tintin

[asuka]

oes rhywun 'di darllen y cyfieithiadau newydd 'ma o tintin a ddaeth mas ym mis tachwedd?
http://www.tintinologist.org/articles/welsh-book-launch.html
ydyn nhw'n dda o gwbwl?

[Gwenci Ddrwg]

Cwl ond fydd na mwy o gyfieithiadau yn y dyfodol? Dwi'n cofio eto am Harry Potter a sut gafodd o'i gyfieithu unwaith ond dim ond y llyfr cyntaf.

[asuka]

na od. os oedd yn werth chweil cyfieithu'r cyntaf pam nad y lleill tybed? falle na phrynodd neb gyfrol un!
welaist ti fod 'na ragor o lyfrau tintin yn gymraeg o'r blaen - ond ddim ers yr 80au?

[Azariah]

Rwy' wedi eu prynu nhw i'r plant ond heb eu darllen fy hunan eto. Mae'r llyfrau eraill gyda ni yn barod ac mae'n teimlo'n lletchwith bod yr enwau wedi cael eu newid o'r rhai a ddefnyddiwyd yn y cyfieithiadau blaenorol. Roeddwn i'n meddwl efallai taw hawlfraint y cyhoeddwyr gwreiddiol oedd y tu ol i'r penderfyniad. Rhaid cael rheswm da i wneud rhywbeth fel 'na - mae'n gallu gelyniaethu darllenwyr. Cafodd 'Harry Potter a Maen yr Athronydd' ymateb negyddol am iddyn nhw newid enwau'r llysoedd (?). Rwy'n deall yr ysfa i gymreigio popeth ond yn achos yr dewin ifanc roedd pawb yn gyfarwydd a'i fyd yn barod ac yn debygol iawn o brofi'r rhan helaeth ohono trwy gyfrwng y Saesneg gwreiddiol.

[asuka]

pwynt da - rhwydd cael dy demptio i fod yn glyfar wrth gyfieithu yn lle ystyried dy ddarllenwyr, mae'n debyg.

mae achos harri potter yn f'atgoffa i o'r bobl (os gellir eu galw nhw'n "bobol" ) fydd yn rhyddhau anime japanaidd yn america ar ôl ei hail-olygu gyda miwsig ychwanegol ac ati. does neb am weld eu sgiliau golygu nhw a 'sdim ots 'da neb pa mor glyfar y gallan nhw fod!

[huwcyn1982]

Ma Dalen di cyhoeddi cynlluniau i ryddhau dau Tintin arall eleni: Yr Ynys Ddu ac Anialwch yr Aur Du

Mae'r llyfrau'n cael eu cyfiaethu o'r Ffrangeg o be dwi'n deall, yn hytrach nag o'r cyfrolau Saesneg.

Meddai'r cyhoeddwyr:

Gall Dalen gadarnhau y bydd dwy gyfrol newydd o anturiaethau Tintin yn ymddangos yn ystod 2009. Mae'r addaswr Dafydd Jones (llun, isod) eisoes wedi gorffen trosi Yr Ynys Ddu ac Anialwch yr Aur Du, ac mae gwaith yn mynd rhagddo ar hyn o bryd i'w paratoi ar gyfer cyhoeddi. Mae'n debygol y bydd stori Yr Ynys Ddu yn ymddangos erbyn yr Eisteddfod Genedlaethol, ac Anialwch yr Aur Du i ddilyn yn yr hydref.

[Rhodri Nwdls]

Tra'n croesawu trosi rhagor o lyfrau Tintin i'r Gymraeg, dwi'n bersonol wedi siomi bod Dalen wedi newid rhai o enwau'r prif gymeriadau. Dwi ddim yn gweld rheswm da dros wneud hyn heblaw am i roi stamp ei hun ar y llyfrau.

Dwi'n teimlo hefyd bod na rhyw deimlad mewn cyfweliadau yn y wasg bod y trosiadau newydd yn well na'r 5 wnaeth Gwasg y Dref Wen. Mae'r rhain yn drosiadau ardderchog ac wedi fy ysbrydoli i i ddarllen llyfrau Tintin mewn 3 iaith arall - mae'r fersiwn Gymraeg llawn cystal bob tro. A phan fo'r hen lyfrau dal mewn circulation, ac yn denu ffans (fy mrawd 8 oed yn gynwysiedig), roedd yn gamgymeriad eu newid nhw.

Mewn difri, pwy sy'n newid enwau cymeriadau hanner ffordd drwy gyfres?! Dwl.

Fydda i'n dal i brynu'r llyfrau newydd, ond fel gwir ffan y llyfrau mae wedi gadael blas braidd yn gas ar be ddyla fod wedi bod yn felys.

</sadbastard tintin ffanboi rant>

[Cacwn]

Cytuno hefo Rhdri i raddau. Di'r ddwy gyfrol newydd yma 'im cweit yn taro'r nod. Ond mae dipyn o hynny i wneud a nosdaljia ella - a finna' di'n magu ar Tintin ac Asterix!

Ond, mae enwi'r ddau dditecdif yn Williams-Parry a Parry-Williams yn wych. A Mwg Drwg y Ffaro 'dir enw gora ar lyfr erioed!

[Gowpi]

Ges inne fy magu yn darllen y fersiynau Cymraeg o Tintin ac Asterix ond heb eu darllen ers oes pys a bellach ddim yn gallu eu ffeindio - mewn rhyw gwtsh yn rhywle shwod. Wy inne wedi cwestiynu newid enwe ee Milyn yw'r ci nawr, gan ofyn pam i Alun Ceri Jones, ei ymateb oedd bod cymaint o amser wedi mynd heibio ers y rhai Cymraeg cyntaf roedd modd rhoi stamp eu hunain arnynt, ac hefyd meddwl bod yr enwe newydd hyn wel, yn well.
Ges i'r ddau lyfr fel anrheg Nadolig, ac wy wedi eu mwynhau'n fawr - joio'r acenion gwahanol, clyfrwch ieithyddol, dywediadau ayb Pwy arall nath gystadlu i geisio'r cyfle i ymweld a'r parc newydd Tintin ym Melg?

[Ray Diota]

Tra'n croesawu trosi rhagor o lyfrau Tintin i'r Gymraeg, dwi'n bersonol wedi siomi bod Dalen wedi newid rhai o enwau'r prif gymeriadau. Dwi ddim yn gweld rheswm da dros wneud hyn heblaw am i roi stamp ei hun ar y llyfrau.

Dwi'n teimlo hefyd bod na rhyw deimlad mewn cyfweliadau yn y wasg bod y trosiadau newydd yn well na'r 5 wnaeth Gwasg y Dref Wen. Mae'r rhain yn drosiadau ardderchog ac wedi fy ysbrydoli i i ddarllen llyfrau Tintin mewn 3 iaith arall - mae'r fersiwn Gymraeg llawn cystal bob tro. A phan fo'r hen lyfrau dal mewn circulation, ac yn denu ffans (fy mrawd 8 oed yn gynwysiedig), roedd yn gamgymeriad eu newid nhw.

Mewn difri, pwy sy'n newid enwau cymeriadau hanner ffordd drwy gyfres?! Dwl.

Fydda i'n dal i brynu'r llyfrau newydd, ond fel gwir ffan y llyfrau mae wedi gadael blas braidd yn gas ar be ddyla fod wedi bod yn felys.

</sadbastard tintin ffanboi rant>

Cytuno 'da ti o ran Dr Penchwiban (ie?) - odd yr enw 'na'n gret!! Be ffwc yw ' i enw fe nawr?? Efflwfia. Coc

ond cytuno 'da'r isod 'fyd, ma'r enwe ma yn welliant...

mae enwi'r ddau dditecdif yn Williams-Parry a Parry-Williams yn wych