Geiriadur y llenyddiaethau Celtaidd

[Hynek]

Dw i'n aelod staff Geiradur y Llenyddiaethau Celtaidd, prosiect ysgolheigion Tsiecig sy'n anelu at gyflwyno ein cyhoedd i gyfoeth llên Cymru, Cernyw, Llydaw, Iwerddon ac yr Alban. Wrth i mi weithio ar y prosiect, darganfûm na alla i ddod o hyd i ddyddiadau geni neu farwolaeth yr awduron Cymraeg modern canlynol:

Rowlands, John (*1938)
Thomas, Gwyn (*1936)
Llywelyn-Williams, Alun (1913-1988)
Jones, John Gwilym (1904-1988)
Peate, Iorwerth Cyfeiliog (1901-1982)

Oes yna unrhywun sy'n gwybod ble gallwn i ddod o hyd i'r data yna, neu unrhywun y mae ganddo fe ffynhonnell ddibynadwy sy'n rhoi'r wybodaeth yna. Byddai'n dda iawn i'r ffynhonell roi'r mannau geni a marwolaeth hefyd.

[Seonaidh/Sioni]

Hynod o dda fod hyn yn digwydd. Dydw i ddim yn gwybod am yr awduron, gwaetha'r modd.

Soniaist ti ddim am lenyddiaeth Ynys Manaw: ma tipyn o lenyddiaeth Geltaidd (yn y Fanaweg) yn cael ei chynhyrchu yno y dyddiau yma, rydw i'n credu. I ddechrau, beth am ymweld ag http://www.gov.iom?

Gwn hefyd i fynaich o Iwerddon ysgrifennu darnau Gwyddeleg yn yr Almaen ryw fil o flynyddoedd yn ol ac maen debyg i rai ohonynt fod yn dy ardal di. Ac, wrth gwrs, mae nifer o enghreifftiau o gerfio i'w gael sy'n cynnwys ieithoedd Celtaidd y Cyfandir (Celt-iberieg, Galeg ayb) ond efallai nas ystyri di fel "llenyddiaeth".

[obi wan]

John Rowlands a Gwyn Thomas yn dal efo ni.

[7ennyn]

Ella bysa Gwyddoniadur Cymru yr Academi Gymreig o ddefnydd i ti. Mae yna lot o fywgraffiadau ynddo fo. Does gen i ddim copi yn anffodus, ond ella bod gan rhywyn arall ar y Maes 'ma un, ac y bysan nhw'n gallu cael cip bach ynddo fo ar dy ran?