Sgubo'r Storws - Dic Jones - oes gan rhywun gopi?

[-Orion yr Heliwr-]

Dwi'm yn siŵr iawn lle ma' f'un i. Os oes gan rywun gopi, allech chi wneud ffafr ENFAWR i mi a theipio geiria'r ail a'r trydydd pennill o'r gerdd 'Tan Llywelyn' yn fama i mi? Mi fyswn i'n ddiolchgar iawn.

Hwyl.

[Hazel]

Tan Llywelyn

Mae isel dân Llywelyn
Yn para yng Ngwalia 'nghŷn,
Grymusodd rhag gormeswr
Ei olau'n dwym yng Nglyndŵr,
A'i farwor a adferwyd
Yn gannwyll losg Morgan Llwyd.

Penyberth yn goelcerthi,
A'i wres yng nghalonnau'r Tri,
A'i olau ar ruddiau rhwth
Wynebau gwŷr Carnabwth
Wrth gynnau porth y gynnen
Hyd ei sail yn Efail-wen.

Megis ar ros yn mygu,
Mae'n dwym dan y mannau du.
Er marw bron gwreichionen,
Awel Mawrth a'i try'n fflam wen
Fan arall a dyr allan --
Mae'n anodd diffodd ei dân.

---Dic Jones