RIP Maggie T

[Chickenfoot]

Mae'r jociau wedi dechrau'n barod, ond dw i'n anghyffyrddus iawn hefo'r syniad o ddilorni hen ddynes hefo dementia.
Er gwaethaf effaith ei pholisiau, a barn llawer o bobol amdani, dw i'm yn feddwl 'roedd hi eisiau dinistrio bywydau.

[RhiannonEleri]

A oedd hi'n anghyffyrddus yn dilorni'r dosbarth gweithiol yn ystor yr 80au? Dwi'n eithaf siwr nad oedd hi'n poeni ei bod yn dinistrio bywydau y milwyr a lladdwyd ar ynysoedd y Falklands na'r glowyr a cafodd eu sarhau i'r eithaf.

[Hen Rech Flin]

Does neb yn dilorni hen ddynes efo dementia (na chwaith yn clodfori hen ddynes efo dementia). Mae'r ffaith bod Mrs Thatcher wedi cael dementia yn ei henaint yn gwbl amherthnasol i'r coffa am dani.

[ceribethlem]

Cytunaf yn llwyr gyda'r Hen Rech Flin.

[Josgin]

Nid yw beirniadu rhywun yn syth ar ol iddynt farw yn gywerth a'i gwatwar. Ni fuaswn yn ei beirniadu am ryfel y Malfinas - cofier mai'r Archentwyr oedd y cyntaf i ddefnyddio arfau, ac felly ymateb y gwnaeth i sefyllfa. Fy meirniadaeth i fuasai ei pharodrwydd ynfyd i gael gwared o'r diwydiant cynhyrchu ym Mhrydain, sydd yn cael effaith andwyol ar ein gallu i werthu nwyddau dramor heddiw. Yr oedd y polisi ar werthu tai cyngor yn wallus, gan na chaniatawyd adeiladu tai newydd. Un peth hurt yw mai ei gwir etifedd oedd Tony Blair - gwr sydd a llawer mwy o waed ar ei ddwylo, ac oedd llawer llai egwyddorol.
Yr oedd Mrs Thatcher yn ddynes anrhydeddus a charedig tu hwnt yn bersonol, ond dwry ei pholisiau fe lwyddodd i greu naws anonest a hunanol oedd yn hollol ddirgroes i werthoedd anghydffurfiol ei thad.

[Chickenfoot]

Digon teg. Ar y llaw arall, 'roedd safbwyntiau Nigel Farage yn y Sun heddiw yn gweund i fi deimlo'n sal.

[Chickenfoot]

[Hen Rech Flin]

[Hen Rech Flin]