gan Prysor » Llun 14 Medi 2009 1:23 pm
Dwi di trio cadw allan o hyn oherwydd fod gen i golofn yn Sylw. Ond stwffio hynny, pam ddylswn i ddechra peidio rhoi fy marn oherwydd diddordeb personol? Sneb rioed wedi gallu prynu fy nhawelwch i, waeth pwy ydyn nhw.
Dwi ddim isio gweld Barn yn diflannu. Dwi isio fo newid chydig - cadw ei drymder (cymharol) gwleiddydol ond mynd yn fwy heriol a codi straeon go iawn (ac mae gormod o'r gwleidyddiaeth yn ymwneud efo'r iaith yn unig). Dwi isio fo hefyd fod yn llai 'elitaidd' (pob parch i theatr, ond mae gormod o theatr ynddo) a rhoi sylw i gelfyddyd a llenyddiaeth sydd ddim o reidrwydd yn ffitio mewn i gylchoedd cyfforddus y byd parchus, llosgachlyd, ddosbarth canol Cymraeg. (Does run o fy nofelau i wedi eu hadolygu ynddo, er engraifft, er eu poblogeiddrwydd diamheuol ymysg sawl haen a chefndir cymdeithasol - yn enwedig darllenwyr Cymraeg newydd o blith y dosbarth gweithiol). Arwahan i'r pethau hyn, mae'r cynnwys yn glodwiw a difyr tu hwnt.
Y Barn yr hoffwn i ei weld oedd Sylw i fod - a doeddwn ddim yn gwybod fod un yn ceisio cymeryd lle y llall, ond yn hytrach cystadlu efo'r llall oeddwn i'n gredu oedd y bwriad.
Cylchgrawn newydd heriol oedd yr hyn fwriadwyd, meddid wrthyf. Dwi'n gobeithio fod y rhifyn peilot wedi gorfod bod yn groes i hynny, ac yn amrywiol iawn ei gynnwys, er mwyn dangos i'r ariannwyr ddetholiad o'r hyn maent am ei gynnig os ceir penderfyniad o'i blaid. Hynny yw, os collir Barn, fydd y Sylw ddarllenis i yn bellach fyth o'r cylchgrawn yr hoffwn Barn i fod.