cydweithio

gan **Hedd Gwynfor** » Llun 23 Meh 2003 11:13 pm

cytuno 100%.

Beth am ddechre edefyn newydd ar y pwynt yma achos mae ishe taclo'r broblem o warth y colegau addysg uwch!

gan **Rhys Llwyd** » Llun 23 Meh 2003 11:15 pm

dwi wedi bod yn meddwl yn ddiweddar am siarad gyda pobl yn y Gymdeithas yn Aberystwyth ac UMCA ynglyn a chydweithio i feddwl be' i'w neud ynglyn a sefyllfa'r Gymraeg yn y coleg.

Bydd hyn YN diwgydd flwyddyn nesa. garantid. Llywydd UMCA fydd Cats Daf (aelod o sendd y Gymdeithas) a bydda i yn dechra yn y flwyddyn gynta a dwin bwriadu gneud lot o ffys. Yn ogystal ma aelodau o Cymuned fel Osian Rhys ar flaen y gad hefyd gan mae fe fydd swyddog y Gymraeg UMCA bl nesa.

Bydd chwyldro yn aber!

gan **Meinir** » Llun 23 Meh 2003 11:19 pm

Fi sy'n golygu Gwreiddiau, cylchgrawn/ papur sy'n gefnogol i Cymuned (nid cyhoeddiad y mudiad yn union, gan fod trafodaethau am bethau eraill am fod ynddo... ac mae 'na gyfri' banc gwahanol!). Bydda'i'n croesawu unrhyw lythyrau/ erthyglau gan aelodau ffyddlon CYI/ pobl sy' ddim yn perthyn i fudiadau ond sy' efo barn gref (y naill ffordd neu'r llall) am y Gymraeg ayyb. Mi fydd yn gwneud bywyd yn ddifyr... Felly, sgwennwch a gyrrwch nhw ata'i.

gan **Rhys Llwyd** » Llun 23 Meh 2003 11:23 pm

Dwi newydd orffen ysgol a heb astudio dim byd o Hanes Cymru. tisho fi sgwennu erthygl ar y ffor mar cwricilwm yn dileu cof cenedl?

Dwi wedi isho gneud erthygl ar hyn ers meityn ond dim ond erthygla cerdd ma Seimon yn gadal i mi neud i Barn :crio:

gan **Meinir** » Llun 23 Meh 2003 11:31 pm

Fel 'na mae o de - theatr dwi'n ei gael ganddo fo :rolio:

! Dyna dwi i fod yn ei neud rwan, yn lle dadlau yn y fan hyn!

Bydden i wrth fy modd yn derbyn yr erthygl. Anfona hi i fi drwy gyfrwng ebost (meinir_eluned_jones@hotmail.com). Mi gyhoedda' i hi yn rhifyn y Sdeddfod (ond ei hangen hi sbel cyn hynny plis).

Gweld bod enw'r edefyn wedi newid eto... anodd dilyn lle ydw i rhaid cyfaddef

. Fyddai'r llygad anghyfarwydd ddim yn deall beth ydi cynnwys yr edefyn: be am ei galw'n Cymuned a Chymdeithas (neu Cymdeithas a Chymuned wrth gwrs!). Mae o'n swnio'n well ac yn fwy awenyddol na 'cydweithio' plaen beth bynnag!

gan **Rhys Llwyd** » Llun 23 Meh 2003 11:35 pm

cwl cwl, fe weithiau ar yr erthygl dros y dyddiau nesaf ai danfon i ti o fewn wythnos yn iawn?

faint o eiriau?

gan **Meinir** » Llun 23 Meh 2003 11:44 pm

Reit hyblyg a deud y gwir (mewn geiriau eraill - ma hi'n hwyr a dwi methu meddwl!). Byddai'n braf cael rhywbeth eitha' swmpus er mwyn rhoi cyfle i'r drafodaeth gydio (h.y o leia mil o eiriau).

Pryd fydd y trafodaethau ynglyn a sefyllfa'r Gymraeg yn y coleg yn dechrau? Hoffwn i fod yn bresennol. Ddim yn siwr a fydda'i'n fyfyrwraig llawn amser flwyddyn nesa' eto, mae gen i ffansi chwilio am swydd. Ond, mi ydw i dal yn gofrestedig i wneud MPhil yn Adran y Gymraeg tan Ionawr 2006. Rhowch wybod i fi, ac mi allwn ni symud mlaen i gydweithio rhyw chydig. A threfnu rhywbeth ar gyfer y Sdeddfod?? Os nad oes dim wedi ei drefnu eto - rhaid gwneud rwan. Y peth gwaethaf allwn ni ei wneud ydi dechrau ar ein brwydr o fis Medi mlaen yn wan ac yn ddigyfeiriad.

gan **Rhys Llwyd** » Maw 24 Meh 2003 12:11 am

Peth gore fydde i ti gysylltu efo Catrin a Meilyr yn UMCA. Dwi ddim yn fyfyriwr yn Aber tan mis medi ond ma Mei a Cats yn ei swyddi dros yr haf.

gan **Osian Rhys** » Maw 24 Meh 2003 12:44 am

Rhys Llwyd a ddywedodd:
dwi wedi bod yn meddwl yn ddiweddar am siarad gyda pobl yn y Gymdeithas yn Aberystwyth ac UMCA ynglyn a chydweithio i feddwl be' i'w neud ynglyn a sefyllfa'r Gymraeg yn y coleg.

Bydd hyn YN diwgydd flwyddyn nesa. garantid. Llywydd UMCA fydd Cats Daf (aelod o sendd y Gymdeithas) a bydda i yn dechra yn y flwyddyn gynta a dwin bwriadu gneud lot o ffys. Yn ogystal ma aelodau o Cymuned fel Osian Rhys ar flaen y gad hefyd gan mae fe fydd swyddog y Gymraeg UMCA bl nesa.

Bydd chwyldro yn aber!

hei!
edefyn diddorol iawn! (wedi blino gormod i sgwennu rhywbeth call; gyda llaw os nes i weld unrhywun a mwydro nhw yn pesda roc, gai ymddiheuro yn swyddogol). dwi'n cytuno gyda lot o bethe sydd newydd gael eu dweud gan meinir, hedd a rhys. jyst for the record, dwi'n aelod o CYI hefyd, a dwi'n cytuno'n llwyr efo pwrpas gwreiddiol y thread yma, gweld mwy o drafodaeth (os nad cydweithio) rhwng CYI a cymuned. hyd yn oed heb hynny, allai ddim ond gweld fod e'n beth da bod y ddau fudiad yn bodoli beth bynnag.

falle bod hi'n anodd cal cydweithio clos rhwng y ddau fudiad ar y top (falle bydde hynny ddim yn beth da beth bynnag), ond ynbydde'n beth da sefydlu rhyw fath o fforwm neu rwbeth gyda grwpiau eraill yn rhan ohono, grwpiau'r iaith gymraeg, fel RHAG a CYD, UCAC, a falle hydnoed Menter Iaith, jyst fod cadeiryddion/penaethiaid/bebynnag y grwpie yn cwrdd yn eitha cyson i drafod syniade a safbwyntie a.y.b. ?

bydd rhys, fi'n edrych ymlaen at flwyddyn nesa; fi'n teimlo bo fi di gwastraffu 2 flynedd yn aber ddim yn neud dim byd lot am broblem "gwarth aber" (anoddach i fi sylwi ar y peth gan mai cymraeg dwi'n studio. oce, esgus gwael.), ond blwyddyn nesa, ma ishe rhoi hel iddyn nhw! ma pawb o'n plaid ni heblaw awdurdodau'r brifysgol -- un targed, hwre!

a dwi yn cytuno efo meinir. mi fydde'n dda cael rhywbeth mwy (mudiad, fel yn 'movement') yn protestio yn erbyn 'gwarth aber', UMCA wrth reswm, ond CYI a Cymuned hefyd a pobl fel RHAG ac UCAC, ar lefelau gwahanol neu be bynnag. dim pawb yn sefyll tu allan yr hen goleg efo placards (er bod angen hynny!), ond bod deialog ganddon ni (wps, un o'r geiriau sydd "mewn" ar hyn o bryd?).

dwi'n cytuno'n llwyr am y peth hanes cymru (pam oes rhaid i fi gytuno efo pawb o hyd?) -- dwi di bod yn meddwl lot am y peth. dyn ni gyd yn gwbod mor bwerus ma addysg yn gallu bod, a mi ddyle pob plentyn gael dysgu am hanes ei wlad. mae diffyg hanes cymru yn disgres, mae angen sgwennu at jen defisyn am hynny i newid y cwricwlwm neu be bynnag yw e; mae'r rhan fwya o'n ffrindie i'n gwbod pwy odd gwragedd harri viii a sut fuodd pob un farw, ond sneb yn gwbod am y deddfau uno gyflwynodd e (y bradwr). does neb yn gwbod am hywel dda, gruffydd jones llanddowror a tomos charles, o.m.edwards etc. - stiwdents neuadd pantycelyn! pwy obaith sydd i weddill plant cymru?

beth bynnag, dwi ar y ffordd i'r gwely ers tua awr. sori am sgwennu cymaint; anodd bod yn gryno..

gan **Osian Rhys** » Maw 24 Meh 2003 1:07 am

Meinir a ddywedodd: Pryd fydd y trafodaethau ynglyn a sefyllfa'r Gymraeg yn y coleg yn dechrau?

helo meinir,

gen i ryw gof bo ti'n un o 'victims' fy meddwdod yn pesda. sori. :wps:

gawson ni sgwrs am maes e?!

ma cysylltu efo catrin dafydd yn syniad da, fel dedodd rhys. galwa fewn i swyddfa umca, siwr bydde hi'n falch o weld rhywun (mae hi'n dawel yna heb y myfyrwyr), yn enwedig rhywun efo syniade. newydd ddechre yn y swyddfa ma hi, ond mae wedi bod yn meddwl tipyn yn barod..

hyd y gwn i, does dim wedi'i drefnu at y steddfod hyd yn hyn; bydd rhaid gneud rhywbeth (ond be?).

mi fyswn i'n hoffi "bod yn bresennol" hefyd, ond dwi ddim yn siwr fod na "drafodaethau"n mynd i fod, yn swyddogol. mi fydda i'n mynd fyny i aber am gwpwl o ddyddie wicend nesa; dwi'n bwriadu mynd i weld catrin amser hynny. mynd i weld y prifathro hefyd -- cyfarfod ynghylch y cynllun iaith :rolio:

.

falle soniai wrth catrin ac emailio ti os ti ishe. mae hi siwr o fod rhy brysur i ddod i maes e y dyddie yma... (rhy brysur i maes e? nefyr in ewrop!)

cydweithio

Pwy sydd ar-lein