llyfrau y dylai pob cymro/cymraes eu darllen?

[Jaff-Bach]

Dan gadarn goncrit gan Mihangel Morgan; rwbath chydig bach yn wahanol a od a ol fodernaidd i gymharu a rhanfwyaf o weddill y dewis o lyfrau cymraeg. Mae ei gyfrolau o straeon byr yn ddiddorol hefyd ac yn gallu bod yn ysgafn neud dwys iawn yn dibynu be wytin ei gymeryd o'r stori.

Wele'n gwawrio gan Angharad tomos- un o fy ffefrynau, nofel fer am fywyd criw o ffrindiau yn eu tridegau o olwg un ohonynt sef Enyd, mae na twist mawr ynddyfo tua hanar ffordd, trist ond hefyd yn ddoniol ofnadwy.

[Cymro13]

The Welsh Extreimist – Ned Thomas

[Wylit, wylit Lywelyn]

Rhyw lyfr gan J R Hartley?

[Jon Bon Jela]

Gofynnodd ffrind i mi sy' bellach yn byw yn Ffrainc pa lyfrau Cymraeg da y dylai ddarllen. Yr unig rhai o'n i'n gallu argymell iddo oedd:

Un nos ola leuad
Cysgod y Cryman
Martha Jac a Sianco
Dan Gadarn Goncrit

[Hazel]

Ffrind yn Nghymru sy'n gwybod llenyddiaeth yn dda yn gymeradwyo y rhain:

O Tyn y Gorchudd gan Angharad Price
Y Stafell Ddirgel gan Marion Eames
Cysgod y Cryman gan Islwyn Ffowch Elis
Ac Yna Clywodd Swn y Môr gan Alun Jones

Dw i wedi darllen Cysgod y Cryman a'w dilyniant. Maen glasurol yn wir.

[dawncyfarwydd]

O gadw at 3 must-read, sy'n gynrychioladol o fawredd ein llên erbyn heddiw a thrwy'r canrifoedd (yn hytrach na jyst llyfra da) dwi'n credu sa'n anodd gwella ar y canlynol:

Un Nos Ola Leuad - Nofel orau'r iaith, does bosib. Sgwennu gafaelgar, cymeriad efo'r mwya trist a'r llofrudd hawsa cydymdeimlo efo fo dwi erioed wedi'i weld, stori syml ond un sydd blow-by-blow yn hitio'r cymeriad yn ei wyneb, ond stori sy'n intricate, blith-draphlith ond yn berffaith wrth iddi wau at ei gilydd. Mae ynddi hefyd ddarlun dirdynnol o gymdeithas ond mae hwnnw'n rhan o'r stori a hydnoed wrth gondemnio crefydd fatha ryw farcsydd mae o'n gweu hynny mewn i hynt y cymeriad. Mae na Freudiaeth reit gry ynddi hi hefyd. Nofel wirioneddol fawr a dirdynnol.

Seren Wen ar Gefndir Gwyn - Dydi hi ddim mor glir be sy'n gneud hon yn nofel fawr. Dwi heb ei stydio hi mor fanwl ag UNOL so dwi ddim yn gwbod pa mor eang ydi ei chysylltiada thematig/llenyddol/gwleidyddol hi - ond dydi ddim otsh, a dyna dwi'n medddwl sy'n bwysig. Ma Robin Llywelyn wedi creu byd ffantasi sy'n hudo a rhyfeddu; ma'n Lord of the Rings (LotR hanfodol Gymraeg - Tŷ'r Ddadl ydi Senedd er enghraifft) yn dod i gyfarfod...dwnim, rwbath fel barddoniaeth Emyr Lewis ella? Yn yr ystyr fod na ryw glyfrwch a llonyddwch hyfryd yn yr argyfwng. Prif gymeriad briliant, cymeriada erill sy'n cyfrannu ato fo ac sy'n wych ynddyn nhw'u hunain. Ac wrth gwrs, y clyfrwch geiriol sy'n gwneud i'r byd ma weithio. Dwnim bedio, realm arall o'r meddwl ta be. A dim otsh. Ma'r nofel yn hudolus ac yn gyfangwbl wych, meistrolgar o nofel.

Paradwys - Wiliam Owen Roberts - Mi fyswn i'n dewis un o'r "clasuron", ond sgenaim mynadd darllan ryw stwff am 'ydio'n medru susnag, musus parri?'. A beth bynnag, mae hon yn well na nhw i gyd - WOR ydi'r awdur anghofiedig yng Nghymu heddiw ac mae o'n rhyngwladol ei fyd-olwg a'i arwyddocad. Mae'r adolygiad yma yn crynhoi be dwi isio'i ddeud: mae hi'n nofel eang ei chynfas, efo stori hiiiiiiwj a chymhleth, hard-going ar brydiau ond byth yn anodd ei darllen...gwaith meistr unwaith eto. Mae hi'n gywilyddus cyn lleied o sylw mae Wil yn gael achos dwi'n credu ei fod o yn well a phwysicach awdur na Mihangel Morgan ac Aled Jones Williams - ac mae hynny'n deud rhywbeth. Darllennwch ei stwff o - mae o'n epig.

[Hyn oddi ar y pwnc, ond yn bersonol dwi methu'n glir a dallt be ydi'r thing sgen bobol am Martha Jac a Sianco. Ella bo fi'n cal y nylanwadu gan y ffaith mod i wedi'i darllan hi ar ol clywad am yr holl heip...ond dwi'n methu ei gweld hi fel nofel damaid gwell na'r cyffredin. Ac mae angen golygu'r iaith a sut mae honno'n cael ei rhoi lawr ar bapur yn ofnadwy. Be sy'n bod arna'i? Pawb yn deud bod hi'n briliant, a dwi'n meddwl bod hi'n shit Goleuwch fi!!]

[Macsen]

Seren Wen ar Gefndir Gwyn, Un Nos Ola Leuad, Martha Jac a Sianco, Traed Mewn Cyffion (neu cyfrol cynnar o straeon byrion gan KR), Stafell Ddirgel, Cysgod y Cryman, Pws Pwdin yn Cael Hwyl.

[sian]

Mae Theomemphus yn Hen, Dafydd Rowlands
Seren Wen ar Gefndir Gwyn

Am ryw reswm dydw i ddim yn gwerthfawrogi nofelau Islwyn Ffowc Elis nac Angharad Tomos (heblaw am yr ola).
Teimlo'n euog am hynny
Ond dw i'n licio'u hysgrifau nhw.

Felly Cyn Oeri'r Gwaed a Naddion

[Hazel]

[Hyn oddi ar y pwnc, ond yn bersonol dwi methu'n glir a dallt be ydi'r thing sgen bobol am Martha Jac a Sianco. Ella bo fi'n cal y nylanwadu gan y ffaith mod i wedi'i darllan hi ar ol clywad am yr holl heip...ond dwi'n methu ei gweld hi fel nofel damaid gwell na'r cyffredin. Ac mae angen golygu'r iaith a sut mae honno'n cael ei rhoi lawr ar bapur yn ofnadwy. Be sy'n bod arna'i? Pawb yn deud bod hi'n briliant, a dwi'n meddwl bod hi'n shit Goleuwch fi!!]

Diolch am y rhestr, dawncyfarwydd. Dw i wedi archebu am Un Nos Ola Leuad ar ôl i mi glywed cymaint o amdani.

Yn ôl "Martha Jac a Sianco", os ydy rhywbeth arnat ti, mae'n arna i hefyd. Dw i'n methu ei ddarllen e o gwbl. Yn wir, dysgwr dw i ond alla' i ddarllen Cymraeg yn lled dda fel arfer. Mae'r iaith yn anodd iawn a'r stori yn -- "cyffredin". Ie, mae'n gair da amdani. Beth yw'r neges? Beth yw'r thema? Lle ydy'r edau barhaol? Wel, efallai bod rhywbeth arna i ond dw i'n ei neilltuo hi.

[Macsen]

Goleuwch fi!

*troi fflachlamp ymlaen a'i anelu at Dawncyfarwydd*

Dyw Martha Jac a Sianco ddim am fod at dast pawb, wrth gwrs. Mae'r stori a'r cymeriadau yn gwbl 'gyffredin' fel oeddet ti'n ei ddweud, ond mae sgwennu am bethau cyffredin a creu cymeriadau credadwy crwn yn gallu bod yn anoddach sgil na straeon mawr gyda themau epig.