Llyfr y Flwyddyn

[Madrwyddygryf]

A digwydodd gyda Terry Wogan ar gyfer 'Song for Europe' blwyddyn diwethaf yndo ?

Diawch, buasai Tom Bullough wedi gallu cymeryd peth yn well ? Dim angen cael hissy-fit amdano fo. Dim ond RHGT oedd yn rhy chwil i ddarllen y cerdyn yn iawn.

Dywedodd rhwyun ar Guardian "Look on the bright side, Tom. Nobody knew who you were yesterday!".

[dawncyfarwydd]

Be di'r chances bo fi'n cerddad mewn i siop wsos nesa a gweld y Byd?

[Madrwyddygryf]

Dwi newydd edrych ar y fideo o RHGT yn datgan yr ennillydd unwaith eto. Wedi sylwi ei fod wedi darllen darn o gerdyn a ddaeth allan o amlen. Nawr, pam buasent nhw dim ond wedi ysgrifennu lawr enw'r enillydd ar y papur na tybed ? Dwi’n gweld mai coc-yp gan yr Academi yn y bôn.

Dwi wedi clywed lot o sylwadau gan nofelwyr a defnyddwyr eu gwasanaeth am anallu'r sefydliad yma. Fe gymerasant nhw deng mlynedd i gynhyrchu'r encyclopedia Cymraeg, fe ddaeth cur ym mhen i Gyngor Celfyddydau Cymru achos fe ddatblygodd mewn i eliffant wen.

[Prysor]

wel, mae'r Academi newydd roi y bai yn gyfangwbwl ar y Gweinidog, ac o ddarllen y datganiad (isod) a ddaeth i fy mlwch ebost hanner awr yn ôl, ni ellir dadlau â hynny. Gormod o win, efallai.

Yn ngwesty’r Hilton ar nos Fawrth 1 Gorffennaf enillwyd gwobrau Llyfr y Flwyddyn gan Gareth Miles a Dannie Abse. Y rhai a oedd yn gyfartal agos i’r brig oedd Tony Bianchi, Nia Wyn, Ceri Wyn Jones a Tom Bullough. Roedd y rhai a oedd yn bresennol wedi gweld y Gweinidog dros Dreftadaeth Rhodri Glyn Thomas yn camddarllen y garden a rhoddwyd iddo. Datganwyd yn gyntaf mai Tom Bullough oedd yr enillydd yn Saesneg cyn i’r Gweinidog gywiro’i hun a datgan mai Dannie Abse oedd wedi cipio’r wobr. Camgymeriad llwyr oedd hyn, ac fe ymddiheurodd y Gweinidog yn syth.

Mae fformat y garden a ddarllenodd y Gweinidog wedi cael ei ddefnyddio’n llwyddiannus ar saith achlysur blaenorol. Un ohonynt ar gyfer y wobr a enillwyd gan Gareth Miles a gyhoeddwyd yn syth cyn camddarllen enw Tom Bullough. Mae’r cardiau’n enwi’r enillwyr mewn teip mawr amlwg. Islaw, mewn teip llawer llai a rhagflaenir gan y geiriau Y rhai a ddaeth yn agos at y brig (Runners-up yn Saesneg) mae enwau’r ddau a ddaeth yn agos i’r brig. Rhagflaenir enw’r enillydd, mewn print mawr amlwg, gyda’r geiriau Yr Enillydd (The Winner yn Saesneg).

Mae gwobr Llyfr y Flwyddyn yn gynllun a weinyddir gan yr Academi ac a ariennir gan Gyngor Celfyddydau Cymru. Fe’i cefnogir gan y BBC a Chyngor Llyfrau Cymru. Mae’r wobr yn ychwanegu at lenyddiaeth yng Nghymru, ac yn tynnu sylw at ysgrifennu creadigol o Gymru mewn cyfnod o gynnydd ym myd cyhoeddi llyfrau’n gyffredinol. Mae ennill yn ddigwyddiad o bwys. Mae’r Academi’n eithriadol flin am y gofid a achoswyd i Tom Bullough a’r holl awduron eraill ar y rhestr.

O ran Tom Bullough yn cwyno ar ei flog, wel pwy all weld bai arno? Chwarae teg!

[Cardi Bach]

O ran Tom Bullough yn cwyno ar ei flog, wel pwy all weld bai arno? Chwarae teg!

Bosib wir, ond mae ei adnabyddiaeth, ac o ganlyniad gwerthiant ei lyfr, am gynyddu yn sylweddol oherwydd hyn - mae wedi cael sylw ar flaen y BBC, Guardian ac ymhlith cyfryngau eraill heb-son am y blogosffer - gall hyn fygwth Richard & Judy fel ffordd o 'wneud' awdur!

[Prysor]

Digon gwir, wrth gwrs, Cardi

Ond ymateb - yn gwbwl ddealladwy - i'r profiad emosiynol mae o, i fod yn deg (a mae o'n egluro'n reit groyw sut fath o brofiad oedd hynny).

Digon posib fod ei olwg ehangach o'r mater, yn enwedig wrth sbio'n ôl, yn gweld yr ochr bositif. Ond o ran y profiad ar y pryd, wel, pwy all wadu nad oedd yn reid rolyrcostyr go iawn i'r boi?

Mae pawb yn wahanol. Byddai rhai wedi gweld yr ochr ddigri'n syth, eraill wedi pwdu, a rhai eraill yn cadw'n dawel tra'n corddi ar y tu mewn. Ond dwi ddim yn meddwl y gallwnfod gennym le i feirniadu, nac i fabwysiadu gorolwg sinigadd o rywun, am ymateb mewn unrhyw ddull arbennig.

[Madrwyddygryf]

Diawch, be mae’r Academi yn trio gwneud tybed gyda'r datganiad na'? Mae RHGT siwr yn teimlo yn digon embarasd am y camgymeriad fe wnaeth ac nawr mae’r sefydliad yn ymgeisio trio rhwbio ei wyneb mewn i'r peth yn fwy.

Ia, mae hynny yn mynd i helpu eu perthynas gyda’r person sydd yn gyfrifol am eu hariannu nhw.