Os Dianc Rhai

[Conyn]

Edrych ymlaen at y lansh heno - mae cael gwin am ddim allan o ddyweddi Gwen yn beth prin!

Ei dad neu'i frawd sy'n talu, galli di fentro

[Gwen]

Gwin am ddim? Oes wir?

Ond Lemsip fydd yr unig botel fydda i'n hitio. Dwi di clywed am ffreshyr's fflw, ond on i'm yn disgwyl bod yn rhaid mynd trwy bob ffreshyr chwaith (gad hi, Llewelyn - di bod yna yn barod... [celwydd]). Be di hyn rwan - y trydydd annwyd mewn mis? Dim gwin i mi felly . Ond mi gewch chi'n siar i y ffernols.

Fydd na fwyd hefyd i mi gael osgoi mynd allan o'r ty i brynu rwbath? Ta ydw i'n disgwyl gormod rwan?

[Lloerig]

Peidiwch byth a barnu llyfr wrth ei glawr medda nhw yn Saesneg - tybed a fydda unrhywn un o gwbl yn prynu llyfrau Cymraeg tae hynny'n wir??? Ydy hwn yn edefyn ynddo'i hun o bosibl!?

[Gwen]

Dibynnu. Ai am glawr Os Dianc Rhai oeddat ti'n meddwl? Ella nad oes na ddigon o nofelau Cymraeg newydd i ni allu bod yn pici am y cloriau... Tybed?

[brenin alltud]

Ydy hwn yn edefyn ynddo'i hun o bosibl!?

Ydi. Mae'r sefyllfa'n druenus o 'styried cyn gymaint o ddylunwyr da sy' yng Nghymru...

[Lloerig]

Ella nad oes na ddigon o nofelau Cymraeg newydd i ni allu bod yn pici am y cloriau... Tybed?

Sdim rhaid cael lot i fod yn dda does bosib? Safon nid nifer does ayb - i gyfieithu idiom arall eto fyth ...

[brenin alltud]

O'n i gyda llyfrwerthwr yma Nghaernarfon a hithe'n cyfeirio at y gwahaniaeth rhwng y llyfre Cymraeg a'r rhai Saesneg; mae'n arswydus.

Mae gweisg Cymreig fel Seren a Parthian Books yn rhoi clorie matt, braf gyda dyluniad syml ond trawiadol ar'u rhai nhw - pam na all y gweisg Cymraeg neud r'un peth? Diffyg arian?

Siawns y gellid cael dyluniad neisach na'r un hen beth sy' ar y cloriau Cymraeg. Mae un neu ddau o rai neis 'di bod (Cadw Dy Ffydd, Brawd; O Tyn y Gorchudd; Gwrach y Gwyllt ('m bad); Cyfansoddiade ) pam na ellir gwneud hynny â'r rhan fwya'?

[Lloerig]

Mae'n siwr fod y cyfansoddiadau yn haeddu gwobr arbennig gan y babell celf a chrefft fel y gyfres o gloriau mwyaf ffiaiid erioed ... mae o'n egwyddor hollol sylfaenol gan y steddfod reit trwodd o'r 1940au boring i'r lliwiau llachar a'r strips lliwgar i'r streips boring - oni bai am un (Caerfyrddin 1974?) roddodd lun ar y clawr - ond rwan ma hwnnw'n sefyll allan fel rhwbath gwirion ... arddangosfa o gloriau'r steddfod - unwaith ca'i fy sgannar yn ol ella'i na'i drefnu un!!!

[Gwen]

Digon teg. Nid o ran egwyddor on i'n deud hynna. Jyst meddwl - fel darllenydd 'lly. Hynny ydi, nath y clawr y llyfr yma ddim dy rwystro di rhag ei brynu fo, naddo? Mi alla fod wedi gwneud tasa fo'n lyfr Saesneg (?) ond gan ei bod hi'n nofel Gymraeg, gan awdur roeddat ti'n gyfarwydd â'i waith o, ac am resymau eraill mwn, mi brynaist ti o. Fel finna. Dwi'm yn deud bod hyn yn iawn nac yn gwneud cyfiawnder â'r dalent sydd yn y maes. Jyst deud ella ei bod hi'n haws cael get awe hefo hi o ran llyfra Cymraeg?

Dwina hefyd yn licio cloriau mat - tan iddyn nhw gael eu crafu ( )

[Lloerig]

Yn union. Dwi'n meddwl fod yna destun difyr yn fana sef y gwahaniaeth rhwng y profiad o ddarllen yn Gymraeg a darllen Saesneg. Dwi'n darllen cyfran helaeth o'r ffuglen a'r farddoniaeth sy'n cael ei gyhoeddi yn Gymraeg ac lot o gofiannau a beirniadaeth.

Yn Sesneg dwi'n darllen thrillers crap, ambell gyfrol o LENYDDIAETH GO IAWN, ac ychydig o farddoniaeth beirdd dwi'n gwybod mod i'n lecio.

Fydda hi'n gret medru cael digon o thrillers cymraeg i nghadw fi i fynd o un pen blwyddyn i'r llall ond does dim a dyna fo.

Dwi'n siwr ei fod o'n creu darllenwyr gwahanol iawn os wyt ti'n medru darllen llenyddiaeth gyfan iaith arbenng mewn cyfnod arbennig.

Dychmyga tasa na job yn mynd yn darlithi oar Lenyddiaeth GYmrage yr Unfed Ganrif ar Hgain - allwn i ddweud mod i wedi darllen y cwbl o leia!