Golygfeydd Gorau Cymru

[Gwyn]

Gyda gwlad mor hardd i grwydro o'i chwmpas, o'n i'n meddwl bydde'n werth ffindo mas beth yw hoff olygfeydd gweddill y maeswyr. Er bo fi heb feddwl yn ddwys am y peth, i fi, ma na ambell i fan sy'n dod i'r meddwl yn syth.

Yn gynta, y ffordd o Llanidloes i Machynlleth (ffordd fynyddig iawn)... wrth i chi ddod i ben y mynydd, jyst cyn dachre'r daith lawr tuag at Mach, ma da chi olygfa anhygoel o Cadair Idris, Eryri a dyffryn yr afon Dyfi. Gwerth ei gweld.

Yn ail, yr olygfa o nghartre gwreiddiol i yn Ffair Rhos, gyda Cors Caron a tua 20 milltir o dirlun gwastad o'ch blaen a mynyddoedd hardd ar y ddwy ochr.

Yn drydydd, bach yn od falle, ond dal itha impressive, yw'r olygfa wrth gyrraedd Aberystwyth o'r gogledd, wrth gychwyn lawr rhiw penglais. Oes rhywun yn gallu meddwl am well 'cyflwyniad' i dref/dinas/pentre yng Nghymru?!

Rhywun yn cytuno da fi ar unrhyw rai o'r uchod, neu oes da chi awgrymiade gwell?

[sian]

Yn drydydd, bach yn od falle, ond dal itha impressive, yw'r olygfa wrth gyrraedd Aberystwyth o'r gogledd, wrth gychwyn lawr rhiw penglais. Oes rhywun yn gallu meddwl am well 'cyflwyniad' i dref/dinas/pentre yng Nghymru?!

Dim yn od o gwbwl - dyna un o'n hoff olygfeydd i - pan fydda i'n gyfoethog dw i'n mynd i gael rhywun i'w pheintio hi i fi.

[jammyjames60]

Un o'm hoff golygfeydd i yw'r panormaic view o ardal Eifionydd ar ben y Cnicht ac aber Malddach ar y cynefin:

http://static.flickr.com/100/282560192_66492e3ce1.jpg

Mae Cnicht yn anhygoel hefyd, mae pawb yn ei alw'n 'Zermatt Cymru'

[S.W.]

Yr olygfa o Tal y Llyn (dwin meddwl dyna ydy o) wrth yrru lawr o Ddolgellau am gyfeiriad Mach heibio Cadair Idris.

Cytuno a ti Gwyn am yr olygfa wrth ddod fewn I Aber o'r Gogledd, croeso gwych i'r dre.

Dwin hoffi'r olygfa wrth edrych ar Fryniau Clwyd o Ddyffryn Clwyd ar ddiwrnod praf a vice-versa. Pan heb fod adre yn Nyffryn Clwyd ers ychydig oedd dreifio i fewn i'r Dyffryn o gyfeiriad Sir y Fflint a Lloegr, trio i fyny am Moel Famau a gweld y Dyffryn, o Rhuthun i Ddinbych a mor bell a'r mor yn Rhyl wastad yn deimlad gwych.

Hoff iawn o Fwlch yr Oernant hefyd rhwng Rhuthun a Llangollen.

[Ger Rhys]

Yr olygfa o Tal y Llyn (dwin meddwl dyna ydy o) wrth yrru lawr o Ddolgellau am gyfeiriad Mach heibio Cadair Idris.

Ai, diawch o olygfa godidog a Phulpud y Cythrel uwchben y ffordd.

Mae na olygfa bendigedig hefyd o gopa'r Moel Offrwm uwchben Llanfachreth yn sbio lawr y Fawddach ac i fyny am y Wyddfa a Chader Idris yn llenwi'r llun wrth edrych tua'r De.

Lle arall sydd efo golygfeydd bendigedig ydy Islawrdre, llynoedd y Cregennan a Phared y Cefn Hir ar droed Tyrrau Mawr.

[Positif80]

Rhyl trwy rear view mirror.

[Chwadan]

Yr olygfa o Tal y Llyn (dwin meddwl dyna ydy o) wrth yrru lawr o Ddolgellau am gyfeiriad Mach heibio Cadair Idris.

Ai, diawch o olygfa godidog a Phulpud y Cythrel uwchben y ffordd.

Mae na olygfa bendigedig hefyd o gopa'r Moel Offrwm uwchben Llanfachreth yn sbio lawr y Fawddach ac i fyny am y Wyddfa a Chader Idris yn llenwi'r llun wrth edrych tua'r De.

Lle arall sydd efo golygfeydd bendigedig ydy Islawrdre, llynoedd y Cregennan a Phared y Cefn Hir ar droed Tyrrau Mawr.

Ategaf. S'na nunlle gwell na chopa'r Pared. Wir yr rwan.

[Fflamingo gwyrdd]

Yn gynta, y ffordd o Llanidloes i Machynlleth (ffordd fynyddig iawn)... wrth i chi ddod i ben y mynydd, jyst cyn dachre'r daith lawr tuag at Mach, ma da chi olygfa anhygoel o Cadair Idris, Eryri a dyffryn yr afon Dyfi. Gwerth ei gweld.

Ydi, bendigedig. Ac mae pwynt "hanner ffordd" rhwng fama ac adra rhywle ar ei hyd hefyd

[Dwi'n gaeth i gaws]

fy hoff olygfa i heb os ydy'r olygfa o tu allan i'r angylsi'n gaernarfon draw om ynys mon

[garynysmon]

Mae'r olygfa o Eryri o Dde Ynys Mon, ond yn enwedig Malltraeth/Niwbwrch yn neis.

Os gewch chi byth gyfle, dringwch i dop uchaf Felin Llynnon, Llanddeusant. Mae'r golygfeydd yn odidog ar ddiwrnod braf.