Dylan Thomas

[Hazel]

Dw i ddim yn gwybod lle dylwn i roi hyn. Felly...........

Ydy unrhywun yn gwybod ai y Dylan Thomas yn siarad Cymraeg?

[Gwyrosydd]

Nid oedd Dylan Thomas yn siarad Cymraeg, ond yn sicr roedd yn deall y Gymraeg gan iddo fyw am gyfnodau mewn ardaloedd oedd bron yn uniaith (Talsarn, Ceredigion er enghraifft) ac roedd nifer fawr o'i deulu agos yn siarad yr iaith.

Roedd gan Alan Llwyd erthygl ddifyr yn Barddas rhai blynyddoedd yn ol yn son am sut yr oedd yn defnyddio'r Gymraeg yn gelfydd iawn yn ei waith - er enghraifft, os y cofiaf yn iawn, roedd yn defnyddio y gair "time" tra'n siarad am y ser - ac roedd Alan Llwyd yn awgrymu ei fod yn gwybod digon am y Gymraeg i ddeall mai "time" oedd "am-ser" yn y Gymraeg.

[Hazel]

Diolch yn fawr.

[Doctor Sanchez]

Hen yncl Dylan Thomas oedd Gwilym Marles http://en.wikipedia.org/wiki/William_Th ... lym_Marles)

Dwi'n siwr ym mod i wedi darllan yn rwla fod i dad a'i fam o'n siarad Cymraeg hefyd. Ond mae'n debyg mae Saesneg oedd iaith yr aelwyd. Roedd dechrau'r ugeinfed ganrif yn amser drwg iawn i'r Gymraeg o ran teuluoedd Cymraeg eu hiaith yn y cymoedd a'r dalgylch yn penderfynu bod Saesneg yn well iaith i'w plant, ac felly yn peidio ei siarad ar yr aelwyd. Mae'r trend yma o snobyddiaeth yn erbyn y Gymraeg wedi dechrau newid yn ddiweddar diolch byth.