Gem fach y stori fer 1.

[Ar Mada]

Syniad, falla eith hi'n flop, pwy a wyr? Ond, beth am sgwennu stori fer, na'i ddechra efo brawddeg / paragraff a chroeso i bwy bynnag ychwanegu wedyn. Mi fydd hi'n ddiddorol gweld strwythr y stori'n newid a'r cymeriadau'n dod yn fyw. Oni'n meddwl 'sa stori fer yn well i gychwyn. Pwy a wyr, falla gawn ni nofel rywbryd? Cyhoeddiad?!

Ymddiheuriadau os oes edefyn tebyg / cymlethdod acen / gwallau.

Ok, dyma ni.......

Doedd Nesta methu dioddef white noise. Yr unig declyn i'w h'enw oedd oergell Beko hen ffasiwn, a hwnnw yn y shed tu allan. Doedd hi'm yn cadw llawer yn yr oergell, llefrith rhan amlaf. Haul neu law, cerddai Nesta i'r shed yn gwisgo headphones diwydiannol i warchod ei chlustaiu rhag yr hym anioddefol. Roedd pobl y pentref yn meddwl ei bod hi'n wallgo. Roedd Nesta'n iawn. Dim mwy na dynes syml preifat gyda phobia o'r swn erchyll, hunllefol..... distaw.

...nesa?

[Mwnci Banana Brown]

...Roedd hi'n ddydd Sadwrn braf yn Gwm Sgwt, tua 1.27pm, a Nesta tu fas yn gorwedd o dan 'i hymbarel yn yr heulwen. Sylwodd Nesta fod yn gwynt yn codi, ond cyn iddi alli gweud "antidisestablishmentarianism", roedd yr ymbarel wedi hedfan dros y ffens. 'Y ffens', meddyliodd Nesta. 'Y blydi ffens! Blydi Denzil!' Roedd y swn yn ddigon i Nesta, ond nawr fod Denzil wedi symud drw nesa, gallai pethe ddim fod yn wath iddi.

........

[Ar Mada]

....Coediwr oedd Denzil. Coediwr mawr gwyllt gyda gwallt coch fel wiwer, a barf mawr coch fel ryw wrthryfelwr morwrol chwedlonol o Sgandinafia. Os nad oedd Denzil yn ei wiath, mi roedd yn torri coed yn barod at y gaeaf yng ngardd ei dy newydd. Ond... cyn iddo symyd i'r ty newydd, buodd Denzil yn byw yn Nghoedwig Trystan am flynyddoedd, gyda dim ond tarpolin uwch ei ben, gwely gwellt a chydig declynau syml i goginio. Roedd plant y pentref ofn myned i'r goedwig i chwarae o'i herwydd. 'Cochyn y coed' oedd pawb yng nghwm Sgwt yn ei alw. Doedd Denzil 'Cochyn y coed' Thistlethwaite heb arfer byw mewn ty cyffredin, a mi roedd yn cael trafferth ymdopi a phedair wal, gwell ganddo fod yn yr awyr agored.
Roedd Denzil wrthi'n syllu ar y llwyth o goed yn ei ardd o'r gegin gefn, pan gwelodd ymbarel pinc Nesta yn landio arnynt.
"Ymbarel...." meddodd wrth ei hun. " mmmmm......Pinc..."

[ceribethlem]

... "Well i mi lenwi'r pwll yn llawn o Magharita er mwyn mantieisio ar yr ymbarel pinc hyfryd yma." Dwedodd i'w hun. "FFyc off." Aebodd Denzil, gan dorri'r ymbarel ar draws ei ben glin. Roedd Denzil druan yn dioddef o gyflwr personoliaethau lluosog....

[Ar Mada]

Sefyllodd Denzil yn llonydd, edrychodd i'r nef a gweiddi, "Paaaaaam???!!!". Dechreuodd grio. Disgynodd ar ei liniau a rhoi ei ben yn y gwair, yna..... dechreuodd gnoi y gwair. "Mmmmmm...", meddai, "........cloroffyl...". Yn sydyn, gwelodd Denzil pen Nesta dros y ffens,

"Esgosodwch fi..... yyy.... Denzil ia? Creso i Gwm Sgwt, braaaaaf yw cael cymdogion fel,,,, ....... ww... yyyy...... beth ddigwyddodd i fy ymbarel?"

"Newch chi byth goelio!" meddai Denzil gan sychu dagrau o'i lygaid..... "Ro'n i'n torri nionod yn y gegin gefn.... wedyn gwelais yr ymbarel yn hedfan dros y ffens, rhedais allan nerth fy nhraed i'w achub... ond gafodd y ci afael arno gynta.... a'i falu efo'i ddanned miniog ffyrnig, fel hyn...", Denzil yn dynwared y ci a'r ymbarel yn ei geg.

"Ci?" gofynodd Nesta, "Pa gi?"