Y chwerthin sydd mor drist!

[Hen Rech Flin]

Rwy'n chwilio am gerdd a glywais yn cael ei hadrodd mewn Eisteddfod tua 30 mlynedd yn ôl. Roedd yn gerdd am "Yr Afon" (Yr Afon Mawddach hwyrach).

Mae'n dechrau rhywbeth y debyg i:

Mae'r Afon yn y meddwl pan wyt yn ddeunaw / ddeugain / trigain oed
Y dŵr sydd ynddi heddiw yw'r dŵr bu ynddi 'roed

Y darn rwy'n chwilio amdani yw cymal sydd yn dweud bod dyn yn chwerthin wrth edrych yn ôl ar atgofion drwg ond yn crio am atgofion am y dyddiau da a fu!

Os gofiaf yn iawn - Y chwerthin sydd mor drist!

Byddwn yn ddiolchgar am gyfarwyddyd i gael gafael ar gopi o'r gerdd!

[Muralitharan]

Beth am yrru nodyn at Annedd y Cynganeddwyr hefyd?

[Hazel]

Beth am yrru nodyn at Annedd y Cynganeddwyr hefyd?

Pwy ydy Annedd y Cynganeddwyr? Dw i chwilio am gerdd hefyd. Rydfw i'n methu dod o hyd iddi o gwbwl. Diolch

[sian]

Dyma Annedd y Cynganeddwyr. Mae'n eitha tawel ar hyn o bryd ond yn gallu bod yn sbort!

[Garreg Lwyd]

Rwy'n gwybod o ble daw'r dyfyniad hwn; darn o gerdd gan yr anfarwol T. Glynne Davies ydyw. Afon Conwy yw'r afon, ac mae'r gerdd yn cychwyn â'r llinell ‘Mae afon yn y meddwl’. Enw'r gerdd yw ‘Pan ewch yn ganol oed’. Mae hi ar dudalen 153 o Cerddi T. Glynne Davies (Barddas). Cerdd wirioneddol ardderchog.