Rhestr Hir Llyfr y Flwyddyn

[sian]

15 o tua 53 o lyfrau cymwys wedi'u hysgrifennu gan ferched ond dim ond un o'r 10 ar y rhestr fer. Rhyfedd?
Sylwadau difyr gan Dogfael.

[Creyr y Nos]

15 o tua 53 o lyfrau cymwys wedi'u hysgrifennu gan ferched ond dim ond un o'r 10 ar y rhestr fer. Rhyfedd?

Rhyfedd iawn, ddwedwn i. Siawns bod 'Plu' Caryl Lewis yn haeddu lle?

[dawncyfarwydd]

Mae'n rhestr od. Dwi, fel Dogfael, ddim yn gallu deall beth yn y byd roedd y beirniaid yn trio'i gyflawni - ond yn wahanol i Dogfael sgen i ddim diddordeb mewn faint o'r rhestr sy'n fenywod / gogleddwyr / beth bynnag. Dyma gwpwl o eiria am bob llyfr; dwi ddim di'u darllen nhw i gyd gyda llaw, mae bywyd yn rhy fyr.

Mared Lewis - Y Maison du Soleil (Gwasg Gwynedd)
Mae nghariad i'n mwynhau nofelau tebyg i hon, sy'n sôn am berthynas a thensiwn a chyfeillgarwch aballu. Wnaeth hi ddim mwynhau hon. Tocenistiaeth? Rwbath i'r bobol ifanc de?
Aled Jones Williams - Yn hon bu afon unwaith (Gwasg y Bwthyn)
Nofel ardderchog. Rhy unigolyddol (yn y ffordd orau) i ennill y wobr ella - bosib fod angen i lyfr y flwyddyn fod yn fwy ei sgôp na pherthynas un wraig ac un dyn, ond dydi hynny ddim yn tynnu oddi ar safon y llyfr.
Geraint V. Jones - Teulu Lòrd Bach (Gwasg Gomer)
Mae angen mwy o nofelau fel hyn, sy'n nofelau cymdeithasol chwarelyddol fel rhei erstalwm ond sy'n fwy personol. Mae hon yn epig trowlandhughesaidd ond wedi'i sgwennu ar ôl i'r gymdeithas ddirywio a cholli'i hundod. Gwd bwc.
J. Towyn Jones - Rhag ofn ysbrydion (Cymdeithas Lyfrau Ceredigion)
Ddim y cyntaf a ddim yr olaf o lyfrau gan hen ddynion sy'n credu mewn ysbrydion. Dwi ddim yn gwbod be sy'n arbennig am hwn.
Wiliam Owen Roberts - Petrograd (Cyhoeddiadau Barddas)
Beast o nofel. Llyfr y flwyddyn os oes 'na unrhyw gyfiawnder yn y byd.
Gwilym Prys Davies - Cynhaeaf Hanner Canrif – Gwleidyddiaeth Gymreig 1945-2005 (Gwasg Gomer)
Digon difyr am wn i.
Robyn Léwis - Bwystfilod Rheibus (Gwasg y Bwthyn)
Jyst...pam?
Hefin Wyn - Pentigily (Y Lolfa)
Dydi llyfrau teithio tafodieithol ddim yn apelio ata i'n bersonol. (Mae Dogfael yn cwyno am brinder llyfrau o'r de-orllewin..mae hwn yn cyfri fel pump o'r rheini siawns! )
Myrddin ap Dafydd - Bore Newydd (Gwasg Carreg Gwalch)
Sterling Myrddin ap Dafydd. Ond dwi'n teimlo colli awdl neu gasgliad eisteddfodol fel rhyw fath o focal point, ac hefyd dwi'n teimlo bod 'na ormod o gyffyrddiadau personol/lleol weithiau. Ond mae o'n fardd eithriadol o dda.
Harri Parri - Portreadau Harri Parri: Iaith y Brain ac Awen Brudd (Gwasg y Bwthyn)
Eto, digon difyr am wn i, ond dwn i ddim be sy'n arbennig am y llyfr.

Dwi'n meddwl bod dweud 'be ydi llyfr y flwyddyn?' yn ddigon o ganllaw. Yr hyn sydd angen ydi llyfr anghyffredin o dda, sydd efo rhyw fath o x-factor a gweledigaeth arbenning yn ei faes. Mae'r rhestr yn rhy llawn o lyfrau cyffredin eu safon, cyffredin eu gweledigaeth sydd ddim o lot o ddiddordeb i bobol sy ddim yn nabod eu hawduron.

Dyma'r llyfrau y byddwn i wedi'u dewis:

Wiliam Owen Roberts, Petrograd, Cyhoeddiadau Barddas
Aled Jones Williams, Yn Hon Bu Afon Unwaith, Gwasg y Bwthyn
Gwion Lewis, Hawl i’r Gymraeg, Y Lolfa
T. James Jones, Nawr, Cyhoeddiadau Barddas
Eurig Salisbury, Llyfr Glas Eurig, Cyhoeddiadau Barddas
Mererid Hopwood, O Ran, Gwasg Gomer
Myrddin ap Dafydd, Bore Newydd, Gwasg Carreg Gwalch
Geraint V. Jones, Teulu Lòrd Bach, Gwasg Gomer
Alan Llwyd, Prifysgol y Werin: Hanes Eisteddfod Genedlaethol Cymru 1900-1918, Cyhoeddiadau Barddas
Enid Jones, FfugLen, Gwasg Prifysgol Cymru

[Iwan Rhys]

Barn bersonol (ond pa fath arall o farn ma rhywun yn ei ddisgwyl?!):
Gormod o nofelau.

Dyle 'Llyfr Glas Eurig', Eurig Salisbury, a 'Nawr', T James Jones, fod yn y 10 ucha yn bendant.

Hoffen i fod wedi clywed trafodaeth y tri beirniad ar gerdd "Ar ymddeoliad is-ganghellor", Eurig Salisbury. Sgwn-i beth oedd ymateb y 'barwn bronze o Gefn-bryn-brain'!

[Hazel]

Mae gen i eisiau darllen "Teulu Lòrd Bach". Mae'n swnio fel fy math o lyfr. Serch hynny, efo 656 o dudalen, fyddwn i byth yn dod i ben ag o. Felly, nid fyddaf i'n ei ddarllen e. Fel ydych chi'n dweud, mae bywyd yn rhy fyr.

[Creyr y Nos]

Mae gen i eisiau darllen "Teulu Lòrd Bach". Mae'n swnio fel fy math o lyfr. Serch hynny, efo 656 o dudalen, fyddwn i byth yn dod i ben ag o. Felly, nid fyddaf i'n ei ddarllen e. Fel ydych chi'n dweud, mae bywyd yn rhy fyr.

Dwi'n tueddu i gytuno, mae hyd y llyfr ychydig o rwystr i mi ar hyn o bryd, er bod y plot yn swnio yn ddiddorol tu hwnt.

[sian]

Teulu Lord Bach, Petrograd a Pentigili ar y Rhestr Fer.
Oes rhywun yma (heblaw Dogfael) wedi darllen Pentigili? Beth sy'n ei wneud yn arbennig?

[dawncyfarwydd]

Aled Jones Williams woz robbed.

[Tracsiwt Gwyrdd]

cytuno. dwi di darllan petrograd a teulu lord bach (dylyfu gen) a does 'na ddim cymhraiaeth - dwi'm yn dallt be sy' ar benna'r beirniaid 'ma.

[Ray Diota]

Mae gen i eisiau darllen "Teulu Lòrd Bach". Mae'n swnio fel fy math o lyfr. Serch hynny, efo 656 o dudalen, fyddwn i byth yn dod i ben ag o. Felly, nid fyddaf i'n ei ddarllen e. Fel ydych chi'n dweud, mae bywyd yn rhy fyr.

amen