Llyfr y Flwyddyn

gan **Capten Y Titanic** » Iau 12 Meh 2008 12:44 pm

Efallai dylen nhw newid enw'r gystadleuaeth o Llyfr Y Flwyddyn i Llyfwr Y Flwyddyn! :lol:

gan **Cacwn** » Iau 12 Meh 2008 1:24 pm

Y Duw Lenyddol a ddywedodd:Yn ol yr ymateb (neu'r diffyg ymateb yn hytrach!) mae'n ymddangos nad oes llawer o wir ddiddordeb gan y genedl yn y gystadleuaeth yma. Wrth gwrs, mae'r cyfryngau yn treio 'heipio'r' peth, ond allan nhw ddim celu'r gwir. Rhywbeth i griw bach bach a'u teuluoedd yw hwn. Llond dyrnaid efallai ar y mwyaf sy'n hidio'r un dam am y canlyniad.

Fysa ti'm yn dweud fod y diffyg ymateb rhywbeth i'w wneud gyda diffyg didordeb y genedl mewn darllen yn gyffredinol? Aros di tan fydd ffilm Martha, Jac a Sianco allan, yna fe gei di ymateb. :rolio:

gan **Prysor** » Maw 17 Meh 2008 6:21 pm

Dŵds - o ystyried niferoedd a natur unigryw poblogaeth unrhyw wlad Oerllewinol 'ddatblygedig', tydi'r diddordeb neu ddiffyg diddordeb mewn llenyddiaeth yng Nghymru'n ddim gwahanol i unrhyw un o'r gwledydd eraill.

Dwi'n gwbod fod nifer y 'gwobrau' llenyddol yn dibynnu ar swmp y cynnyrch a gynhyrchir yn y wlad, ond dwi'n credu fod digon o gynnyrch o wahanol feysydd yng Nghymru, yn y ddwy iaith, i gynnal mwy nag un 'gwobr' flynyddol (heb gyfri gwobrau meysydd cyfyng yr Eisteddfod).

Be fyddwn i'n licio'i weld, felly, ydi mwy o amrywiaeth o 'wobrau', i adlewyrchu a dathlu'r sefyllfa gynyddol iachus yma. Er engraifft, gwobr am gyfrol o farddoniaeth, llyfr ffeithiol, llyfr plant, nofel a nofel ysgafn/boblogaidd (sgena i ddim cymhelliad personol yn fan hyn, gyda llaw, ond mi alla i ddeud, os oes rhaid bod ar waelod y peil, byddai'n well gan unrhyw awdur fod yng ngwaelod peil perthnasol!).

Gall y gwobrau fod yn rhai cenedlaethol, yn rhai wedi'u noddi gan sefydliadau, cykcgronnau, gweisg, cwmniau preifat, cynghorau, neu'n rhai a gynnigir gan ŵyliau llenyddol, fydd yn wobr fydd yn tyfu gyda'r ŵyl honno, ac yn ennyn bri ohoni'i hun, wrth wneud.

Sy'n dod â fi at bwynt arall, perthnasol - mae angen trefnu gŵyliau llenyddol (dwyieithog fyddai'r mwyaf effeithiol), yn enwedig rhai 'ffrinji' anffurfiol, mwy gwerinol, radical neu heriol eu naws - gyda beirdd, awduron, perfformwyr a dramodwyr, artistiaid a cherddorion/cyfansoddwyr yn mynychu, cyfrannu a chymdeithasu. Gweler Benwythnos Lacharn - sydd, os liciwch chi, yn gwrthgfyferbynu'n berffaith efo Hay on Wye - am y math o beth dwi'n olygu.

Bydd unrhyw ŵyl o'r fath (ac yn enwedig gwyl ddwyieithog) yn llwyfan, ffenest a ffocws i'n diwylliant llenyddol cynyddol fyrlymus, yn ysbrydoliaeth i awduron newydd a sefydledig, a bydd yn cynyddu'r diddordeb mewn llenyddiaeth, gan chwalu'r waliau 'na sydd ym mhennau'r cyhoedd pan mae'n dod i'w syniad nhw o lenyddiaeth fel rwbath boring, ffurfiol, capelaidd neu swbwrbaidd, twee (hyfryd o air!).

Byddent yn ddigwyddiadau cyffrous, deinamig, yn gyfle i brofi, arbrofi, i gwrdd ac i drafod, ac i gyfnewid syniadau a gweledigaethau a.y.b. Mae gan bob gwlad ei diwylliant creadigol - rhyw fath o gymuned rhithiol o artistiaid, beirdd a llenorion. Ei chalon greadigol. Ei hysgrifennwyr, ei meddylwyr, ei chydwybod. Ei hannibyniaeth barn. A'r gorau po amlaf y cyfleon i ddod a'r nerth yma at ei gilydd i danio'r dychymyg colectif.

gan **Cacwn** » Mer 18 Meh 2008 2:19 pm

Cytuno'n llwyr Prysor. Fe es i i'r Wyl Talacharn cynta', a mi oedd pob dim mor hamddenol a braf yno - o'i gymharu a'r rhan fwyaf o ddigwyddiadau llenyddol Cymraeg. Gyda'r llaw, oes rhywun wedi darllen y Cardiff Triolgy gan John Williams (trefnydd gwyl Talacharn)? Mae o'n eitha' ffantastic de.

gan **darren edwards** » Sul 29 Meh 2008 1:30 pm

Oni fyddai llyfr y flwyddyn yn denu mwy o ddiddordeb petai cyfiawnder yn cael ei roi i lyfrau Prysor, Caryl a Llwyd? Dipyn gwell na'r ddwy nofel sydd wedi cyrraedd y rhestr fer wedwn i.

gan **Y Duw Lenyddol** » Llun 30 Meh 2008 8:50 am

darren edwards a ddywedodd:Oni fyddai llyfr y flwyddyn yn denu mwy o ddiddordeb petai cyfiawnder yn cael ei roi i lyfrau Prysor, Caryl a Llwyd? Dipyn gwell na'r ddwy nofel sydd wedi cyrraedd y rhestr fer wedwn i.

Be' wyt ti'n meddwl wrth "cyfiawnder"?

gan **Macsen** » Maw 01 Gor 2008 8:10 pm

Pwy nath ennill te?

Edit: Y proffwyd a’i ddwy Jesebel

gan **rebel** » Mer 02 Gor 2008 11:10 am

Glywis i fod Rhodri Glyn Thomas di cyhoeddi'r enillydd angywir ar gyfer y llyfr sasneg ydi hyn yn wir?

gan **sian** » Mer 02 Gor 2008 11:37 am

rebel a ddywedodd:Glywis i fod Rhodri Glyn Thomas di cyhoeddi'r enillydd angywir ar gyfer y llyfr sasneg ydi hyn yn wir?

Ydi, yn ôl y newyddion! Meddylia - meddwl dy fod wedi cael £10,000 ac wedyn ddim!
Dw i'n siwr bod y ferch ar Newyddion 9 wedi galw'r enillydd yn "Dannie Abs" hefyd!