Merthyr Tudful

[Hogyn o Rachub]

Iawn, digon teg, ond dim ond chwe gwaith ers diwedd y 19eg ganrif y mae'r Brifwyl wedi bod i Gaerdydd, felly dydi hi ddim yn mynd yno'n aml p'un bynnag.

[Wylit, wylit Lywelyn]

Y dyfodol: efallai Caerdydd bob e.e. chwarter canrif a Merthyr pob e.e. deunaw mlynedd. Jesd syniad o dop fy mhen...
Wrth gwrs, nid yw neb yn mynd i lunio rhyw fformiwla berffaith...

'Rwy'n synnu nad yw neb wedi crybwyll Owen Money eto...

A mae o yn resyn o beth fod prif glwb pel-droed y Cymoedd yn dewis chwarae yng Nghyngrair Ingyrlynd

[Josgin]

Pryd oedd y tro diwethaf i'r eisteddfod fynd i Merthyr ?
Mae'r cymoedd yn hollol ddiarth i fi - oes yna ysgol gyfrwng Gymraeg yn ardal Merthyr ?
Mae'r clwb peldroed mewn trafferth mawr , ac yn mynd i nunlle yn Lloegr.
Mae'n gas gen i Owen Money . Ymgorfforiad o agweddau gwaethaf 'Radio Wales' .

[Duw]

Mae Ysgol Gyfun (Gymraeg) Rhydywaun jest dros y ffordd yn Aberdar. Fel dwedodd rhywun arall - mae Methyr yn lle iawn, llawn bois da - er rhai'n ychydig yn arw. Ond mae hwnna'n wir am bobman yn dyw e. Pobol cynnes feb unrhyw sians diawl sy'n mynd gyda lot o bobl Caedydd ac Abertawe. Parthed agwedd i'r Gymraeg, dwi wedi ffeindio bois ardal Aberdar/Merthyr yn gyffredinol gefnogol i'r iaith, er nid yw'r rhan fwyaf yn ei siarad. Mater arall yw cymoedd eraill. Mae'r cymoedd lle rwyf yn gweithio wedi hollti'n llwyr - y rheini'n sy'n gefnogol (ymylu ar fod yn eithafol, er eu bod yn ddi-Gymraeg eu hunain) a'r rheini sy'n gweld yr iaith fel bygythiad i'w ffordd o fyw.

[Josgin]

Maddeuer i mi am 'herwgipio' pwnc i fyd addysg, fel petai, ond i rhywun o'r gogledd, mae yna son parhaus am y twf mewn ewyllys da tuag at y Gymraeg yn yn cymoedd. Ydi'r rhai nad ydynt yn danfon eu plant i ffrydiau ac ysgolion Cymraeg yn mynd yn fwy eithafol i'r cyfeiriad arall, ta ? . h.y. unwaith mae'r penderfyniad yn gorfod cael ei wneud i ddewis cyfrwng, yr ydych yn chwilio am ffordd i'w gyfiawnhau. Bum yn dysgu am rai blynyddoedd mewn tref fawr yn y Gogledd-Orllewin. Yr oedd hyn yn niwedd yr 80'au, gyda trwch y rhieni'n siarad Cymraeg , ond 'roedd agwedd hwythau , a'r athrawon 40+ tuag at y Gymraeg yn perthyn i feddylfryd brad y llyfrau gleision. Clywais fod hyn yn deillio o sefydlu ysgol Cymraeg yn yr ardal rhyw ddegawd cynt.

[Duw]

Mae'n biti bod Merthyr wedi bod yn darged i jocs dros y degawde diwethaf. Er bo diwydiant wedi cymryd llawer mas o'r dre, mae e wedi rhoi llawer iddi hefyd. Pobol sy'n gwneud cymuned, nid adeilade, ac mae'r bobol yn iawn.

Jos: o'm brofiad i, dyw pethe ddim mor syml â hynny. Mae 'cefnogaeth' i'r iaith, yn amlwg yn mynd i fod yn gryfach yn gyffredinol 'mysg y rheini sy'n anfon eu plant i ysgolion Gymraeg, ond cynifer o bobol y cymoedd dwi wedi cwrdd a fydde wedi achub ar y cyfle i siarad Cymraeg os oedd y cyfle hwnnw wedi bod ar gael iddynt.

[Ray Diota]

mae Methyr yn lle iawn, llawn bois da - er rhai'n ychydig yn arw..

dwi'n cofio bod yn Malia neu Magaluf ne rwle felly ar fin cal cweir gan grwp o saeson pan ddath criw o ferthyr draw ar ol clywed yn acen i a rhoi rial cweir i'r bois! dwi rioed di bod mor falch i fod yn gymro...!

[Wylit, wylit Lywelyn]

Ray Diota- beth oedd brawddeg cyntaf y grwp o Ferthyr? "Allright, but"?

[dawncyfarwydd]

Mark Steel's in town ym Merthyr wythnos yma. Os dach chi ddim yn gallu copio efo Saeson ignorant, peidiwch â gwrando, ond mae o reit ddifyr.

http://www.bbc.co.uk/iplayer/episode/b0 ... Episode_5/

[osian]

Mark Steel's in town ym Merthyr wythnos yma. Os dach chi ddim yn gallu copio efo Saeson ignorant, peidiwch â gwrando, ond mae o reit ddifyr.

http://www.bbc.co.uk/iplayer/episode/b0 ... Episode_5/

Ma son am y Gymraeg a deud "chchllllchchlll" mor wreiddiol!