Rheilffordd de-gogledd

[Griff-Waunfach]

Mae bron bob "ateb" de/gogledd gan y Cynulliad, boed rheilffordd neu awyr, yn cysylltu "un lle" yn y gogledd ag "un lle" yn y de - Caergybi a Chaerdydd - fel arfer. Dydy nhw ddim yn cysylltu Porthmadog a Chaerfyrddin; Llanrwst a'r Maerdy, Wrecsam ac Aberteifi, Trawsfynydd a Hwylffodd, Nefyn ac Abergyfeni ac ati.

Yr unig wir ateb i gysylltiadau de a gogledd yw draffordd yn lle'r A470 - a thwll din i'r mewnfudwyr, honedig "gwyrdd", sy'n gwrthwynebu!

Nid yw'r A470 unman yn agos i Aberteifi!

[Nanog]

Wythnos diwetha', mi gyrhaeddodd Olew $ 135 y barel. Tro cynta erioed. Dwbli mewn blwyddyn. Mae son fod rhai yn manipiwleiddio'r pris a'i fod wedi codi'n rhy bell. Efalle fod hynny'n wir. Ond, tebyg iawn fod amser olew fel ynni rhad wedi dod i ben. Wrth gwrs, mae'r rhan fwyaf 'ma yn gwybod fod Tseina yn dihuno'n economaidd o'i trwmgwsg heb son am India, Indonesia, Vietnam..........Mae hyn yn mynd i rhoi lot fwy o bwyse ar gyflenwad olew yn y dyfodol. Dwi wedi gweld mwy nag un yn son am $ 200 yn 2009! Ta beth, mi fydd yn pris yn cyrraedd y lefel fydd yn ein gorfodi ni i newid ein ffordd o fyw. Yn yr UDA mae'n rhaid cael y ceir mawr sy'n llyncu tanwydd a byw mewn maestrefi a trafaeli mewn i'r dinasoedd i weithio a siopa. Mae'r un peth yn digwydd yn y rhan yma o'r byd. Mae'n ffenomenom digon cyffredin i weld teulu yn yr ardal 'ma yn trafalei 10, 20, 30 milltir i'r Tesco neu Morrisson's agosa heb feddwl dwywaith am gost y tanwydd. Ond mae hyn yn sicr ar fin newid. Rwy'n credu bydd goblygiadau pell gyrhaeddol i'r ardaloedd gwledig. Meddai rhywun wrthyf ar fforwm arall, efalle y daw amser pan yr unig bobl fydd yn byw yn yr ardaloedd gwledig fydd y rhai fydd a rheswm dros fod yno.....ffermwyr ac ati. Mae na lot o lefydd yng nghefn gwlad na fyddai wedi ymddangos heb law am ddyfodiad y trenau.......maen't wedi goroesi cyfnod y trenau oherwydd ymddangosiad y car. Mae Crymych yn esiampl o'r fath yma o le lle tyfodd pentref o gwmpas gorsaf drenau.

Reit, beth wy'n ceisio dod ato yw hyn. Mae angen i'r llywodraeth hy y cynulliad i ffuddsoddi llawer o arian mewn trafnidiaeth gyhoeddus er mwyn cadw'r ardaloedd gwledig yn fwy. Dwi'n gwybod eu bod wedi dechrau drwy agor y linell o Lyn Ebwy i Gaerdydd.....ond mae angen gwneud rhagor. Dwi'n cofio IWJ yn ymddangos ar Taro'r Post dwi'n meddwl a rhywun yn gofyn iddo a oedd ganddo gynlluniau i agor rheilfffordd o Abertawe i Aberystwyth. Nag oedd medde fe. Wel Ieuan, gwna. rhywbeth cyn i'r argyfwng tanwydd i ddigwydd. Dechreuad byddai agor llinell o Gaerfyrddin i Aberystwyth.......neu'n well beth, agor llinell hefyd o Abergwaun lan drwy Aberteifi ac i fyny i Aberystwyth yn ogystal. Gewch chi ogleddbersonnau benderfynnu le maen'n mynd wedyn.

[Mici]

Awyren o Caergybi i Caerdydd - £150?
Tren o Bangor i Caerdydd - £70(tair mlynedd yn ol via Caer a Amwythig)
Traws Cambria - £15 am 9 awr o siwrna di pacio fel ieir batri o Porthmadog i Caerdydd, yn stopio ymhob cornel o'r wlad.

Fawr o ddewis nadi. Pris olew yn codi ond traciau rheilffordd dal mor hen a chostus na rioed o'r blaen.

Damia chdi Dr Beeching!!!

[Hen Rech Flin]

Nid yw'r A470 unman yn agos i Aberteifi!

Hwyrach. Ond mae'r A470 yn agosach i Aberteifi nac ydy maesydd awyr Caerdydd a'r Fali a gorsafoedd rheilffordd Caergybi a Chaerdydd -sef hoff atebion y Cynulliad i gysylltiadau de/gogledd.

A gan mae son am drafeilio o Wrecsam i Aberteifi oeddwn, bydda traffordd trwy'r Canolbarth yn gwneud uffar' o wahaniaeth i'r daith honno!

[Tegwared ap Seion]

Awyren o Caergybi i Caerdydd - £150?

Uchafswm o £50, £15 os ti'n bwcio o flaen llaw ag yn hedfan ar y dwrnod "iawn". Gwasanaeth ffantastic, jysd gresyn nad ydio'n mynd ar bŵer rhech!

[Macsen]

Wnes i adeiladu tren o Gaerdydd i Landudno yn scenario Cymru ar Transport Tycoon Deluxe ar y PC, ac oedd o'n broffidiol iawn, felly mae hyn yn siwr o weithio.

[Dwlwen]

Awyren o Caergybi i Caerdydd - £150?

Uchafswm o £50, £15 os ti'n bwcio o flaen llaw ag yn hedfan ar y dwrnod "iawn". Gwasanaeth ffantastic, jysd gresyn nad ydio'n mynd ar bŵer rhech!

Hefyd, hyd a bod yr awyren yn weddol llawn, ma'r effaith ar yr amgylchedd yn llai na fydde fe pe bai'r pobl hynny'n gyrru'r holl ffordd.

Yr unig wir ateb i gysylltiadau de a gogledd yw draffordd yn lle'r A470 - a thwll din i'r mewnfudwyr, honedig "gwyrdd", sy'n gwrthwynebu!

Gyda'r holl hw-ha am brisau petrol ac addewidion y llywodraeth i ymdrin â newid hinsawdd, dwi'n meddwl bydde buddsoddi mewn traffordd yn ddauwynebog a ffol. Wy'n cytuno 'da Nanog - gwella trafnidiaeth gyhoeddus sy ishe.

[Nanog]

Wy'n cytuno 'da Nanog - gwella trafnidiaeth gyhoeddus sy ishe.

Ti wedi deall hi....ond nid ishe......ond rhaid.

Mae tua 85 milliwn barel o olew yn cael ei ddefnyddio bob dydd. Yn flynyddol, mae hyn yn cynyddu o achos twf poblogaeth y byd a gwledydd fel Tseina yn mynd drwy chwyldroad. Nid oes fawr ddim mwy o olew yn cael ei ddarganfod. Bydd hyn yn golygu prisiau uchel am y dyfodol.....digon uchel i wneud ni fel pobl i newid ein ffordd of fyw. Mae rhai Americanwyr yn dechrau deall y sefyllfa.....





Bydd y ceffylau a'r ceirt yn ddiolchgar iawn i'r Rhech a'i A 470 llydan. Gobeithio fod ein gwleidyddion yn y bae yn meddwl am beth i wneud cyn i'r problemau ymddangos. Dwi'n gwybod fod hyn yn mynd yn erbyn ei natur nhw.....ond am unwaith...........

[S.W.]

Yr unig wir ateb i gysylltiadau de a gogledd yw draffordd yn lle'r A470 - a thwll din i'r mewnfudwyr, honedig "gwyrdd", sy'n gwrthwynebu!

Dwi'm yn fewnfudwr ond swn i'n casau gweld traffordd yn crafu craith enfawr drwy ganol canolbarth Cymru. Sori wrach bod yr A470 yn bwysig i'r ychydig bobl sy'n byw yn agos ati, ond bydde trwch poblogaeth Gogledd Cymru byth yn breuddwydio dreifio lawr yr A470 i gyrraedd Caerdydd, nid oherwydd ei fod yn ffordd wael ond gan ei fod ddim yn hwylus. I ni yn y Googledd Ddwyrain y fordd hawsaf ydy i fynd i Wrecsam a lawr y ffin drwy Llwydlo ayyb.

Mae angen gwella'r A470 heb amheuaeth ond mae'n lot fwy pwysig sicrhau bod hi'n ymarferol hawdd neidio ar y tren o unrhyw ran o Ogledd Cymru i deithio i lawr i'r Gaerdydd/Casnewydd/Abertawe (a fel arall). Bydd hi byth yn hawdd teithio o Wrecsam yn uniongyrchol i Aberteifi ond pam dylse hi fod? Diom yn hawdd iawn fynd o Washington DC i Los Angeles chwaith os ti'm yn hedfan!

Fel cenedlaetholwr dwi'n grediniol ei bod hi'n holl bwysig bod pawb yng Nghymru yn 'agos' at ein gwleidyddion yng Nghymru ac yn gweld mae dyma sedd Llywodraeth Cymru nid yn lloegr. Ond nid drwy adeiladu M6 drwy Gymru mae gwneud hynny, mae angen datblygu Cymru ar draws y wlad gyda mwy o phresenoldeb y Llywodraeth yn y Gogledd nid presenoldeb y Gogledd yn y Bae yn unig.

[Hen Rech Flin]

Sori wrach bod yr A470 yn bwysig i'r ychydig bobl sy'n byw yn agos ati, ond bydde trwch poblogaeth Gogledd Cymru byth yn breuddwydio dreifio lawr yr A470 i gyrraedd Caerdydd, nid oherwydd ei fod yn ffordd wael ond gan ei fod ddim yn hwylus. I ni yn y Googledd Ddwyrain y fordd hawsaf ydy i fynd i Wrecsam a lawr y ffin drwy Llwydlo ayyb.

Rwy'n byw o fewn lled poeriad i'r A470, er hynny o fynd i Gaerdydd yn y car, byddwyf yn mynd i lawr trwy swyddi'r Amwythig a Henffordd gan fod y ffordd trwy Loegr yn well. Dyna bwynt fy nghwyn bod teithio yn fewnol yng Nghymru yn anobeithiol. A gan fod pobl y Bae yn credu mai Caerdydd yw'r unig le yng Nghymru bydda rywun o'r gogledd yn dymuno mynd iddi, maent yn ddigon hapus i weld pob cysylltiad de/gogledd yn mynd trwy Loegr.

Dwi ddim yn hunanol parthed yr A470, bydda draffordd yn lle'r A487 yn gwneud tro yn iawn.