydw wedi deallt y llyfr, felly bosib fod hyn yn fwy rong na rwbath rong sydd yn hollol rong.

gan **Gorwel Roberts** » Gwe 11 Ion 2008 2:33 pm

Dafydd Iwanynyglaw a ddywedodd:Un cwestiwn gododd yn fy meddwl i tra'n darllen y darn ar waith Einon Offeiriad o drefnu a dyfeisio mesurau oedd a fyddai'r gynghanedd wedi parhau i ddatblygu a bod o'r un pwysigrwydd petai'r dywysogaeth wedi parhau tu fas i system lywodraethol coron Lloegr?

* NB - does gen i ddim ffecing cliw os ydw wedi deallt y llyfr, felly bosib fod hyn yn fwy rong na rwbath rong sydd yn hollol rong.

Mewn byd arall lle tydi'r dywysogaeth ddim wedi ei dinistrio, o bosib mai Goruwchogynfardd a'r Traethodlau yw'r seren pop-jazz/cerdd arwest mwyaf yn y byd, dyw'r gynghanedd heb ddatblygu ond mae'r telynau tannau efydd a 'Caniad Bach ar y Go Gywair' yn rhif 1 yn y siartiau yn America

gan **Gorwel Roberts** » Gwe 11 Ion 2008 2:52 pm

Rhys Llwyd a ddywedodd:Mae unrhyw un sy'n mentro darllen stwff theori Bobi Jones yn haeddu medal. Maen stwff cymhleth tu hwnt ond yn hynod gyfoethog a thraeddgar unwaith ewch chi mewn i'r zone fel petae....

Mi wnaf ddyfalbarhau gan obeithio byddaf yn gallu mynd i mewn i'r zone. Ti'n meddwl bod Bobi Jones yn darllen Maes-e? Byddai'n gret cael ymateb ganddo.

Mae canu caeth ac ati yn un o bethau gwychaf llenyddiaeth Gymraeg ond dudwch wrtha' i mewn difrif calon, rwan, a oes angen darllen dim byd gafodd ei sgwennu ar ol 1600? Dyna'r adeg nathon nhw roi'r gorau i ddatgan cerddi'n gyhoeddus a'r amser y dirywiodd y drefn farddol. Cyn hynny roedd o'n beth ffynci, math o gerddoriaeth fyw ac mae hynny i'w deimlo yn y cerddi. Ers hynny a oes yna ormod o bwyslais ar y gair printiedig a datganiadau neis-neis 'cerdd dant' fodern sy'n gwneud dim oll i glec y gynghanedd?

gan **Rhys Llwyd** » Sad 12 Ion 2008 1:16 pm

Gorwel Roberts a ddywedodd:Ti'n meddwl bod Bobi Jones yn darllen Maes-e? Byddai'n gret cael ymateb ganddo.

Dwi ddim yn meddwl. Fodd bynnag dwi'n siwr byddai wrth ei fodd yn derbyn copi o CD dooley a llythyer gen ti, a dwi'n siwr byddai wrth ei fodd yn dy wahodd i mewn i'w dy yn Llanbadarn i drafod y cynnwys - maen groesawgar tu hwnt. N.B os tisho ei gyfeiriad.

Meddwl y Gynghanedd - Bobi Jones

Meddwl y Gynghanedd - Bobi Jones

Pwy sydd ar-lein