Y Limerigau - dewiswch eich ffefryn!

[nicdafis]

Dyma ni, 10 limrig (falle na fyddai Meurynod mwy profesiynol yn cytuno â'r diffiniad go lac hwnna, ond 'na fe) i chi dewis o'u plith. Wnes i drial cynnwys o leia un gan bob un o'n "beirdd" - oedd un neu ddau braidd yn ymosodol, ac un teulu mawr hapus ydyn ni yma, felly bant â nhw i goelcerth Guto Ffowc. Oedd mwy nag un neu ddau ddim yn ffito hyd yn un fy niffiniad llac fi o "limerig", felly i'r goelerth â nhwthau hefyd.

Dyma'r gorau o'r gweddillion.

Wel, i fod yn fanwl gywir, dyma'r gweddillion i gyd

(Unrhywun sy'n meddwl am greu cyfrifau newydd er mwyn codi ei bleidlais, cywilydd arnoch chi! Mae digon o le ar y goelcerth yna.)

Mae'r limerigau yn y drefn cyrhaeddon nhw.

Dywedodd fy mos "O'r gore!!"
wrth imi bori ar faes-e un bore,
"Cei fynd ar maes-e,"
"Ond cawn rhywyn yn dy le!"
A nawr dwi'n ddiwaith a heb ddime.

Wrth bori drwy Faes E un bore
Trodd munud neu ddau mewn i orie
Wedyn dyddiau maith
A misoedd! Dwi'n gaeth!
Methu adael er trio fy ngore

Un diwrnod wrth bori Maes-E
Daeth syniad o nunlle i 'mhrên:
Cawn syrffio i fwrdd
Ar y We, nid y môr,
A chreu Wladfa arlein - byddwn sêr!

Wrth bori ar faes-e un bore
Fel arfer, yn rhoddi o 'ngore
Fe gofiais yn syn
Fod rhaid i fi fyn'
Er ei bod hi yn erbyn y ffactore

Wrth edrych drwy faes-e un bore,
Daeth syniad i'm meddwl o rywle,
I ddanfon, fel tric,
Hen feirws i Nic,
Ac felly dim pori am ddyddie...

Wrth edrych drwy faes-e un bore,
Fe sylwais fod pedwar cant o aelode,
Wel am fywyd trist,
Sydd ganddynt. O Grist!
Gwnewch rywbeth fwy buddiol a'ch bwyde!!

Tra'n edrych drwy faes-e un bora,
Fe gwrddais a chariad o rwla,
Does gen i ddim cliw,
Os yw'n ddyn neu'n hen fenyw,
Mae'n galw ei hun yn DebWmffra?!

Wrth bori drwy faes-e un bore
Lle mae sgwrsio Cymraeg ar'i ore
Fe ofynnes am dips
Am sut i neud chips
Fe losgodd y ty^ lawr yn fflame!

Wnes i sylwi ar Faes-E un bore
Bod Nic isio'r limerigs gorau
I lenwi'r Rhithfro
Efo geiriau'n llithro
Mewn atsain o Feifod - 'gorwch dore!

Wrth bori ym maes-e un bora'
Cefais hergwd gan afr angora.
Hedfanais yn glir
Fel saeth dros y tir-
Rwyf bellach yn byw yn Andorra!

[nicdafis]

Bydd y pôl ar agor am 7 dydd, felly mae gyda chi tan 11.00 nos Wener nesa i drial darbwyllo pawb bod bob un o'r uchod yn rwts llwyr ond yr un sgwennoch chi.

[carwyn]

Dyma ni, 10 limrig (falle na fyddai Meurynod mwy profesiynol yn cytuno â'r diffiniad go lac hwnna, ond 'na fe)

ma nhw'n syndod o farddonol rili. v d gweld llawer gwaeth.

[Macsen]

Lladd dafad dall yw'r gorau, am i fod yn ddoniol.

[nicdafis]

Mae gyda fe/hi'r ffugenw gorau, ta beth. Sdim lot o balindromau yn y Gymraeg.

[Aran]

Lladd dafad dall yw'r gorau, am i fod yn ddoniol.

hmmm... mae 'mi fydda i'n fy ôl' yn ddoniol hefyd, ac yn well o ran odl a mesur, dw i'n meddwl.

deud y gwir, mae'r rhan helaethaf ohonyn nhw yn ddoniol i ryw raddau, 'tydan?

[brenin alltud]

Os mae'r rhai sy'n anghywir wedi'u diystyru, pam ddiawl ma' limrig Michael e-Jones yna? Os ma hwnna'n odli, ma dewi prysor yn sais o Surrey...

[Blewgast]

Limerig "mi fydda i'n fy ôl" yw'r gorau - penigamp!!!!
Mae'n llifo'n rhwydd - ac mae'n swnio'n hyfryd a naturiol i'r glust!

[nicdafis]

Os mae'r rhai sy'n anghywir wedi'u diystyru, pam ddiawl ma' limrig Michael e-Jones yna? Os ma hwnna'n odli, ma dewi prysor yn sais o Surrey...

Dylet ti fod wedi gweld y rhai wnes i adael mas o'r rhestr fer

[Gwahanglwyf Dros Grist]

Shit! Anghofiais i bopeth am sgwennu un. Ooooo CACH! Wel, un Yr Hogyn Pren yw'n hoff un i ta beth. Pleidleisiwch drosti, bobl!