Cymdeithas Lenyddol Aberystwyth. 8:00 Mer, Hyd 29 (heno!)

[Meinir]

(Gydag ymddiheuriadau am bostio'r neges ddwywaith)

Heno bydd Cymdeithas Ffilimor yn cynnal y cyfarfod cyntaf, a bydd yr awdur Meleri Wyn James yn trafod ei gwaith.

Sefydlwyd y gymdeithas er mwyn llenwi'r gwagle wedi i Gymdeithas Taliesin yn y coleg ddod i ben yn ddisymwth iawn y llynedd (gw. Lol am ragor o wybodaeth am ddiflaniad Taliesin!)

Mae'r trafodaethau misol yn rhan o ddigwyddiadau Gwyl y Ddwy Afon gydol y flwyddyn. Dewch yn llu!

Tafarn y Cwps Aberystwyth 8:00 y.h 29/10/03

[Hywel Griffiths]

Mond gair bach i ddweud nad yw Cymdeithas Taliesin wedi diflannu'n llwyr! Rydym yn gobeithio cynnal noson neu ddau cyn diwedd y tymor, os eith popeth yn iawn. Fe fydd hi'n brafiach gael dwy gymdeithas na dim un o gwbl! Pob hwyl gyda'r noson, rwy'n siw y bydd hi'n llwyddiannus.

[Osian Rhys]

dwi wedi clywed si fod cymdeithas taliesin ar ei ffordd nol!!

ac ynglyn a lol meinir, doedd y stori am gymdeithas taliesin ddim yn wir, dwn i ddim os oeddet ti'n gwbod neu beidio...

[Tracsiwt Gwyrdd]

Sefydlwyd y gymdeithas er mwyn llenwi'r gwagle wedi i Gymdeithas Taliesin yn y coleg ddod i ben yn ddisymwth iawn y llynedd (gw. Lol am ragor o wybodaeth am ddiflaniad Taliesin!)

Mi ddaeth Taliesin "i ben" yn ystod 2001-2002 a bod yn fanwl gywir, pan oedd y llen-leidr Debbie yn gyfridol amdano fo. Mi driodd llond dwrn ei ailsefydlu fo y llynadd, ond methwyd - yn bennaf oherwydd salwch. Wn i ddim byd am y sdripar, ond dwi'n ama' 'n gryf fod unrhyw wirionedd yn hynny.

Pob lwc i Taliesin newydd ... go brin fydd yna wagle wedyn de?!

[Meinir]

Yn falch clywed fod Taliesin am ailddechrau. Mi o'n i'n aelod am ddwy flynedd, ond daeth i ben pan oeddwn i'n y drydedd. Byddaf yn mynychu'r cyfarfodydd eto, siwr o fod.

Dwi'n dueddol o gredu popeth dwi'n ei ddarllen (boed hynny ar Faes-e neu yn Lol) - ddim cweit wedi llyncu holl beth eironi a choegni 'ma. Serch hynny, dwi 'di clywed un neu ddau yn ategu'r stori am y ddadwisgwraig...

Oedd 'na'm llawer yn y cyfarfod neithiwr (8 person), ond mi oedd yn ddifyr iawn (a disgownt ar lyfrau!). Dwi ar ddalld mai Rocet fydd yn siarad yn y nesaf, ond wnim pryd. Rhoddaf hysbys i'r peth yn nes at yr amser, siwr o fod (h.y ar yr amseroedd prin dwi ar y maes y dyddiau hyn - dim ond pan dwi'n argraffu gwaith a methu gwneud dim byd arall. Hen beth diflas ydi disgyblaeth lem y gweithle!)

[Nanw]

Dadwisgwyr? Glywes i rwbeth am ddadwisgwyr? Glywes i eich bod chi wedi cal eitha show nithwr yn y Cwps! Cyfrwys iawn gyda`r enw llenyddol.

Ta beth, o ran yr hen Taliesin, wy`n gwbod am ffaith beis y bydd hi`n dod yn ol yn gryfach nag erioed. Bu`r diffyg cyd-lyniaeth yn y gorffennol yn niweidiol iawn am nad oedd neb a gymerodd yr awennau wedi cael fawr ddim arweiniad na chymorth.

Cyfrinach cymdeithas dda yw un lle y mae cyn-aelodau a chyn-lywyddion sy`n deall eu pethau - yn ymroi o`u gwybodaeth - yn annog yr arweinwyr newydd ac yn arwain y ffordd. Ni ddigwyddodd hyn gyda Taliesin a dyma lle gorwedd y nam.

Efallai y dylid trefnu talwrn rhwng y gymdeithas 'newydd', (er mod i`n amau pa mor newydd ydyw hi), a`r hen ffefrynnau? Am ychydig o hwyl wrth gwrs(!) Serch hynny, mae`n rhaid i chi sylweddoli fod tim Talwrn Taliesin eleni yn barod wedi maeddu tim Llanbed yn y rownd gyntaf ac mae eu ysgrifbinau yn parhau i fod ar dan gyfeillion. Gwd.