Horrible Histories - Wales

[huwwaters]

Prynais i'r llyfr ma ddoe, gan fy mod yn licio'r gyfres a'r ffordd mae'r ffeithiau'n cael eu cyfleu mewn modd ysgafn a doniol. O berspectif Cymro, mae'n ymddangos yn hollol diduedd, ond dwi wedi sylwi ar wall sillafu neu ddau, ond bosib bod rhein yn fwy o typos. Un peth oeddwn yn meddwl yr oedd yn wall ond sydd ddim yn ymddangos felly yw "Ein Lliw olaf".

Ma'r llyfr yn ymdrin â'r hanes fel mae wedi neud efo hanesion pobloedd erill, ac yn gwneud hynny o'r oes paganaidd hyd at heddiw, wel mae'r hanes mwy diweddar yn fwy tenau na'r 1500 AD mlynedd cyntaf, ond yn sôn am bethau fel Dic Penderyn a Merched Beca etc.

Mae'n dangos yr ochor wirion ond gwir o'n hanes heb fynd mewn gormod o fanylder. Un darlun dwi'n licio yw am y ddau ddyn wnaeth sgwennu'r Llyfrau Gleision (Brâd y Llyfrau Geleision), a'r hyn mae un o'r dynion yn ei ddeud i'r llall "Living in their own country, going to their own churches speaking their own language - who do they think they are?". Mae'r llyfr mwy fel rough guide, felly dwi'n siwr neith bobol gwyno am fanylder neu diffyg adrodd o rai ddigwyddiadau.

Dwi'n meddwl fydd yr awdur Terry Deary yn ymddangos yn Borders Caerdydd hwyrach y mis yma, am lawnsiad swyddogol y llyfr.

[Jaff-Bach]

Mi brynodd fy nghariad Saesneg hwn ifi wythnos dwetha gan ei fod wedi dotio efo pa mor Gymraeg (a mwy na chydig yn genedlaetholgar) ydwi

Dwi wedi darllen cwpwl o benodau ohono, a ma' wedi cadw'n sylw i, man neis gweld ongl fresh o sgwennu am hanes Cymru mewn ffordd ysgafn a doniol iawn heb bechu. Mae llyfrau Terry Dearry hefyd yn dysgu! onin darllan lot fawr or Horrible Histories pan oni'n iau, dal yn cofio darllan am tro cynta am sweeny todd ar ffurf cartoon yn y 'Vile Victorians'.

Y 'Cut Throat Celts' oedd y gora fyd, oeddanin arfar rhoi pena bobl ar sticks a petha

[Hogyn o Rachub]

R'on i hefyd yn ffan ENFAWR Horrible Histories (dwi'n meddwl Rhufeiniaid oedd fy ffefrynnau) ond ta waeth es i i'r adran blant yn Borders i ddarllen 'mbach o hwn - heb ei brynu ond teimlo dwisho!

[Chickenfoot]

Dw i'n siwr fod Terry Deary wedi gwneud cyfres i Radio Wales ar hanes Cymru ychydig o flynyddoedd yn ol. Dw i'm yn siwr os yw'r llyfr yn seiliedig ar y rhaglenni 'chwaith.

[Prysor]

Y 'Cut Throat Celts' oedd y gora fyd, oeddanin arfar rhoi pena bobl ar sticks a petha

ia, da di'r llyfr ynna.

[Prysor]

Un darlun dwi'n licio yw am y ddau ddyn wnaeth sgwennu'r Llyfrau Gleision (Brâd y Llyfrau Geleision),

wps! Roedd'na dri o'nyn nhw'n doedd?

(sori i fod yn boring!)

[huwwaters]

Un darlun dwi'n licio yw am y ddau ddyn wnaeth sgwennu'r Llyfrau Gleision (Brâd y Llyfrau Geleision),

wps! Roedd'na dri o'nyn nhw'n doedd?

(sori i fod yn boring!)

Sori, oedd. Mi'r oedd 3 yn cymyd yr arolwg, ond 2 sydd yn y llun (yn y llyfr).

[Gwenci Ddrwg]

Swnio'n cwl, dylwn gael copi ohono os ydy o ar gael yma (annhebygol i ddeud y lleiaf). Weithiau anghywir ar pwyntiau bach hanesiol, ond cyfres uffernol o hwyl. Dwi'n cofio eto pan ro'n i'n eu darllen bron pob dydd fel plentyn.

[Macsen]

Mae 'na gyfweliad efo Terry Deary yn Golwg heddiw.

[Prysor]

Swnio'n cwl, dylwn gael copi ohono os ydy o ar gael yma (annhebygol i ddeud y lleiaf). Weithiau anghywir ar pwyntiau bach hanesiol, ond cyfres uffernol o hwyl. Dwi'n cofio eto pan ro'n i'n eu darllen bron pob dydd fel plentyn.

Yma, ar Amazon rhyngwladol, Gwenci.