Brwydyr y Bradwr

[Sian Northey]

Ond, petae ti wedi clywed y dehongliad "seren" gan unrhyw un arall heblaw yr awdur(trwy gyfrwng Lloerig) mae'n debygol y byddet wedi ei hystyried gyda mwy o barch a diddordeb. Ond gan mai Cefin ddywedodd hyn mae 'na beryg i ni feddwl "Mae o'n llyfr mor sâl mae o'n gorfod ei esbonio". Oes yna wahaniaeth rhwng dehongliad awdur a dehongliad darllenydd?
Gyda llaw, medda hi gan wisgo ei fflac jacket, mi nes i fwynhau'r llyfr. Yn y dechra doeddwn i ddim yn meddwl y byddwn yn gallu diodda llais mochyn am lyfr cyfa, ond ar ôl dipyn mi roedd bwys gynnai be oedd yn digwydd i Morgan a'i fam ac mae 'na ddarna dwi'n gofio. A mae hynny yn fwy na fedrai ddweud am lawer o lyfra.

[Eben fardd]

dim fflac sian. mi oeddwn i'n un o'r rhai cyntaf i ddarllen y llyfr ac er nad oedd at fy nant personol i roedd yn amlwg o bwysigrwydd, yn enwedig i vegans, i lenyddiaeth gymraeg.

[Aran]

Ond, petae ti wedi clywed y dehongliad "seren" gan unrhyw un arall heblaw yr awdur (trwy gyfrwng Lloerig) mae'n debygol y byddet wedi ei hystyried gyda mwy o barch a diddordeb.

mmm, difyr 'to. dw i'm yn meddwl i mi ddangos diffyg parch at y dehongliad, gyda llaw! -

mae'n ddifyr clwyed am gefndir fel'na

ac a deud y gwir, dw i'n meddwl y byddwn i fod wedi cael llai o amser i'r dehongliad yna gan rywun ar wahân i'r awdur - hynny yw, mi fuaswn i 'di bod yn debycach o weld o'n enghraifft o sut all unrhywun dehongli unrhyw darn fel y mynnant... heb unrhywbath yn y llyfr ei hun i arwain at y dehongliad, mi fuasai'r un mor ddilys i weld y mochyn yn cynrychioli ceisiwr lloches sy'n cael ei 'wrthod' gan ei lywodraeth, wedyn yn cael ei 'wrthod' gan lywodraeth san steffan er iddo dysgu'r Saesneg, ac wedyn yn cael ei ymosod arno gan dorf yn Wrecsam...

ond y ffaith i'r awdur cynnig y dehongliad yn golygu bod rhaid ei ystyried yn berthnasol...

cwestiwn difyr am y wahaniaeth rhwng dehongliad awdur a dehongliad darllenydd. 'swn i'n teimlo bod yr awdur yn colli'r hawl i roi un dehongliad yn benodol uwchben pethe bod pobl eraill yn gweld yn y gwaith yr eiliad iddi/o orffen ei sgwennu...

hynny yw, mae'n deg (ac efallai weithie'n berthnasol, hydnoed!) i'r awdur deud 'dyna oedd fy mwriad', ond nid 'dyma sut y dylet ti dehongli'r gwaith'...

[Meg]

Cytuno'n llwyr efo ti Aran. Unwaith mae awdur wedi cyhoeddi ei waith, mae rhwydd hynt i bob darllenydd dynnu be bynnag mae o isio allan o'r gwaith. Mi gawn nhw weld negeseuon lle nad oedd yr awdur wedi bwriadu rhoi neges, pam lai? Os ydi o'n ychwanegu at eu mwynhad o'r llyfr - grêt.
Gall hyn fod yn boen i'r awdur weithiau os oes 'na bobol yn darllen y negeseuon rhyfedda ynglyn â chymeriad a natur yr awdur, ond dyna fo. Mae hyn yn digwydd ac wedi digwydd erioed.

Ynglyn ag awdur yn 'gorfod' egluro ei fwriad...hm. Dibynnu. Mi fydda i'n licio cael fy synnu felna gan ddatganiadau gan awduron. Gas gen i symboliaeth sy'n rhy amlwg, a weithia, dach chi jest ddim yn ei weld o nes bydd yr awdur yn dweud yn blaen be oedd ganddo fo mewn golwg. Os o'n i wedi mwynhau'r llyfr beth bynnag, all hynny ddim ond ychwanegu at fy mwynhad. Neu'ch gwylltio o bosib - dibynnu ar yr awdur a be mae o/hi'n ddeud.

e.e: The Lion, the Witch & the wardrobe. Ei ddarllen pan yn blentyn, felly ddalltes i rioed mai Duw oedd y Llew ayyb. Wedi sylweddoli hynny, mae gen i awydd ei ddarllen eto.
Ond dim awydd darllen Brwydr y Bradwr eto, sori!

[Aran]

Mae hyn yn digwydd ac wedi digwydd erioed.

gwir yw'r gair...

mae'n anochel, hydnoed, efallai - mae gen geiriau cysylltiadau gwahanol i wahanol pobl, a syniadau hefyd - tuasai rhywun yn byw ar fferm ac wedi cael damwain poenus wrth ymdrin a moch, 'sai hynny yn effeithio ar ei ymateb i'r llyfr...

neu tasai rhywun wedi llosgi tas wair i lawr yn blentyn, rownd cefn y cwt moch, a 'di cael uffern o amser caled wrth trio cael digon o ddwr o'r cegin heb i'w mam sylweddoli bod 'na dân, buasai hynny yn saff o atsain yn ei gof tra darllen y llyfr 'ma... a fuasai, yn ei tro, yn cael effaith ar y ffordd y byddai fo'n ymateb i'r llyfr - dim yn siapio pob dim am ei ymateb, ond yn cyfrannu ati...

a does gen 'run awdur yr hawl i ddeud 'Na! Paid â chofio'r tân! O'n i isio i chdi feddwl am rywbath arall!'...

[Cardi Bach]

Falle fod esboniad Cefin Roberts yn ennin tosturi ato fe'n bersonol, ond i rywun fel fi sy'n mwynhau darllen er lles darllen, ac ddim am wneud adolygiadau dwfn ohon fe ar gyfer traethodau neu thesis neu adolygiad papur ac yn y blaen, dodd y nofel ddim yn gweithio.

O'n i'n timlo, fel wedes i, fod e'n rhy uchelgeisiol ac yn trial bod yn rhywbeth nad oedd e - trial cyfleu neges gymdeithasol o bwys mawr, trial bod yn ddwfn ac yn dynner yr un pryd, a trial bod yn glefar. Yn anffodus, yn fy nhyb bach i, odd e'n ddim o'r pethe hyn.

Pawb at y peth a bo, gleu. Ond fi'n falch fod rhai pobol wedi mwynhau'r llyfr. Fi'n rhy llawdrwm fi'n siwr.

O ran beth ma pobol yn gweld mewn nofel/llyfr - bydden i'n casau sgwennu llyfr am gydraddoldeb, dyweder, a clywed fod rhywun wedi cael ysbrydoliaeth am y KKK neo neo-natsiaeth ohono fe!!! Jiawl, bydden i'n mynnu fod y blydi llyfr yn cal ei dynnu bant o'r shilffodd os mai dyna'r dylanwad mae e;n gal ar bobol!!!!!

Wy'n credu fod ishe bod yn gymharol 'explicit' yn beth yw amcanion y nofel, neu ffordd arall jyst llenyddiaeth bert yw e, yn yr un modd a artist. Ma lot o luwie ar ganfas yn gallu gweddu ac edrych yn bert, ond ar ddiwedd y dydd dyw e'n ddim mwy na lot o liwie yn gweddu ac edrych yn bert.

Eto, mater o chwaith am wn i.

[brenin alltud]

ennin tosturi

Eto, mater o chwaith am wn i

ennyn
chwaeth !!

Mm, isie gwersi sillafu ar rywun yn y seiat llenyddol... sori, methu gwrthod y temtasiwn

[Tracsiwt Gwyrdd]

sori, methu gwrthod y temtasiwn

y demtasiwn

hi hi!

sori!

[brenin alltud]

O, bygyr... Na, howld on defi john, mae'n gallu bod yn ddeuryw!! Ma' Bruce yn deud, so there
Reit, nol i Frwidur y Bratwr ...

[Tracsiwt Gwyrdd]

he he! esdi jecio?! trist iawn wir (dwi 'di cal sachad go iawn )

Dwi di darllan Brwydr y Bradwr i gyd blaw y bennod ola', a tra oni'n darllan oni'n eitha' mwynhau, er bod o'n sdincio o'r un hen sdori ma' Cefin wasdad yn son amdano fo - rhywun yn cal cam, yn cal 'i fwlio a ballu ond efo gwir dalant go iawn. Ac mi oni'n gwbod am y gymhariaeth efo John Owen cyn dechra (ac oni ddim wir yn gweld bod hynny di cal 'i ddilyn yn ddwys iawn, a deud y gwir ma' r holl beth fatha tasa fo'n gallu neud efo cal 'i ailddraffrtio cwpl o weithia) ond, y pwynt ydi, dwi byth 'di orffan o - doedd o ddim yn fwriadol, oni wir yn bwriadu ailafal, ond dwi byth di gneud. Ma hunna'n deud lot dwi meddwl, ac erbyn hyn, o sbio'n ol, rhyw beth bach so-so odd o'n diwadd de - ddim yn haeddu'r fedal yn fy marn i.