llyfrau y dylai pob cymro/cymraes eu darllen?

[aderyn melyn]

dwi wrthi'n ceisio darllen trwy 200 Big Reads y BBC ar hyn o bryd, ac mae hyn wedi gwneud i mi sylweddoli cyn lleid o lyfrau cymraeg dwi'n eu darllen. rhaid cyfaddef fod hyn yn codi cywilydd arnai, a dwi eisiau gwneud rhywbeth amdani. ond ble i ddechrau? dwi wedi chwilio, ond yn methu dod i hyd i rywbeth tebyg yn y gymraeg i'r rhestr big reads 'ma. felly pe bai rhestr felly o lyfrau cymraeg, pa lyfrau byddai'n haeddu lle arni?

[Cacwn]

Sut fath o bethau ti'n licio?

Os am ffuglen wyddonol, mae'n job ffindio nofel well na Seren Wen ar Gefndir Gwyn gan Robin Llywelyn. Un arall dda, a doniol, ydi Blodyn Tatws gan Eurig Wyn.

Mae Smoc Gron Bach gan Eurig Wyn hefyd yn homar o lyfr da - dychrynllyd ar adegau, ond mae o'n gafael yndda ti fel cranc.

Os ti am yr ecwifilant o Pengwin Classic Cymraeg dos am Un Nos Ola Leuad gan Caradog Pritchard, Traed mewn Cyffion gan Kate Roberts neu Monica, Saunders Lewis.

Mae trioligy Semtecs gan Geraint V. Jones yn spy thrillers da, er fod y trydydd yn eitha gwan yn fy marn i.

Digon yn fana i ddechra am wn i! Be mae pawb arall yn feddwl?

[Hogyn o Rachub]

Fel ddywedodd Cacwn mae'n dibynnu beth ti'n hoffi'n bersonol.

Os ti isio llyfr doniol, beth am rhywbeth fel llyfrau Harri Parri (Mrs Pringle a'r Tatw, Shamus Mulligan a'r Parot a.y.b.) neu Brithyll a Madarch gan Dewi Prysor? Yn bersonol dw i wrth fy modd efo cyfrolau o straeon byrion, yn benodol Cathod a Chwn gan Mihangel Morgan neu Y Dwr Mawr Llwyd gan Robin Llywelyn.

Un byddwn i'n awgrymu i unrhyw un ydi Martha, Jac a Sianco - cythraul o nofel er y byddi di'n crio am bythefnos ar ei h,l.

[osian]

Mae trioligy Semtecs gan Geraint V. Jones yn spy thrillers da, er fod y trydydd yn eitha gwan yn fy marn i.

Be di enw'r trydydd?

Nofela' Daniel Owen yn 'glasuron' hefyd. Dwi'n defnyddio'r '' achos dwi heb ddarllan yr un fy hun eto. Dwi'n bwriadu gneud. A darllan Cysgod y Cryman, sydd hefyd yn oce yn ol y son.

[Cacwn]

Semtecs, Asasin ac Omega 'di'r drioleg - lot o ladd, lleoliadau anhygol a thwyll. Smart!

[osian]

Semtecs, Asasin ac Omega 'di'r drioleg - lot o ladd, lleoliadau anhygol a thwyll. Smart!

A ia shwr, dwi di darllan y ddwy gynta', shwr fod y trydydd acw yn rwla fyd.

[Gowpi]

Un Nos Ola Leuad, Caradog Pritchard yn glasur.
Cysgod y Cryman ac Yn Ol I Leifior, hefyd yn glasuron ynghyd ag Wythnos yng Nghymru Fydd oll gan Islwyn Ffowc Elis.
Chwalfa, T Rowland Hughes (nes i lefain)
Monica, Saunders Lewis
Traed mewn Cyffion, Kate Roberts
Mae gyda ni nifer o glasuron... wy'n hoff iawn iawn o nofelau Mihangel Morgan fy hun - nifer ohonynt.

[Hazel]

Wythnos Yng Nghymru Fydd - Islwyn Ffowc Elis
Atgofion Hen Filwr - Ifan G Morris
Gwaed Gwirion - Emyr Jones
Grym y Lli - Emyr Jones

[aderyn melyn]

Sut fath o bethau ti'n licio?

i ddweud y gwir, dwi ddim yn un sy'n dilyn genre neu deip arbennig. gei di brawf o hynny os 'drychi di ar rhestr y BBC - mae na dipyn bach o bopeth arni.

dwi'n hoffi'r syniad o glasuron y gymraeg - es i ysgol saesneg, a doedd dim fawr o ddarllen ar y cwrs safon uwch, felly sai'n mor gyfarwydd a'r gweithiau mawr cymraeg ag y hoffwn i fod. (gyda llaw, sut ydw i'n dodi to bach uwchben llythyrennau?)

byddai'n hapus i roi gynnig ar unrhywbeth. wrth rheswm, os mae rhywun yn cymryd yr amser i argymell llyfr, mae'n rhaid fod e wedi gwneud argraff arnynt, ac mae hynny'n arwydd fod e'n llyfr werth ei ddarllen yn fy marn i.

[Hazel]

(gyda llaw, sut ydw i'n dodi to bach uwchben llythyrennau?)

Gwêl yma. http://www.forumwales.com/phpbb2/viewto ... es&start=0